冇諗到噉就十年了，當然我冇睇咁耐，大概15定16年先開始睇。十週年快樂！ 有賀歲片嘅味道，而且對近年嘅時事有抽水，好有港產味 > 希望大家支持 我們會努力改進 不停改 出更多新片 更多香港原創 只為香港原創 豪少好嘢！同其他channel共同拍攝，真係同年前講嘅一樣，出錢出力，邊個演員好就用邊個，只求做到更好，嗰團火又旺盛起身了 呢條片其實講緊熊仔頭呢十年嘅拍片經歷：從曾經嘅熱門變到而家出嘅片連排第幾都唔知；眼見其他channel好快地出片，以為快就work，但事實上就跟咗人哋嘅節奏，質量都變得冇咁好；而且都照出，因為唔盡力就更有藉口話自己唔得；大家係一個team，始終支持同鼓舞； 「冇人話你唔得，係你自己話自己唔得，......萬一你真係得呢？」，實在冇第句，但其實都唔需要第二句，呢個就係最好嘅信條； 「我知你得嘅，你係未得返啫」，其實個個都會有低落潮，最緊要嘅係，嘗試過，知道真係唔work嘅時候，再做返自己都會有突破； 最後嘅彩蛋「十下十下就十年」，差啲冇睇到 fh繼續加油啦！期待更多嘅高質片

人日快樂！ 重新做人，自己知道 從審視嘅眼光嚟睇就係完全唔ok 亦都唔係同邊個比嘅問題，只係自己都睇唔落去噉解 22年，真係要更加好先得了，時間過咗如果人冇變好，其實就等於退步

放個年假，重新揾緊表達嘅慾望 唔知幾時再返嚟，提前祝大家新春快樂

隨機播放自己嘅音樂庫，播到呢首，跟住連續幾日都好上腦，可惜冇純享版 劻宜@ShowOff - 開竅.mp3: 您嘅瀏覽器唔支持audio元素，請換第個試試.

早晨！ 2021年過去了，welcome to 2022! 於我，2021年只係2020年所有不幸嘅延續，我仲部分活喺2019年。大家應該都唔會忘記點樣先係相對好嘅、比較正常嘅生活 雖然一切早已知道，但睇住佢發生，嗰種難過同無力感又好真實，好難以抵擋。自己仲係會間中萌發一啲不切實際嘅希望，等自己暫時麻木，我仲係未完全ready好要點面對 但我睇得好清楚，只不過係活在當下而又不斷逃避，始終唔覺得呢個世界係真實嘅；黑夜雖然黑，但比唔上呢個世界咁黑暗 噉是否會變得更好？ 好遺憾我冇辦法保證到。而且我個人唔樂觀，唔變得更差就已經謝天謝地了。喺噉嘅大環境下，個人揾到自己嘅目標同方向，生存落去嘅同時對自己、對身邊嘅人好啲，就已經好掂喇 so，今朝起身食個靚嘅早餐，飲杯咖啡，準備睇拓荒嘅比賽；從屋企人、朋友身上接受到嘅温暖中振作起身，人生路漫漫，總該繼續往前行 One Two - Me and You.mp3: 您嘅瀏覽器唔支持audio元素，請換第個試試.

希望係最後一次大型分裂自我嘅過程 一諗到聽日要寫嘅嘢，就打冷震，救命 當係一場遊戲，呢個並不難做到，聽日就係為呢一段時間嘅分裂做終結 係囉，冇理由考得比嗰啲人低㗎！Sarcasm不嬲都唔係我嘅弱項（未敢自誇係強項），祝我正常發揮！

畀佢哋一年時間，噢講錯，都唔使一年，就可以改變一切！ 今年三月發佈嘅藍皮書話「有95.5%的小学生每天睡眠不足10小时，平均为8.7小时；有90.8%的初中生每天睡眠不足9小时，平均为7.6小时；有84.1%的高中生每天睡眠不足8小时，平均为7.2小时」 而最近嘅發佈會話「7714万份家长无记名问卷反映，秋季学期有76.2%的学生睡眠时长达到或接近“小学10小时、初中9小时”的规定要求」 真係犀利，而家就有個問題喇，應該信乜嘢呢？藍皮書係中科院發嘅，而發佈會係教育部開嘅。可以得出一個結論——專業事都係留畀專業人做啦，教育部發問卷到學校叫家長填，呢種方式明顯就唔科學 我之前都講過，白紙黑字嘅問題 [https://blog.independentlyreview.com/interesting-news-21-11-16/] ，只不過係開玩笑。其實都唔關事，呢個結果明顯好假，一樣上晒新聞，問題唔在於真與假，而只係在於係咪佢哋想講嘅嘢，

快评：百万港人用实际行动粉碎谎言与污蔑-新华网 快评：百万港人用实际行动粉碎谎言与污蔑---据香港特区政府实时更新的数字，截至北京时间19日17时30分，超过100万选民参加了香港特别行政区第七届立法会选举投票。百万港人用实际行动粉碎了一些外部势力针对选举的谎言与污蔑，表明了真正的人心所向。 [http://www.news.cn/2021-12/19/c_1128179336.htm]唔建議點入去睇！建議唔好打開上邊嘅link，睇睇標題就好 what's the truth? 首先睇睇數據先，130萬好似好多喎，噉投票率幾多啊？咩話？得三成？點解大量下降嘅？而且係喺港區政府話鼓勵他人唔投票，投白票、廢票係違法嘅情況下！ 你可以聽行政長官話「有説投票率低，或因政府做得好」，我只笑笑不説話，理由見下圖 而且呢，上邊條link話「投白票、投废票，在美国法律中属于刑事犯罪」，但事實上，嗰四個人係涉及投多張票以及冒用他人身份投票而被起訴，事實都唔啱，點説服人！

今日嘅天氣質量超差，而且冇太陽，所以直接儘量少地喺出邊 睇返相，好奇點解黑天鵝效應係叫黑天鵝，而唔係其他 wikipedia [https://zh.wikipedia.org/wiki/%E9%BB%91%E5%A4%A9%E9%B5%9D%E6%95%88%E6%87%89] 話：「在18世紀歐洲人發現澳洲之前，由於他們所見過的天鵝都是白色的，所以在當時歐洲人眼中，天鵝只有白色的品種。直到歐洲人發現了澳洲，看到當地的黑天鵝 [https://zh.wikipedia.org/wiki/%E9%BB%91%E5%A4%A9%E9%B5%9D] 後，人們認識天鵝的視野才打開，

好幾日好遲先瞓，有晒熊貓眼。。。 今日都係早啲唞好了，good night，find that 100 days with weekends，very good!

感冒，難受至極，而家已經好得七七八八 係咪自己呢排太少運動，所以抵抗力差呢？又唔覺喎，我點會承認自己抵抗力差呢，冇可能㗎嘛hhh‌‌‌‌以下係推卸責任環節：我覺得唔關我抵抗力好唔好嘅事，而係在被逼「吸入」大量病菌嘅情況下，好難唔舐嘢 當系買個教訓同提醒自己了：知道人哋傳播緊病菌，就好快趯佬；人哋點素質法真係無法控制，只能控制自己。。 and大家舐嘢嘅話，記住戴口罩，有啲擔當，保護人哋，咪你每感染一個人，就會多一個人憎咗你 病咗可以多啲時間休息下，代價就係schedule都打亂咗，慘死，return to normal，從美好嘅週末開始！

央視網新聞：国家统计局回应“滞胀”表象：短期冲击因素造成的阶段性状况 [https://news.cctv.com/2021/11/15/ARTIejizlthuQPHhkG7SLSOB211115.shtml] 国家统计局新闻发言人就2021年10月份国民经济运行情况答记者问 [http://www.stats.gov.cn/tjsj/sjjd/202111/t20211115_1824527.html] 十分有趣，事後發佈嘅發言稿係可以將之前發言嘅內容刪走，噉我哋究竟可以信幾成呢？呢個發佈會究竟可唔可以當真呢？（因為既然刪走，我哋就有理由認為呢句話唔可以當真，只能當冇講過） 呢個可以理解，講説話當然會有講錯嘅時候，乜嘢叫「睇起身好似出現咗一啲滯脹嘅表象」？反正我係搞不明白，有就有，冇就冇，好似有表象，實際有冇呢？從佢嘅發言係完全唔知道。噉其實，官方應該係想講，而家唔係滯脹，而係短暫嘅、受到外部衝擊嘅經濟下行‌‌ 所以絕對唔可以寫出嚟，一旦寫出嚟，

魔幻現實。。。 我唔係唔理解，高興好正常，甚至大聲歡呼都算了，唔係成晚嘈住嘅話，我自己忍到 但都要有個度喎？極端到發女朋友裸照，直播剃頭、食屎，強姦？？？？？？ 黐線咩！已經唔係發泄嘅範疇了，變晒神經病，扮傻嚟趁機做一啲自己想做嘅嘢 feel shame for that, 我覺得我自己都有罪，但我乜嘢都做唔到，只能自救，儘量唔俾拖落去 撇開上邊嘅唔講，只講正常啲嘅狂歡同慶祝 我係睇出好多人嘅內心好壓抑，好想發泄，但社會唔畀機會男仔太感性，抒發自己嘅感受，which係非常有害，like this："Talking to Boys the Way We Talk to Girls [https://www.nytimes.com/2017/06/15/well/

<玻璃心 [https://www.youtube.com/watch?v=-Rp7UPbhErE]>超黐線，好聽到爆炸（作者原話：情歌~and玻璃心患者慎入~ 「站著，還要把錢賺了！」 黃志明同陳芳語嘅呢首歌，贊爆，必上熱門！ update：發現歌手名字喺wechat入邊係敏感詞。。雖然都唔出奇。。

其實又唔會點花心機（其實都諗咗幾耐嘅），禮物嚟講一般都係書，因為我係一個「讀書人」hhh 當然啦，又唔會得本書嘅，一般都會有書評or祝語 話唔定以後我嘅簽名會非常值錢呢！所以千奇唔好以為份禮物好簡單吖！ 祝生日快樂啦！認識了三年多，感情很細膩人也超級負責，我們都值得更好的未來噢！還有，儘量早點睡吧！

睇過太多太多，唔知點講 我覺得我已經變得越嚟越麻木，聽到見到又有人離開人世，好似已經冇乜嘢太大嘅反應，冷血啲講，我彷彿真係睇到一個數字，又加咗一 如果要辯駁，都可以話係因為當事人同我冇關係，但，我又諗，如果佢真係我識嘅人，like過去嘅幾個有過交集嘅人同朋友，我而家，似乎唔再咁care i will think that, 一來事情一旦發生就無法倒流，改變唔到；另外，呢個係佢哋嘅選擇，我甚至連佢哋點解會一步一步發展成噉樣都唔知道，噉我可以做乜嘢，我可以點諗？乜嘢都做唔到，唯一嘅事情係喺心底記住佢哋，記住佢哋嚟過，相處過，但已經無法再見 我已經唔想再諗假使當時佢哋做另一個選擇，而家會點嘅問題。因為只會徒增難過，我哋只能把握自己，現在同未來，都尚待我們探索，活着的人，請堅強活落去，冇嘢係解決唔到㗎，至少至少，請你同你身邊最重要嘅人講過，再做選擇，once u chose, maybe u would