隨筆

A collection of 92 posts
隨筆

美麗新香港

【六四35】警帶走穿「8964」黑衫女子 另有4人同被帶上警車 當晚睇住直播呢,都有啲唔知講乜好嘅感覺…… 拎住一本國安法解讀,講幾聲「支持國安法」,就老屈成「涉嫌破壞社會安寧」,跟住就直送灣仔警署,黐線到乜噉 而搞笑嘅係,夜啲有個人用皮帶or繩牽住隻小熊維尼一陣都冇啊sir嚟警告,好得意 睇住電視見證港隊入兩波都好熱血,正過隔離國家隊男足踢平泰國。只係後尾睇到新聞 警方在大球場拘捕3男女 涉嫌侮辱國歌 - RTHK世界盃亞洲區外圍賽中國香港昨晚主場迎戰伊朗的賽事,在香港大球場舉行。警方說,發現有人涉嫌在奏唱國歌時作出侮辱國歌的行為,在播放國歌期間全程背向球場及沒有站立,拘捕3人。 警方說,經調查後,拘捕兩名本地男子及一名本地女子,年齡介乎18至31歲,涉嫌侮辱國歌,他們現正被扣留調查。案件交由灣仔警區重案組第…香港電台網站 - 中文新聞 師兄,「在播放國歌期間全程背向球場及沒有站立」,噉就拉得,果然全部都係歷史性發言,冇現實意義 執法上嚴到傻,但不如話噉樣執法先係正常?因為有問題嘅係條法例,行政上本來就係要嚴格執行,當然啦,喺對岸嘅話習慣咗懶政同人治,
2 min read
隨筆

「總會有人睇唔過眼」

長達四個幾月嘅等待實驗終於結束,比我預期要早,所以算係好事? 情境還原: 如果宿舍嘅水喉漏水,如果衣架卡住陽台門,如果門片鬆動,你係咪會見到就解決,定係等睇舍友忍唔住喐手? 小弟並唔係一個唔善於等待嘅人,但我唔係幾容忍到發現問題都唔去解決,所以基本上上述情況都係我自己衝鋒陷陣搞掂咗 其實都唔係乜嘢大事,因為始終都係要有人去做先至會有得解決,就算次次都係同一個人出馬都係噉講,畢竟最重要嘅係個問題有解決到吖嘛 只可惜幾次之後,小弟心理唔平衡:「點解我要做咁多,而冇得好似其他人噉坐享其成呢?」 因此,喺一月時見到門片又鬆動,開關門都變得冇咁方便嘅時候,小弟決定忍住唔解決,當做個實驗睇下要等幾耐先有人肯去解決 講真,呢啲實驗真係幾折磨人……邊個先忍唔住、睇唔過眼就邊個輸,簡直係輸到冇得再輸嘅仆街遊戲。一次次艱難開門閂門,聽住哽耳嘅噪聲影響心情。但冇計,決定咗嘅嘢,就唯有繼續等……好在未等到黐線就已經得到解決,太好喇,終於獲救喇! 可惜我應該都改唔到會心理唔平衡嘅情況,只不過下次可以安慰自己,都算係幫咗自己嘅,真係唔忿就邀功逼住佢哋講多謝!係㗎,最傻就係默默付出不求回報,仲會內
2 min read
隨筆

晚霞

時間流逝,景色各異 又到咗花開嘅季節 去食飯嘅路上見到唔少人駐足對住個天影相,側頭望下,果真好靚嘅晚霞,兩三片深粉红雲(我對色彩又真係冇點研究,難以描述) 可能有人會問,噉點解唔影低?噉就唔使搵合適嘅詞。一個原因係趕住食飯哈哈哈,而更深嘅理由係覺得冇必要:點解人要影相?有部分係想留低回憶,畢竟難得會見到咁靚嘅景;另有大部分係想同人分享,都好易理解,美景當前,更易會掛住心愛嘅人 我自己都諗起唔少人,不過,答案喺好早之前就講過: 無人共賞的晚霞與月光 也少了稍縱即逝的遺憾 再靚嘅景都會有消失嘅時候,尤其係呢啲稍縱即逝嘅景色,遺憾感就更大。無論係邊種情況,心中嘅傷感都會超過震撼同愉悅 如果有人共賞,可能都好啲,因為有多幾分震撼同愉悅,而既然冇,點解唔快啲去食飯醫肚醫失落呢?
1 min read
隨筆

病到七彩……

前排啱開學,即刻就中招…… 發熱無力到傻,連坐住喺度挺直腰骨都勁痛,結果半日就返去攤喺張床到 後邊就喉嚨痛完變鼻水鼻塞,好彩後邊冇再成身痛…… 到而家,終於都叫從五顏六色到好得七七八八,活着真好! 跟住就覺得,自己前排都幾傻,太執着,而家呢,都係睇開啲,我又變返嗰個「命裡有時就珍惜,註定無緣就樂得悠閒」,係㗎,冇可能世事如我哋所願,做好自己嗰份就算數,至少,而家仲享受緊,對我嚟講就好好
1 min read
隨筆

當情人節遇上財神

都幾得意嘅現象?多人慶祝迎財神過慶祝情人節……或者噉講,往年都唔覺有咁多人會過年初五 所以,本題嘅答案好明顯:大家都想過情人節,但如果post啲親密相就似曬命;而如果話自己想拍拖又好似太寂寞飢渴或拍拖腦?於是乎退而求其次,既然啱好年初五,就借啲意攞嚟賀下 另一方面,唔知點解好似而家嘅潮流係少講情愛?可能大家都變老咗,更加現實同少咗激情?不過都只能觀察同估估下,畢竟與我無關 今年情人節呢,實現咗一個由來已久嘅夢想!同愛嘅人一齊睇波打波,可惜前者輸波冇咁開心 今年無有使行成日,一於寫返三行先,送畀自己~ 幸運時未知珍惜 心意已明亦唔算遲 從此遵從內心愛盡無悔 update返,原來大家係選擇深夜(九點十點打後)先放閃,前邊講個啲可以唔使睇喇hhh,或者可以講係一種默契:日頭財神夜晚放閃。希望大家都幸福啦
1 min read
隨筆

隨便傾下

首先要講聲唔好意思,如果有留意嘅話,會睇到本身係有放噉樣嘅公告:「24年月刊暫定停post兩個月,可能會有新小説出爐(大概二月份),敬請期待」 之前係諗住喺情人節嗰日開始post,但呢,原來我未想寫住,我想再確認下個結局應該要行去邊,故事都構思咗幾個月,仲不斷有進一步嘅發展 今晚嘅夜空好靚,好多星星,唔知係咪因為過年啲人走晒,工又冇點開,所以勁明朗嘅天色。而同時間都聽到持續不斷嘅煙花聲,雖然睇唔到,但都知有好多人喺河邊放緊 睇到嘅睇唔到嘅,都可以係好靚,區別只在於,一種係未知上限,另一種係確切地感受到,應該都好難分得出高低——一個係距離嘅美好,第二個就係經歷過體驗到 前排去罷香港,係兩年嚟嘅第三次,好中意呢個feel,包括電視節目、節奏都真係幾啱我,反而返嚟好唔慣,因為勁多國語……btw,如果我知道返嚟嗰時因為人太多所以唔使過機嘅話……可能我會買多幾本書,可惜冇如果 我諗呢,好多嘢都唔會有答案,但其實又唔係幾重要?我知道自己可以過得好好,就得。一個人會極冷
1 min read
隨筆

2023 又一年

to be honest,今年大概係最唔想回顧嘅一年? 世界千變萬化不似預期,緬甸軍政再生反抗軍,俄烏、哈以戰爭持續,24年多國選舉、選戰打到不可開交…… 咦,唔係睇上去好易咩? 但我自己嘅一年,又係點?我唔知自己講到幾多,可能最後成篇都係謎語,如果你睇到矇查查,唔好意思,係我自己問題。 呢一年,大概可以分爲四個階段 1 輕鬆寫意快樂滿足 儘管都係會有期末考試,但一下子就過去,迎嚟新年假期。過年,點都係開心快樂嘅事,同屋企人、朋友一齊度過,更唔使講時隔好多年之後終於可以去一次香港,行足幾日,回憶呢個城市無法遺忘嘅記憶,嗰啲當時唔在場但其實都同時同身心地經歷嘅往事;仲要帶咗唔少書心滿意足結束假期 2 浮沉急躁無力無奈 其實我唔知自己做緊乜,同埋以後要做乜 當然,而家梗係讀緊書、搞緊科研,以後都係諗住做個打工仔。但,似乎太平常到無趣嘅地步。噉樣過日子,究竟有乜嘢好?睇唔到自己想做嘅嘢——願意傾盡全力甚至所有時間精力去達成嘅嘢。可能大部分人覺得可以賺到錢顧到家就幾和味,
4 min read
隨筆

今日香港,明日……

分享幾則新聞 區議會選舉儘管因故障延遲到24點結束投票,投票率亦無法過三 恆生指數於12.11跌破一萬六(97年回歸時收16365點)。同時間,台股喺蔡英文政府下加權指數翻倍,歷經31年再次與港股交叉 台灣藍白合破局,總統選舉進入三腳督局面。民進黨同國民黨都爭取實現總統同埋國會過半。對於民主選舉嚟講,每一次都非常重要,無論係支持率定係投票率,都會反映出民眾嘅政治熱情同對政黨及候選人嘅態度 仲有就係女神周庭決定棄保喺加拿大讀書 好多嘢我哋都冇辦法改變,儘管如此,都係會嘗試反抗同努力,因為所有嘅希望都係因為有嘗試先會有轉機。今日嘅香港,暫時嚟講已經冇乜希望(但只係暫時),但希望嘅種子會繼續喺其他地方播種發芽,我諗,「明日……」,就要大家努力令佢唔發生!當然,都要善待自己,為咗更好嘅未來而努力
2 min read
隨筆

記一次更新模塊

是噉的,因為太耐冇理過nginx,自從今年重新裝機之後都冇郁過,跟住喺nginx官網到先發現1.23嘅版本已經唔再係ml或者stable,所以又要再更新過 而頭痕嘅係,一啲module(模塊)都有更新,就用返之前寫嘅腳本嚟搞,以為冇乜問題啦,點知真係就我以為,返嚟一睇,我頂,點解我啲網站全部死晒嘅,先知安裝失敗 就開始漫長嘅排查啦,改咗啲未定義版本同插件之後,卡喺一個地方——明明已經裝咗個module,點解make嘅時候話揾唔到呢——search嚟search去,試過好多個方案,甚至諗,要唔要妥協用返舊嘅version,因為呢,有時候就係版本太新而未兼容到,但後尾都係唔制,就繼續摷啦,終於呢,可能太眼瞓想早啲收工,突然間變返醒目:點解唔睇下個官方readme呢?一睇,先知個模塊已經直接git落嚟仲未完,仲要繼續install先得 sigh...嗰一刻覺得自己前邊勁蠢,發現唔得就應該第一時間去返官網睇下係咪有咗大嘅更新……有時直接啲先係最快同最有效嘅方法囉,乜鬼搜尋引擎都冇咁高嘅優先權囉 btw,近排開始update返,相信好快大家就可以睇到月刊喇,敬請期待?
1 min read
隨筆

crazy dream

聽講有人諗緊點解我唔係而家高考。於是乎日有所思夜有所夢,發咗個超神奇嘅夢……我自己起身嗰陣都覺得好癲 係噉嘅,有日醒咗之後再瞓返,唔知係咪因爲驚遲起身嘅話會誤咗上堂時間,就發咗個噉嘅夢: 夢入邊我返返去高中時代,喺宿舍瞓緊,跟住醒嘅時候發現宿舍冇晒人,就喇喇聲起身,喺衛浴度刷牙(……至於點解唔喺陽臺刷,可能怕俾人睇到)。跟住邊刷邊喺度諗:死喇,今朝要考中文,8點開考,我實趕唔切,點算好吖,不如就噉暱埋喺度算?逃避可恥但有用…… 話說喺衛浴諗東諗西嘅時候聽見宿舍門俾人打開,仲諗緊係宿管定係中文老師嘅時候,一眨眼返到去自己屋企(我自己都覺得不可思議,但發夢嗰陣又唔覺有乜問題),時間一樣係早晨,不過時間早啲,準備送細妹返學。呢度就真係完全錯亂晒,因爲我自己讀高中嗰陣,細妹都仲係就近讀書,唔使我送;而有得送都係之後嘅事。不過夢嘛,唔符合邏輯都正常。而我嗰陣突然意識到,咦,時間好似早咗,應該可以趕得切考試喇! 跟住就醒咗,都幾神奇下 如果搵人嚟解析一下呢個夢,可以點解呢?嘗試剖析一下自己: 想物理上返返去高中時代,好明顯做唔到;但心理上係想返去嘅,
2 min read
隨筆

520音樂會

係咯,冇計啦,唯有一個人聽音樂會, just wish you were here. 最觸動嘅始終都係《一生所愛》,La La Land同埋Titanic都幾正,更加驚喜嘅係《菊次郎的夏天》嘅嗰首Summer 都係覺得自己好幸運,無論結果係點,我自己都唔係乜嘢好樂觀嘅人,但我確實抱有呢個有未來嘅希望,因爲少咗不確定性,同埋既然喺我好低谷嘅時候都咁有勇氣同真誠,我自己即使一時半刻做得唔好,都往變得更加好嘅方向努力,做過努力過爭取過,就過到自己個關,以後如果冇結果,噉就專心研究時間機器囉 一齊加油啦!
1 min read
隨筆

懂事?尊重?or 有主見

做咗一個思想實驗,都幾有意思 大概係噉嘅,如果有兩個細路,一人揀一樣嘢,揀好之後,其中一個後悔,想交換,如果另一個又肯,噉好唔好呢? 如果係大嘅讓細嘅,好多時都會話懂事,但其實係犧牲自己,而且會縱慣個細嘅;因爲我自己好大個先有細妹,好多時都比較縱(而且基本上好少有嘢會爭),所以第一時間都覺得噉樣好好,實際上,其實好唔好,因爲揀嗰陣已經揀好咗,做咗決定,就唔應該話可以隨便反悔,亦都唔應該要其他人爲此付出 如果係細嘅讓大嘅,就好明顯,大家基本上都覺得唔好,因爲本身大嘅地位、權力嚟講就高啲,再有噉嘅要求,基本上等於係施壓 當然,當其時我都諗緊,如果係揀、爭嗰陣就有拗撬,噉點算好呢?即係一開始就冇辦法分好,well,太複雜,所以我都係覺得儘量唔好有咁兩難嘅問題,或者真係搞唔掂,就當一個中立評判,等佢哋講下點解特別想要呢樣而唔係另一樣嘢,等佢哋講完之後,再自己評判下究竟自己需要多啲,定係哥哥姐姐/妹妹弟弟更加想得到……實在拆唔掂嘅,就包剪揼算,下次就另一位優先,
1 min read
隨筆

世界新聞自由日

今年5月3號係世界新聞自由日成立30週年…… 以笑塑造當代中國藝術家 岳敏君 | 潮流人物 | 非凡人事 | 當代中國「人在笑的時候,是最空洞的」,岳敏君是最成功的當代中國藝術家之一。岳敏君作品最為人印象深刻的,就是那個招牌式開口大笑,極度誇張。他作品是當代中國藝術主軸之一,又是拍賣會常客;以今年為例,共有17幅作品拍賣,其中一幅畫於1993年的《金魚》,成交價逾760萬港元。當代中國當代中國 如果冇新聞自由嘅話,只能用嘲笑去對抗那荒謬魔幻 但願我哋都有明辨是非嘅能力
1 min read
隨筆

信念

差唔多過咗一日喇,但仲有一種俾幸運女神掟中嘅好唔真實嘅感覺,how lucky I am! 「人一定要有信念,信念可以係屋企人,可以係中意嘅人,亦可以係前途,或者係自己。而無論如何,一定要有信念。」 嗯,確實。前面嘅一段時間,陷入咗一個自己挖畀自己嘅坑。點講呢,即係雖然自己好清楚知道問題喺邊度,同埋應該要點做先可以變得更好。但另一方面,一邊覺得自己唔係咁差嗟,幻想自己仲係以前嘅自己;而又一邊知道其實係自欺欺人,跟住更加責怪同痛恨而家嘅自己;一邊想改錯而又一邊想就噉得過且過……所以,我真係唔好,甚至可以講非常差,比以前嘅低潮期跌得更深同更耐 而我何其幸運,喺咁差嘅可以用「倒地不起」嚟形容嘅狀態下,都選擇行近我,相信我可以起返身,鼓起勇氣表達願意「一起變得更好」嘅表白,所以真係好感激命運嘅安排令我哋相遇、相識、相互吸引。而我,都揾返我嘅信念,要振作起身,「不可辜負」! 雖然仲係覺得有啲唔真實,但諗返轉頭,我都太過遲鈍,可能因為低谷期變得無咁敏感,
3 min read
隨筆

活在當下

活在當下,係因為我哋唔知道,時間仲有幾多。尤其當意外好易發生嗰陣,就更加要珍惜難得嘅每一日,"live as you'll die today." 愛同陪伴,係最有力量嘅事物。因為愛,所以為咗個仔開心,去到世界各地睇唔同嘅風景,留低自己嘅足跡,影低每一個瞬間,即使家財耗盡都唔後悔;亦都因為愛,所以好有耐性地陪媽媽走過抑鬱嘅深淵,一齊去發掘呢個世界嘅美好 而好多時,愛都唔只係好好相處好融洽,亦可能係有抱怨有發脾氣同駁咀駁舌。都好合理,因為經常相處,自然就會多咗好多產生矛盾嘅事,而又因為噉,所以冇咁容易時刻關注對方嘅感受,就好易唔自覺地傷害咗對方。而道歉就顯得好重要,明白地話畀對方知自己好在乎,發咗脾氣就好喇,唔好破壞咗兩個人嘅關係。不過我自己都係儘量避免囉,因為的而且確唔想事後再補鑊,好麻煩;而且好唔想 hurt 到人,對方難過嘅時候自己都會難過 so,活在當下,珍惜每一日嘅風景同難得嘅緣分相聚,漫漫人生路,感謝你哋一直都喺度。
2 min read
隨筆

「所有目的地」

有 fri 喺香港集咗幾個「所有目的地」嘅路牌,幾得意,所以就嚟睇下究竟搞邊科? 路牌的謎思:「所有目的地」搞邊科?十幾年前,香港曾經有一塊路牌引起熱議,去到今日仲有網民間唔中拎返出嚟講嘅,就係呢塊位於中環干諾道中,可能係全香港最出名嘅路牌——「所有目的地(All Destinations)」。MediumRoad Research Society 道路硏究社 所以「所有目的地」錯了嗎?其實錯不在中文翻譯,問題出自於「All」呢個擁有「超然地位」嘅指令詞語。因爲一般而言,「All」就係無一例外兼無得你揀。正確例子就係「所有車輛(All traffic)」嘅路牌,用於臨時改道或道路封閉,駕駛者係無選擇餘地,必須跟住「所有車輛」行。 所以如果係有得揀行車綫嘅話,就唔應該用「All」呢個有命令性質嘅詞語。 其實要改善好簡單,就係用「
2 min read
隨筆

《調整少少嘢,條路可以差天共地》——Sam哥

正話睇緊《迴響》第24期,睇到呢篇手記,都有啓發 世上大多數人,會用一個模式去思考——have-do-be:‌‌ 1.have- 等到我有靈感先啦;‌‌ 2.do- 噉我咪開始寫囉;‌‌ 3.be- 我就成為一個可以寫文發展催眠業務嘅人 呢種模式,往往令人長年無法突破,甚至失敗。因為用「等我 ready 先啦」嘅心態,你一世都唔會 ready 。而可以不斷突破,提升自己嘅人,採取嘅模式就係調番轉。 Be-do-have: 1.be- 先將自己定位為一個可以寫嘢嘅人; 2.do- 落手落腳寫咗先,有咩唔完善,之後再改進; 3.have- 寫作能力就越寫越有。 再關聯返前幾日喺朋友圈嘅感觸,發現可能唔止關決心事,決心當然都重要,唔係嘅話永遠都冇辦法踏出一步;但思考嘅模式都一樣好關鍵。如果成日都要 ready 好(
1 min read
隨筆

Day 3 Me 17➤23

今日(指15號,下同)想點就點,why?因為我最大囉,同埋今日係「偷」返黎嘅一日! 本身諗住今日就返去,但留多一日真係好值得,如果唔係要返學,真係想留夠七日 之前講過香港變差咗都係好,今日就詳細講下點樣好法——最好嘅其實都係最簡單嘅——喺以人為本嘅好多地方都做得好。 比如話交通方便,見得最多嘅就係101路(人腳)⟩⟩私家車⟩巴士、地鐵⟩的士⟩摩托車⟩單車⟩渡輪;講到交通,就可以講下今日搭巴士睇到路上有施工,都會整一排嘢圍住,跟住放滿晒啲警示燈,所以點都會注意到 第二個就係公共設施充足,除咗到處可見嘅巴士地鐵站,行幾步路就會有社區中心、公園、球場、遊樂健身設施,圖書館、人行走廊等等。都話香港寸土寸金,但呢啲真係唔慳得。同埋對坐輪椅人士都好方便,從人行道、巴士到地鐵再到商場等等 再來就係社會保障、福利好。有好龐大嘅社工機構去扶持到社會嘅每一個角落,亦有好多部門去維護公民權益——例如消委會會對市面上嘅產品檢測,
7 min read
隨筆

Day 2 變化

情人節流流,肯定都要有攪作嘅 琴日講嘅係唔變,今日都有嘢唔變——一如既往地同最愛嘅人一齊——好多嘢好似都冇變,但發生過嘅事,的而且確發生咗 疫後,除罩之日未到;煲底,約定再見唔見;兩年,促成二十三條…… 維港,太古,太子,中大,Poly,獅子山……未曾在場但一返到去回憶就湧過嚟,時間真係過得好快,something did happen and changed,while life keeps going 漸漸都理解同接受咗。就好似今日買唔到最新嘅《迴響》,但有我暫時最愛嘅12期——關於因果嘅一期。其實好多時候都搞錯咗重點,將眾多因素之一當成係責任,like「都怪女仔唔着多啲衫」,又或者「參與干預咗就係自己嘅責任」……如果非要講有乜嘢係自己責任嘅,就係同自己相關嘅事——包括與人之間嘅關係、心情、做嘅嘢同目標追求等等。 短短兩日,感覺自己又成長咗(唔知係咪錯覺哈哈哈,
2 min read
隨筆

Day 1 HK!

死城?要冧? 其實唔係噉樣。如果要死、要冧,唔止移民潮,而係冇錢到要百姓交多啲錢享更少權利,仲要擔心會唔會又起硝煙/互鬥 sure,移民潮無可否定,反映嘅係喺某啲地方變差咗,而且差好多;只係聽過好多其實都係因為下一代先走 但亦都有好多人繼續留低,且亦都有唔少人繼續過嚟。過嚟嘅人好易解釋,因為呢個世界有好多更差嘅地方;而唔走,都有噉嘅原因,正如《緣路山旮旯》想表達嘅——喺邊度唔重要,呢個世界永遠有更好嘅地方,但未必好到一定要去;最重要嘅係同邊個一齊,喺同一個地方體驗享受生活嘅幸福
2 min read