極冷

識錯人？定係根本唔了解？

其實都好難講係點嘅情況，究竟係自己根本唔了解呢，定係邊個時候邊度誤會咗…… 如果事後睇返嘅話，肯定可以揾出一啲言行去佐證，但當時完全係0 feel 我喺度諗，咁多年嚟，我都覺得自己一個都可以好過癮，係咪因為噉，所以就傾向於一個人過世界，亦因此唔太關心同了解其他人呢？又或者係，可能當時候仲抱有些許期待，以為佢哋終有一日會改變，但事到今日先知道只係一種幻想而覺得識錯人？呢啲問題太複雜，我唔明……此時此刻，只想做一個沉醉喺自己世界入邊嘅自己，其他嘢？當冇到算近排迷上咗律師系列，幾日就追咗好多本，狂讀，唯有小説不會辜負？哈哈，講笑咩，有好有壞啦，但起碼寫咗出嚟就定咗個型，唔使驚佢會點劇變法，安心太多~

彎路回正

最近都真係比較忙，比較間唔中都會攪下啲server嘢，日常update kernel同package，application之類因為唔想成日做同樣嘅操作，所以都寫咗啲.sh同.bat嚟幫手自動化完成，不過之前係行咗啲彎路嘅，喺windows入邊本身係想後台運行一啲服務，但係如果exe執行嘅話就會有個窗口喺嗰度，之前嘅方案係將寫好嘅.bat轉成後台運行嘅.exe，而個問題係，如果.bat嘅命令需要修改嘅話，個exe就唔用得…… 於是乎，今次又再去查啦，先發現原來.bat本身就可以後台運行……而覺得自己之前唔知攪咗啲乜嘢！ @echo off if "%1"=="h" goto begin start mshta vbscript:createobject("wscript.shell").run("""%~nx0"

食字遊戲（諧音梗）

真係唔到你唔認，食字好似係文化基因？從古時嘅壓韻開始呢排關注台灣柯文哲圖利案，啲食字真係幾過癮從白內帳，上億夫（某位名嘴），到雞鴨雙拼飯（羈押），拷北（靠北）等等，確實有意思至於後續會點，點講好呢，我樂見其毀滅，以「包牌」、民粹為方針嘅政黨唔係合格嘅第三勢力，當然，市場肯定有，畢竟今年選舉時仲有三百多萬（差啲唔記得個多字添！）選票，只係希望正常多啲，堅定價值囉

再見屋企

好在都係趕得切，返去慶祝最愛女人之一嘅生日，另一位就冇辦法喇，早到傻，因此亦聚唔到幾多屋企人（又唔係情情愛愛就唔好分先後大細啦，一於全部都係之一唔使煩！似乎係呢幾年最短嘅一次？對上上次係有比賽，但係呢，無論幾短都好，都係屋企最舒服，叉下電，又可以頂半年！！！即將迎來最長嘅寒假，加油呀呀呀同摯友見面食個飯都好正，做嘢之後確實係唔同咗嘅，但喺變化嘅同時都会察覺到無變嘅地方，仲係同一個人哈哈，賺錢係工作嘅道理，前路如何做個點樣嘅打工仔呢，好快揭曉，讀多三年自由時間已滿足，再讀落去就唔係自己嘅諗法，亦都預見唔會太開心，所以科研到此為止啦bye 懶咗易病係永久真理，好在平時有鍛煉開好快好返，所以都係要繼續keep住鍛煉先得，寒假返去要用下個新波啦，立flag唔好冧呀喺屋企期間拋開社交軟件，睇少咗時事新聞（大選同弊案），多返時間睇書，超正，決定咗，每晚要畀返啲時間畀書。呢段時間睇咗《渺小人生》，感動到傻，死後人生真係好難，改變一個人都好難，此時此刻好重要，唔好浪費咗再追悔再一次感到，愛同被愛係一件好幸運嘅事情，無論結果係點都唔會影響到，因為我就係一個重視過程嘅人，

撥浪鼓咚咚響

父親節特輯，儘管係禮拜四，都可以當放假嘅，所以就嚟睇返部都算應景嘅電影細路啱上小學一年級，喺山村做留守兒童，同嬤嬤相依為命，畀人疜冇朋友，母親早就離開咗，父親多年唔見，甚思念，寄望於自己期末考嘅雙百分數可以令父親歸家以至變為執念，喺聽講賣貨司機去過父親打工嘅城市就偷偷地上車，繼而發生後續嘅尋父故事開車賣貨司機同樣係個命苦人，幾年前俾最好嘅兄弟呃走咗仔嘅救命錢，只能眼白白睇住患上絕症嘅仔喺自己懷抱一日日死去，因此執着於搵曾經嘅友人復仇，練習見面之後要點用腰間嘅小刀殺對方，其實都唔慌開心錢，係最快產生關係嘅方式……嬤嬤感覺到自己快老死，就去影老相，而必然嘅係要嘗試討價還價再失敗嘅環節（一如司機後邊租房一樣）。細路同司機糾纏埋一齊都全因為細路唔小心燒咗勁多貨造成巨大損失如果個人未壞晒，就唔好做衰嘢。因為即使冇報應，都會後悔死，而且係成世都要承擔，甚至寄希望於受害者揾到自己之後鬧、打、殺自己，令自己好過啲。但佢哋甚至唔敢自己去揾受害者，因為唔知道應該點面對；而且實際上都怕死（應該話冇乜人唔怕），只係為求心安，其實係勁自私，自己都唔肯承擔呢份擔當同責任，要人哋孭埋殺人罪…… 而好

感性過剩，耐心等待

原來係七夕，亦係商業化嘅「情人節」，so？nothing happen always，只係睇咗啲古詩有啲感觸呢幾年越大越覺得，情緒對自己嘅影響更加大。唔知關唔關比以前更着緊自己事，簡單啲嚟講就係，我變得更加自私，much more than ever before 而且我都冇覺得唔好，儘管對於未來都係會有唔確定嘅不安穩感覺，但至少現時覺得好舒服同埋享受而越係喺噉嘅情況下，就越覺得自己嘅表達相當貧乏？睇咗好嘅作品，好多都令我感動，就會更懷疑自己究竟會寫成點，所以……變咗係好耐未續寫返，我諗大概真係未準備好，無論係心理上定係見聞構思上，當然都係會寫嘅，但估計唔會喺短期內重新開始可能係一種拖延嘅藉口？我唔知，但都選擇會等落去，畢竟噉做都唔點需要力氣，可能，會從短嘅開始寫返起？會易啲啩哈哈，希望唔好有人有期待，因為拖稿係日常，現時已經係一雙手都數唔晒，點算？就交畀未來嘅自己啦！too sad to say that~

無依之地 War Pony

保留地印第安人點生活？同城市嘅交集相處又如何？我個人好中意電影分別展現細路同後生仔(?)嘅故事，而命運最後令佢哋相遇，得以延續同支持可以將細路嘅故事睇作後生仔青春時嘅經歷，因為兩個人都同樣失親離異，都會同一班死黨一齊行動，都喺做錯事之後心懷夢想希望變好…… 點解咁多人嘅經歷都咁相似？其實同國內嘅農村差唔多，因為冇乜工作機會，治安幾乎為零，多元而新鮮事物未影響到生活（電影入邊喇，而家當然情況比較唔同，智能電話同各種社交娛樂APP極大地影響而家嘅世代，不過都變成另一種相似無趣）大人嘅夢想好簡單，揾錢同組建家庭！無論係養名貴狗生嚟賣，定係靠厚面皮同把柄嚟揾工等等，不計手段同方式，達得到就好，但係根本性嘅問題依然存在，會有人偷、處於權力之上嘅顧主始終睇唔起同蝦霸印第安人，各種問題會接踵而來，似乎都喺度阻止自己嘅致富夢想。或者可以講，佢哋嘅未來幾乎定死咗而導演比較好心，為我哋展現印第安人反抗嘅一面，反過嚟搶走晒火雞工作坊嘅產品工具同埋火雞們~大家都會記得，歷史係邊個掠奪邊個。而且，即使有呢一出大快人心嘅劇情，對於未來都唔會有乜嘢改變，只有季節嘅變化…… 細路嘅話，其實都好簡單，同

記憶 Memoria

老老實實，睇到瞌着咗…… 所以抱住紓壓嘅心態去睇，的的確確又放鬆咗嘅人與人嘅交流，語言佔咗好大一部分，但係呢，有啲嘢係言語所無法精確地表達到，正如Jessica唔能夠直接向Hernán分享自己腦入邊嘅巨響。不過，溝通嘅魅力都在於此，只要繼續對話，就可以不斷接近，即使都係冇辦法達到，但都比起一開始靠近想要表達嘅嘢好多但都要想講同埋有人願意聆聽同交流先得，雙向嘅，少咗任何一part都搞唔掂而人呢，無論需唔需要獨處嚟叉電，都應該行出去睇下。如果Jessica一直就喺屋，就唔會睇到化石骨頭、聽到美妙嘅音樂、睇到光影嘅神秘同奇妙……，同更重要嘅，係同其他人（包括屋企人、朋友）嘅相遇同交往世外桃源，似乎只係畀本身就喺入邊嘅人先有用？Jessica行到入去，腦內嘅巨響都係會出現，各種外界嘅資訊都同樣會繼續糾纏喺放空嘅時刻，呢個就係記憶嘅影響，往事唔能夠當冇嘢發生過，亦都同導演想表達嘅其中一樣嘢有關：請多關注幫幫哥倫比亞

所有的美麗與血淚 All the Beauty and the Bloodshed

其實初初係睇到話關於奧施康定Oxycodone嘅抗議者，角度唔一樣會有唔同嘅感覺，所以入咗list，感興趣嘅話可以睇返之前寫嘅Dopesick 成癮劑量電視劇睇完之後感覺，好正。如果按照Nancy Goldin本身嘅諗法——只係單純記錄PAIN(Prescription Addiction Intervention Now)對Sackler Family嘅追擊追責同對受害者嘅關注聲援——就會少咗好多嘅魅力。唔係話噉樣嘅紀錄片冇價值唔好睇，只不過Laura Poitras堅持影埋另一半內容——關於Nancy Goldin嘅個人成長經歷故事——成部電影就變得更加完整同動人點解Nancy Goldin會行上攝影呢條路，會拍攝比較前衛嘅毒品、性、暴力、艾滋等等嘅題材呢？原生家庭嘅影響好大，童年時就處於緊張、性暴力嘅氛圍，所以爸媽情緒都唔穩定，而佢家姐只係因爲青少年嘅變化，相對變得開放之後，母親完全冇辦法適應同照顧，格硬送家姐去孤獨寂寞嘅精神院……好恐怖同絕望，最後家姐喺一條火車軌上結束咗11歲嘅生命，而真相都要喺好耐之後先知道，Nancy覺得鏡頭唔會背叛自己，可以從另一個角度幫自己紀錄

接受無知

睇緊最新一話嘅間諜家家酒，都幾認同嘗試去瞭解，同承認自己唔知道同樣重要，缺一不可同Atlantic嘅一篇文章結合一齊睇都幾好（已同步加入八月刊草稿） The Flattening MachineThe chaotic aftermath of the assassination attempt shows a toxic information system working as designed.The AtlanticCharlie Warzel Our information ecosystem is actually pretty good while the dust is up. But the second it begins to settle, that same system creates

以啡會友

好朋友坐飛機返嚟送咗啲咖啡，既多國出品又多量嘅幸福，正！掛耳係熟悉嘅配方，有一隻得一包未試，睇上去勁精品越南係勁生猛嘅感覺，可以專心科研同揾工喇hhh，而且呢隻係最大量，直接double飲啡大法，2->4次/禮拜，歡樂都遠超×2嘅感覺當地飛返嚟嘅，正正常常都幾中意，間中禮拜飲下悠閒地休息先~ 所以如果大家想送禮（if啦），一係就書，第二樣就係coffee喇，我會無限感激㗎，btw，最近就唔好送住後者先喇，因為而家庫存十分充足，開心！

google翻譯有粵語啦

finally!!! 終於唔係bing一家獨大hhh 因為先上線冇耐，都係有好多地方要執，如果喺使用嘅時候發現翻譯有問題嘅話(粵文譯其他/其他譯粵文），可以喺呢個google form填寫，一齊幫助google翻譯更好地支援粵語~ 從圖中可以睇到，顯示粵拼之餘，仲可以開啓輸入法當網頁版輸入法用，當然，我自己就中意typeduck嘅網頁版多啲，因為界面好睇啲，功能又強大，可以輸入埋音調降低重碼（v1,x2,q3,vv4,xx5,qq6），and因為面向學習粵語者，可以揀其他語言嘅翻譯意思目前嘅話電腦都係用緊小狼毫，電話就gboard同typeduck交替用，都係有完善空間，相信之後會全力轉typeduck 心喐喐想學粵拼嘅話，喺typeduck官網都有唔少嘅資源，feel free to visit them~（隨你所願試下啦

一齊讀下「國安體制」在香港——《港區國安法》實施三年觀察報告

「國安體制」在香港—— 《港區國安法》實施三年觀察報告.pdfGoogle Docs 在 2014年提出具中國特色的「總體國家安全觀」,拓寬對國家安全的定義。新的安全觀在間諜及反恐的特定行爲外,涵蓋「政治、國土、軍事、經濟、科技、資源、核、生物、生態、社會、文化、網絡、海外利益、極地、深海、太空」16 個領域。換言之,中央政府須在每個領域「防範和化解」可能危害國安的因素,而其中,又以維護共產黨領導的政治安全為重中之重。 2015 年,全國人大常委會通過《中國國家安全法》,以法律形式確立「總體國家安全觀」在國家維護國安工作上的指導地位。同一時期,中央加強共產黨對內地社會各界的滲透,並整頓媒體和高等教育,以行政命令禁止討論「民主」及「公民社會」

聖誅 مقدس‎

really bad...尤其知道咗係真事改編，發生喺20幾年前嘅伊朗一個社會（電影入邊係伊朗）係點形成厭女情緒？宗教？可以解釋一部分原因但並非絕對，因為都有其他信伊斯蘭教嘅國家、人唔係咁極端地厭女，當然都要注意到伊朗係唯一絕大部分信什葉派嘅所以更加固守經文；文化傳統？都可以解釋一部分，因為的而且確係由來已久嘅氛圍，並唔係突然間一個伊斯蘭革命就反轉晒。而最後仲要加上政權同社會嘅默認同偏幫，呢一點喺電影入邊展示得好明顯都要提及返一啲背景，故事發生喺伊朗馬什哈德，係什葉派嘅聖城所以有其宗教神聖性同人口眾多，所以如果係普通嘅連續殺人事件應該會毫不猶豫地為咗治安全力緝拿而唔係一次次畀兇手喺同一個有目擊者嘅地方犯案&同一個地方拋屍 first question：既然都知係喺聖城且社會極度厭女，點解仲有咁多女性要犯險喺聖牆附近從事性工作？第一個原因當然係經濟問題，窮人要揾出路，但喺噉樣嘅社會，女子一個人係寸步難行（女記者如果冇證件表露自己身份都冇可能住到旅館），基本上只能依靠屋企嘅男人。但如果父親老咗或走咗，同埋又無丈夫（未嫁/離異之類），電影嘅第一個受害者就係一個單親媽媽，只有屋企

夕陽，好暖！

食飯前去收衫，啱好夕陽曬到，really good 一個人嘅傍晚，食住飯，睇住日落晚霞，其實都好正？——呢個畫面其實唔係今日，高考就快嚟，突然有呢個機會諗返高三時候嘅日子。嗰時晚修比較早，得一個鐘多啲嘅放學時間畀食晚餐同沖涼，嗰時嘅我呢，高中前兩年已經習慣咗日日去打波，除非受傷或者嗰日有體育課之外，所以到咗高三時間比較抆嘅情況下都係繼續去打波～打完波時間肯定就嚟唔切，所以有時會返宿舍沖完涼就急急腳打好飯直鏟返去教室，跟住就喺陽台望住樓下嘅籃球場同埋日日各異嘅天空享受晚飯～有些少懷念無憂無慮，只要準備好高考就得嘅生活，快樂就係咁簡單而今日嘅自己，已經打少咗好多波，本科嘅話因為有同學一齊所以都可以一個禮拜打兩三次，而家嘅話，最盡都係一禮拜一次，有時甚至一個月先有一次……諗諗下，覺得自己都變咗好多，究竟係從幾時開始又習慣咗一個人呢？hard to figure it out, and it's meaningless。無謂再去尋找答案，覺得過得幾好，就得喇，完全唔係問題簡單而又美麗嘅事物，曬喺我嘅皮膚上，透過玻璃反射入室內，我都有啲諗明白：

百萬圓與苦蟲女ひゃくまんえんとにがむしおんな

同樣好治癒嘅一部戲，節奏慢得嚟而又有韻味首先要解釋下苦蟲係乜嘢意思：喺呢個辭典查到係苦面嘅意思（塊面好似食咗苦嘅蟲噉咁難睇、令人難以接近） 100萬日圓(yen)，話多唔算多，不過都唔算少，按返08年匯率大概就係1萬美元，夠畀去第個地方嘅交通同住宿費女主佐藤鈴子，性格比較矛盾：內斂而又火爆，脆弱而又堅強，勇敢而又害怕受傷。呢種性格好大部分係受到家庭嘅影響，影片一開始就展現咗：姐姐性格跟媽媽，儘量避免提及唔好嘅事情，但如果情緒上嚟都係會爆發；而弟弟跟爸爸，表面強勢正氣，但實際就係一個懦弱嘅老好人。加上屋企一旦提及所謂嘅真話，就會嘈到冇辦法住落去，進一步加深咗鈴子覺得唔可以對心邊嘅人講心裏話…… 跟住就出事喇，唔識拒絕say no，只會強裝微笑帶過，前期被逼同意三人同租，對細佬嘅毒舌忍讓，後面被逼接下桃女嘅職責，唔想去同事酒聚但都冇拒絕，and不斷借錢畀男友，連約會時都使自己錢，順從地委屈自己…… 一路死忍爛忍，總會有發火嘅一日。見到收留嘅貓畀同租嘅男人噼出街，一怒之下抌晒佢啲嘢結果俾刑事起訴留下案底；鄰居舊同學講自己閒話，都由佢喇，自己又冇真正阻到其他人，但直接行過嚟圍住寸

Prehistoric Planet史前地球

有時睇下呢啲電腦合成紀錄片都幾舒服解壓講起恐龍呢，之前去博物館當場預約入去睇，體驗好正，有解説，有幾多細路仔（錯重點）但又唔會覺得好多人，最緊要嘅係展覽效果（燈光吖、温濕度、空間比例之類）都勁好返番嚟正題，點解人類普遍咁着迷於恐龍？我諗可能有幾個原因。首先係先要存在，因為恐龍比較龐大，所以化石保存到而家相對容易，攞嚟研究嘅可行性就自然大好多，有咗成果之後就會有展覽之類；而令到恐龍脱穎而出嘅當然係因為佢勁龐大，人係有慕強心理，同埋因為未完全解密，帶有神秘色彩，就更加容易吸引到人對於生物，基本上都係呢啲感興趣：出世、進食、被捕食/爭食、繁殖生育。雖然噉樣一講好似幾普通同單調，但紀錄片整體安排得幾好，有舖墊有引導，同埋啲劇情都幾有意思，and每一種生物嘅呢幾項都會多多少少有唔同，成為其獨特嘅部分植物相對好生長，即使喺極地或沙漠，終會出太陽同落雨，就會有佢哋嘅發展空間；而素食動物風險細，除非植物太少，否則都幾易揾到嘢食，只不過其營養同熱量較少，所以要花極多時間去進食；肉色系則相反，風險高，

我的八爪魚老師 My Octopus Teacher

好治癒嘅一部紀錄片因為影片本身就係治癒主角Craig Foster嘅過程：佢喺長期嘅拍攝剪片工作攰到大病，無法再掂相機同工作室電腦，而兒時嘅淺海之旅令佢向往接觸返大海，期間偶遇一隻八爪魚，同佢產生連結，得以重拾相機記錄低呢段唔太長但難忘嘅陪伴八爪魚，一種海洋軟體動物，觸手上佈滿可以獨立控制同感官嘅吸盤（聽過有人話係佢嘅脷，所以接觸嘅時候喺某種意義上係食緊嘢，睇嘅時候諗到呢個講法笑咗要接受咁多嘅感官，所以都有比較高嘅智能，喺影片入邊我哋都睇到，佢學識點捕捉龍蝦（乜都食得真係正，海鮮大餐）、畀鯊魚咬到嘅時候甩觸手保全自己，利用石頭同貝殼保護自己唔畀鯊魚食，喺緊急時刻吸喺鯊魚背脊上……really amazing！而有智能，就會有好奇心同學習能力，所以願意接觸Craig Foster，畀佢一齊同自己行動，探索呢個淺海世界。諗緊呢，非社會性動物雖然唔會同同類一齊生活，大多數時候都係獨來獨往，但唔代表佢哋唔需要其他生物，捕食被捕食爭食呢啲唔講住，八爪魚喺唔需要進食嘅時候同一班魚一齊玩，某種程度上都係一種滿足，同呢個世界接觸交往嘅需要亦都呼應Craig Foster從呢隻八爪魚

美麗新香港

【六四35】警帶走穿「8964」黑衫女子另有4人同被帶上警車當晚睇住直播呢，都有啲唔知講乜好嘅感覺…… 拎住一本國安法解讀，講幾聲「支持國安法」，就老屈成「涉嫌破壞社會安寧」，跟住就直送灣仔警署，黐線到乜噉而搞笑嘅係，夜啲有個人用皮帶or繩牽住隻小熊維尼一陣都冇啊sir嚟警告，好得意睇住電視見證港隊入兩波都好熱血，正過隔離國家隊男足踢平泰國。只係後尾睇到新聞警方在大球場拘捕3男女　涉嫌侮辱國歌 - RTHK世界盃亞洲區外圍賽中國香港昨晚主場迎戰伊朗的賽事，在香港大球場舉行。警方說，發現有人涉嫌在奏唱國歌時作出侮辱國歌的行為，在播放國歌期間全程背向球場及沒有站立，拘捕3人。警方說，經調查後，拘捕兩名本地男子及一名本地女子，年齡介乎18至31歲，涉嫌侮辱國歌，他們現正被扣留調查。案件交由灣仔警區重案組第…香港電台網站 - 中文新聞師兄，「在播放國歌期間全程背向球場及沒有站立」，噉就拉得，果然全部都係歷史性發言，冇現實意義執法上嚴到傻，但不如話噉樣執法先係正常？因為有問題嘅係條法例，行政上本來就係要嚴格執行，當然啦，喺對岸嘅話習慣咗懶政同人治，