2021

A collection of 26 posts
廣東隊

廣東隊!

隔咗好耐,第二階段終於開始 有廣東隊嘅夜晚,啱晒,正! 周隊嘅三分真係關鍵,不過今日其他外線點真係鐵。。聯哥防守大閘,搶板痴漢,仲係咁勁;不過進攻已經變差,係噉了,年齡變大,真係歲月不饒人,杜鋒嘅白髮都變多咗 威姆斯今個賽季第一次出場,唔知係因為太耐未打定係年紀又大咗,我覺得係有下降嘅,不過關鍵時候仲係咁掂,不愧係連冠御用外援之一,希望馬尚都快啲痊癒! 其實今年廣東嘅陣容真係幾難搞,第一階段戰績唔錯都有少少運氣同埋球隊執行力高嘅原因,不過今日再睇,真係好明顯,好多隱患:like年齡(聯哥,周隊,威姆斯)、旺仔嘅三分、年輕人嘅穩定性等等 從十幾廿分追到兩分,再被拉開,起起落落。不過每個階段嘅第一場都幾難打,希望後邊揾返狀態啦,再差都唔會差過拓荒嘅戰績(希望唔係毒奶,而且應該唔會有咁勁嘅毒奶
1 min read
隨筆

教育部:「近八成中小学生睡眠时间达9小时」

畀佢哋一年時間,噢講錯,都唔使一年,就可以改變一切! 今年三月發佈嘅藍皮書話「有95.5%的小学生每天睡眠不足10小时,平均为8.7小时;有90.8%的初中生每天睡眠不足9小时,平均为7.6小时;有84.1%的高中生每天睡眠不足8小时,平均为7.2小时」 而最近嘅發佈會話「7714万份家长无记名问卷反映,秋季学期有76.2%的学生睡眠时长达到或接近“小学10小时、初中9小时”的规定要求」 真係犀利,而家就有個問題喇,應該信乜嘢呢?藍皮書係中科院發嘅,而發佈會係教育部開嘅。可以得出一個結論——專業事都係留畀專業人做啦,教育部發問卷到學校叫家長填,呢種方式明顯就唔科學 我之前都講過,白紙黑字嘅問題 [https://blog.independentlyreview.com/interesting-news-21-11-16/] ,只不過係開玩笑。其實都唔關事,呢個結果明顯好假,一樣上晒新聞,問題唔在於真與假,而只係在於係咪佢哋想講嘅嘢,
3 min read
隨筆

「 百万港人」?

快评:百万港人用实际行动粉碎谎言与污蔑-新华网 快评:百万港人用实际行动粉碎谎言与污蔑---据香港特区政府实时更新的数字,截至北京时间19日17时30分,超过100万选民参加了香港特别行政区第七届立法会选举投票。百万港人用实际行动粉碎了一些外部势力针对选举的谎言与污蔑,表明了真正的人心所向。 [http://www.news.cn/2021-12/19/c_1128179336.htm]唔建議點入去睇!建議唔好打開上邊嘅link,睇睇標題就好 what's the truth? 首先睇睇數據先,130萬好似好多喎,噉投票率幾多啊?咩話?得三成?點解大量下降嘅?而且係喺港區政府話鼓勵他人唔投票,投白票、廢票係違法嘅情況下! 你可以聽行政長官話「有説投票率低,或因政府做得好」,我只笑笑不説話,理由見下圖 而且呢,上邊條link話「投白票、投废票,在美国法律中属于刑事犯罪」,但事實上,嗰四個人係涉及投多張票以及冒用他人身份投票而被起訴,事實都唔啱,點説服人!
2 min read
影視

バトル・ロワイアル(大逃殺)

Warning: 15歲以下觀眾禁止觀賞 有朋友話呢部係比《魷魚遊戲》更好睇嘅同類型作品,我自己就冇辦法噉樣評價喇,因為我自己冇睇《魷魚遊戲》,無從比較 呢齣戲最大嘅特色唔係血腥同恐怖(要睇嘅朋友咪話我冇提醒,不過我覺得應該還好?唔算太恐怖同血腥,已經算係儘量避免咗嗰啲好血腥殘忍嘅鏡頭),而係入邊對人性嘅刻畫 以下內容會透露劇情,請注意 點擊後展開(warn again: 會有劇透) 故事一開始介紹咗背景,21世紀初,日本經濟衰退,失業率超15%,青年學生亦不滿校園制度,犯罪率攀升。成年人與少年嘅矛盾日益激化,而成年人出於不信任同害怕,通過咗教育改革法(簡稱BR法),即係每年從全國四萬幾個班中揀一個班去到一個荒島上邊,三日時間最多只能活一個人出嚟【至於點解要噉做,後邊會講到。我當時真係感覺好奇怪,真莫名奇妙,好似就為咗設而設,『國將亡,必多制』,一年只抽一個班,就算要恐嚇效果都一般,所以我覺得只係一種報復——無能嘅成年人對於唔聽話嘅學生嘅報復,唔去解決問題嘅根源而去搞能力較弱嘅人】 男主七原秋也嘅媽媽喺佢小四嘅時候離家出走,爸爸喺佢國中開學嘅時候上吊自殺,留低「秋也
18 min read
拓荒

令人失望嘅一個賽季

雖然先打咗二十幾場,但基本上唔指望可以打入季後賽了 唔知打乜春,真係畀晒機會都唔要 自己攞嚟衰,好睇唔睇睇拓荒打比賽,六連敗嚕 Charles Barkley表示:“开拓者必须要把队拆了。他们得从头再来,他们短时间内不会有起色了。” 見到好多人講主教練Billups幾差幾差,我都係覺得比之前嘅Stotts要好 噉問題究竟出喺邊度? 1.主力變垃圾、又有傷病,Lillard今年嘅狀態一瀉千里,可能係受到腹部傷勢嘅影響同埋休息時間太少,McCollum又受傷 2.鋒線太矮,防守差,變成對方嘅「提分機」(其實今年嘅防守態度同效率係有提高,主要問題係習慣唔好,太容易走神同容易被個波吸引咗) 3.始終都係少咗個組織手,尤其係Lillard唔打嘅時候,進攻手段單一而又容易亂,得分太唔穩定 4.小球市,吸引唔到人加盟,除非開好高嘅價錢,但目前嘅球隊老闆對此無興趣,而且都冇前途,陣容結構賬面還算好睇,但實際好畸形,跛腳,太仰賴球星嘅得分能力,其他點嘅自主得分比較差(今年喺Lillard狀態變差嘅情況下,Powell就係最大同最穩定嘅球員,抱大腿就要揾噉嘅人) 失望……
2 min read
隨筆

黑天鵝?

今日嘅天氣質量超差,而且冇太陽,所以直接儘量少地喺出邊 睇返相,好奇點解黑天鵝效應係叫黑天鵝,而唔係其他 wikipedia [https://zh.wikipedia.org/wiki/%E9%BB%91%E5%A4%A9%E9%B5%9D%E6%95%88%E6%87%89] 話:「在18世紀歐洲人發現澳洲之前,由於他們所見過的天鵝都是白色的,所以在當時歐洲人眼中,天鵝只有白色的品種。直到歐洲人發現了澳洲,看到當地的黑天鵝 [https://zh.wikipedia.org/wiki/%E9%BB%91%E5%A4%A9%E9%B5%9D] 後,人們認識天鵝的視野才打開,
1 min read
音樂劇

澀女郎

閒話唔多講,直接入劇情: 結婚7年,慢慢覺得感情變淡,甚至開始被忽視,最離譜嘅唔係唔記得結婚週年日,唔係唔肯過,而係丈夫默默地留下一個身影同埋打開遊戲嘅聲音[呢種都已經唔單止感情變淡了,事實上係已經唔愛了,冇感情了] 跟住就約咗三個好姊妹出來訴苦,先發覺大家都好難:「工作狂」同時「男人婆」喺朋友面前就好強勢,但擔心業績唔好,被炒魷魚,所以只能對客戶低聲下氣,講「可是」;追偶像嘅「天真妹」做咗十八線小明星嘅經紀人,隨叫隨到,仲要識察言觀色,咩手勢對應咩要求,做得唔好或者唔記得就會受盡辱罵;小網紅KOL「萬人迷」為咗要瘦要靚,日日食蔬菜,嚴格飲食,日日要直播,但最近周身唔舒服,去醫院做檢查,被醫生講自己到咗更年期,變老了(35歲) 大家都過得唔如意。既然「結婚狂」嘅老公連七年結婚紀念日都唔記得,唔想一齊過,噉姊妹們一齊陪你,畀自己放一個假,去尋找沒有煩惱嘅地方,去重新認識自己,話走就走,
7 min read
影視

Ma Rainey's Black Bottom

小舞台嘅大張力 而家改編自舞台劇嘅電影睇落煥發咗第二春 以下內容會有劇透,請注意 點擊後展開(warn again: 會有劇透) 故事嘅背景係喺美國上世紀20年代,黑人嘅地位有少少嘅提升,南方嘅黑人更多地前往北方揾食。 被譽為"mother of blues"「藍調之母」嘅Ma Rainey,喺南方有好多黑人fans,深受大家喜愛。佢都順應潮流,來到北方發展,但呢度同南方好唔同,潮流、品味都唔同,所以佢嘅演出相對嚟講就冇咁火爆了。 Ma有專用嘅樂隊為佢服務,一樣係全部黑人,四個男人,三個都係中年;一個係好後生嘅Levee,追逐潮流,貪圖女色。 第一幕,有唱片公司揾Ma錄歌,佢叫樂隊先去,自己故意遲到,慢慢再等自己嘅外甥開車過去[yep,就算幾有錢幾有名都好,嗰陣冇人會畀黑人搭車]。band到咗之後,就被安排到地下破舊嘅練樂室,四個人就一邊練一邊傾偈。 Levee得到唱片公司老闆嘅賞識,叫佢創作歌,應承等佢夾到band之後幫佢錄製唱片,更加批准咗呢次Ma嘅曲採用佢嘅風格,
9 min read
影視

手捲煙

睇上去超似「香港」!今年睇嘅第三部有林家棟嘅電影 好有味道,難以想象呢個係香港「首部劇情電影計劃」第四屆大專組嘅得獎作品,預算得三百幾萬港元,(冇錯,呢段都係讚林家棟嘅,拍攝零片酬,票房好後再分) 以下內容會有劇透,請注意 點擊後展開(warn again: 會有劇透) 一開始嘅背景係97年香港回歸前,一班華裔英兵巡邏邊境,捉偷渡者,大家嘅等級唔高,事頭婆(英女皇)冇畀佢哋去英國,面臨解散嘅命運,大家食住煙,借火機,都好惆悵迷惘。有人諗住繼續讀書,有人選擇考個警察牌,有人…… 時間一下子過咗好多年,當年嘅隊長關超(林家棟飾演)負債,喺黑道靠做買賣收佣金揾食。冇乜朋友,好孤單,曾經嘅隊友疏離佢,因為佢以前同其中一個隊友買股票,好死唔死借高利貸【所以大家投資千奇要有分數,唔好玩咁大】,而股市大跌,個隊友孭唔起責任,自殺死咗【請勿模仿,人生只有一次】 南亞裔青年文尼同表哥喺香港做古惑仔,
7 min read
隨筆

生病

感冒,難受至極,而家已經好得七七八八 係咪自己呢排太少運動,所以抵抗力差呢?又唔覺喎,我點會承認自己抵抗力差呢,冇可能㗎嘛hhh‌‌‌‌以下係推卸責任環節:我覺得唔關我抵抗力好唔好嘅事,而係在被逼「吸入」大量病菌嘅情況下,好難唔舐嘢 當系買個教訓同提醒自己了:知道人哋傳播緊病菌,就好快趯佬;人哋點素質法真係無法控制,只能控制自己。。 and大家舐嘢嘅話,記住戴口罩,有啲擔當,保護人哋,咪你每感染一個人,就會多一個人憎咗你 病咗可以多啲時間休息下,代價就係schedule都打亂咗,慘死,return to normal,從美好嘅週末開始!
1 min read
隨筆

国家统计局:「看起来好像出现了一些滞胀的表象」

央視網新聞:国家统计局回应“滞胀”表象:短期冲击因素造成的阶段性状况 [https://news.cctv.com/2021/11/15/ARTIejizlthuQPHhkG7SLSOB211115.shtml] 国家统计局新闻发言人就2021年10月份国民经济运行情况答记者问 [http://www.stats.gov.cn/tjsj/sjjd/202111/t20211115_1824527.html] 十分有趣,事後發佈嘅發言稿係可以將之前發言嘅內容刪走,噉我哋究竟可以信幾成呢?呢個發佈會究竟可唔可以當真呢?(因為既然刪走,我哋就有理由認為呢句話唔可以當真,只能當冇講過) 呢個可以理解,講説話當然會有講錯嘅時候,乜嘢叫「睇起身好似出現咗一啲滯脹嘅表象」?反正我係搞不明白,有就有,冇就冇,好似有表象,實際有冇呢?從佢嘅發言係完全唔知道。噉其實,官方應該係想講,而家唔係滯脹,而係短暫嘅、受到外部衝擊嘅經濟下行‌‌ 所以絕對唔可以寫出嚟,一旦寫出嚟,
2 min read
隨筆

EDG?

魔幻現實。。。 我唔係唔理解,高興好正常,甚至大聲歡呼都算了,唔係成晚嘈住嘅話,我自己忍到 但都要有個度喎?極端到發女朋友裸照,直播剃頭、食屎,強姦?????? 黐線咩!已經唔係發泄嘅範疇了,變晒神經病,扮傻嚟趁機做一啲自己想做嘅嘢 feel shame for that, 我覺得我自己都有罪,但我乜嘢都做唔到,只能自救,儘量唔俾拖落去 撇開上邊嘅唔講,只講正常啲嘅狂歡同慶祝 我係睇出好多人嘅內心好壓抑,好想發泄,但社會唔畀機會男仔太感性,抒發自己嘅感受,which係非常有害,like this:"Talking to Boys the Way We Talk to Girls [https://www.nytimes.com/2017/06/15/well/
1 min read
影視

One Night in Miami...

今晚睇咗"One Night in Miami...",主要講述嘅係美國50 60s嘅一個非裔穆斯林講者Malcolm X嘅一個夜晚嘅故事(Malcolm X 想通過説服一個拳擊冠軍支持自己,加入另一個更加光明、正確嘅伊斯蘭組織,去同原來嘅穆斯林組織打對抗) Malcolm X姓氏係X,因為係拋棄奴隸主賦予嘅姓,去抗議當時嘅不公 睇完嘅感受係,中層階級好多時候睇上去袖手旁觀,唔等於佢哋已經忘記、唔在意受到過and而家受到嘅不公同慘劇。就同好多受害者一樣,佢哋只係一直忍,而且非常想改變,此時,意見領袖者嘅作用就好關鍵,如果只係譴責中上遊嘅人無動於衷,比激將法仲差得多;what matters is, to let them do what they really wants, speak what they really think, "no one
2 min read