睇住直播，心噏之餘，因爲終究揭開真相，燭光有罪 所以都係做啲嘢調解下，就分享下呢部電影 呢部絕對都經典，細少少嘅時候睇一種感受，而家再睇又係另一種感想 人嘅目標同埋路徑，有時可能會忘記咗。一開頭，Andy 諗住忍受做「女惡魔」Miranda一年助理嚟作爲跳板，成爲自己夢寐以求嘅記者或者作家。但既唔識時尚，又厭惡嘅情況下，又有乜可能做得好呢？所以一直畀Miranda同第一助理Emily嘲笑同責罵。之後Andy開始接觸同follow時尚，進而可以提前知道Miranda嘅需求並完成，就漸漸得心應手——畢竟係醒目女——只要肯去瞭解同動腦，呢啲嘢難佢唔到。之後更成爲咗第一助理。 但，已經偏離咗最初嘅目的。冇錯，需要承認，作爲跳板呢種諗法基本上冇可能work，太幼稚，有乜可能唔想做嗰份工，跟住唔去瞭解相應嘅知識同老闆嘅諗法就做得好嘅呢？唔好話一年，可能一兩個月就畀人炒魷——尤其好多人都想做呢個位。而加入咗之後，就肯定要改變自己先做得好份工，個關鍵係，要變幾多？Andy喺慢慢學識時尚同老闆心思之後，亦都漸漸變成自己唔中意嘅人——同知名作家關係曖昧、親口同Emily講自己要取代佢參加巴黎晚會——

感慨一句：以前啲合拍片，都仲係幾高質，可能未到要迎合內地品味……都唔可以噉講，因爲大陸上映嘅版本完全唔係一回事。當然，我肯定唔可能睇閹割版，有得揀鬼同你睇呀！ 南方都市报：原来我们都被陈可辛骗了_影音娱乐_新浪网南方都市报：原来我们都被陈可辛骗了投名状 大陆版与正版差异对照 一部幾多角度可以講嘅電影 人，究竟真正相信乜嘢？選擇苟活嘅時候已經乜嘢都唔信，但都會希望有人理解溫暖自己；其實唔信投名狀，只係信兄弟；講起身大義當頭南京幾百萬市民，但一齊出生入死嘅兄弟、降兵呢？ 人唔矛盾就唔會係人，人都唔係機器人唔可以時時事事保持好冷靜好一致，人會有佢嘅掙扎佢嘅爲難，而且好多時，我哋未搞清楚自己想要啲乜嘢就要被逼做決定去行動。so，不妨有時間就諗諗，自己究竟想要乜嘢，點爲之好重要，其它嘢係咪全部當係工具就無所謂？ 等陣，我哋連交流溝通嘅機會都冇喎！而最大鑊嘅係，冇機會講清講楚，跟住就一波又一波往前推。軍紀確實好重要，但無理由一下變咗仲要即刻執行，畀個大啲嘅懲罰，下次就真係處死，噉都服氣啲；下下講自己嘅理想，唔一定會明，而且極可能唔明，唔係個個都有咁高嘅理想，而且溝通唔係一面倒，

今日都幾特別，好多嘢撞埋一齊 anyway，講返正題，今晚睇咗呢部電影，感覺好正，所以嚟分享一下 故事講嘅係一位木雕大師 Geppetto，晚年得兒 Carlo，妻子過身，視仔為寶。但好景不長，一戰爆發，冇生眼嘅炸彈炸死咗 Carlo，自此鬱鬱寡歡，荒廢自己嘅木雕事業，用酒麻痹自己，每日去仔個墳頭以淚洗面 好sad，戰爭就係唔好，就係壞嘢，發動戰爭嘅正一仆街，尤其見到 Carlo 喺教堂畀炸死，更加記得返烏克蘭被炸嘅教堂，已經一年有突，卻遲遲睇唔到普京等中意戰爭、視同為人類嘅兄弟姊妹為敵人嘅粉腸落地獄，更加唔知道呢場災難幾時先完，sigh Carlo 唯一嘅遺物——松果——喺佢嘅墳頭長成一棵又高又實淨嘅松樹。所以 Geppetto 喺長期得唔到主嘅回應嘅失落之下，借住酒興斬低棵樹嚟再造一個 Carlo 嘅木偶 luckily，精靈之神要管呢啲「閒事」，關心被遺忘嘅事同人，所以賦予木偶以靈魂同永恆嘅生命，帶畀

講結論先，Mappa 嘅劇場版正好多，面部刻畫、動作特寫等等之前被彈得多嘅地方都做好咗，大概都有聽到動漫迷嘅呼聲 冇諗到，真係快到結局了（雖然已經睇過漫畫。動漫嘅話都算補咗啲心理上邊嘅描寫 點解失去咗先至會珍惜？其實係關注嘅重點唔同——未到世界末日，地鳴將至，好少人會反思仇恨教育嘅問題；未分開，就唔會知道原來自己咁在乎中意嘅人——件事都未發生，梗係唔會睇得咁長遠。呢個就係最大嘅問題，但「時光冇辦法倒流，只有後悔會繼續」，冇㗎，人生常態，亦都只能吸取教訓之後期望會改過 but，究竟會唔會？其實好難。正如一直都有「死性不改」嘅説法，亦同上一段所講嘅有關：人喺唔同嘅時刻所關注嘅重點。呢一刻好後悔，好想改過自新，完全 make sense，因為呢種希望會令到嗰一刻嘅負罪感、後悔減輕，但事後呢？換咗個時間、地點 or 環境，人嘅諗法可能就唔同喇，因為做緊嘅嘢/想做嘅事唔同咗，就會暫時忘記要改變自己嘅諗法

改編自真實事件嘅電影，詳見 wiki 睡美人洞救援行動，作為我自己 2022年嘅 觀影收尾電影 Thirteen Lives - WikipediaWikimedia Foundation, Inc.Contributors to Wikimedia projects 泰國雨季嘅提前，令到入睡美人洞遊玩嘅少年足球隊成員及其領隊被大量湧入嘅雨水困住——啲水多到人只可以游水入去 事件好快引起全世界嘅關注，好多來自唔同國家嘅相關專業人士同志願者齊聚睡美人洞，希望拯救十二名少年及足球領隊嘅生命。同喺一個地球，共情所有嘅災難，感覺真係幾理想 印象比較深嘅有喺鄰國趕過嚟嘅水利工程師，喺初步瞭解情況之後，馬上意識到要堵塞山上嘅入水洞並將水引到其他地方，否則大量雨水湧入山內，受困嘅人會俾浸死。但由於佢唔係當地人，唔熟悉呢座山，所以揾到一位住喺附近對呢座山好熟嘅老人家。老人第一句係問佢係咪泰國政府嘅人，聽到回答同埋睇到工程師嘅真誠同人命關天，佢答應幫手 熟悉泰國嘅朋友應該知道，泰國嘅政局相當唔穩定，雖然表面上都係民主制度，但軍事政變時不時就會發生，且泰王就係皇帝噉，鬧一句都係犯法，所以人民對政府

稍微得閒少少而且冇球賽睇，於是乎就睇電影！ 電影講嘅係一位喺 Life Magazine 處理底片嘅員工，一直兢兢業業，冇丟失過任何一張底片。不過佢係一個發夢王——成日發白日夢，而好少去嘗試挑戰自己——其實都受到父親突然離世嘅影響，屋企冇乜積蓄需要賺錢。所以儘管佢喺 Life Magazine 做嘢——一間鼓勵"To see the world, things dangerous to come to, to see behind walls, draw closer, to find each other, and to feel. That is the purpose of life"（去睇睇世界、無懼危險、

又係一位傳奇嘅故事，貓王艾維斯 好似近幾年出得比較多呢啲題材嘅電影，唔知係唔有乜嘢共同嘅因素？ 介紹名人有好多種方法，而呢部電影比較特別嘅地方係佢主要以貓王嘅經理人Colonel Tom Parker嘅角度嚟描述貓王嘅一生 因為世人大多認為係經理人壓榨同逼死貓王，電影簡單啲嚟講就係為經理人作辯護： 1.貓王賺到好多錢係冇錯，但係使錢都使得好快，尤其係身邊一班人使佢嘅錢 2.唱歌、舞動係佢嘅天性，一上到台就會全力以赴做到最好，所以電影多次特寫貓王大汗耷細汗，甚至喺佢死前嘅最後一場演出，即使當其時已經企唔太穩，都會將佢嘅所有展示出嚟 3.佢對粉絲嘅愛超過所有人，甚至對佢嘅妻子，所以為咗報答粉絲嘅愛，plus第二點，就會變得更加不顧一切地演出，連休息都好少 4.濫用藥物、縱情聲色玩一夜情 5.貓王同經理人其實係一類人：都係冇人理解自己嘅追求，容易迷失自己，好孤單好無助嘅形象，呢個係貓王點解食咁多藥嘅原因之一。同時亦都因此兩個人無論嘈到點，最後一定都係會和好返，離開咗任何一方就等於失去咗自己嘅一部分 and so on…… 電影嚟講拍到好好，將貓王生活嘅唔同面向都展現出

本來冇諗過咁早睇，因為仲有好多電影排住隊，但聽講喺流媒體全部下晒架，就吊起我嘅胃口了（「唔係我特別想睇㗎，係佢哋逼我㗎」 實在諗唔明白囉，以2010年代作為背景，呢個劇情喺一啲相對落後嘅農村完全合理（不過只要將佢睇成係政治而唔係藝術就見怪不怪了，因為大把多記者、編輯話你知佢哋一早已經慣咗 都係講返部電影，故事講嘅係兩個同為被各自家庭壓榨/欺負嘅人組成家庭，由一開始嘅陌生、怕醜但有好感，經過一段時間嘅相處漸漸關心、尊重對方，生活有咗新嘅希望——辛勤勞動、建屋，有個屬於兩個人嘅屋企幸福生活。不過火焰好快熄滅：女主跌落水死咗，男主都步入失落同絕望嘅深淵…… 有一種一家人，係當你唔係人：幫手打長工，力就自己出，錢就哥哥攞；因為侄仔要成家而要通過幫佢結婚嚟趕佢出屋企，身上得返五十蚊積蓄……連買種子都唔夠，冇事就唔嚟，即使起屋要幫手都唔嚟，自己有事喇（個仔搬傢俬、買廉價房），先醒起有呢個細佬。又或者係從細就住喺漏風漏雨嘅草屋冇得住房，喐啲就被打，整到手腳無力唔靈活，仲要患病失禁，喺重男輕女嘅時候呢種現象更加普遍 喺噉嘅家庭長大，佢哋好自然就會自卑懦弱，相處嘅時候都格外小心，怕畀人麻

講起身可能好輕鬆，但係睇得幾難過 故事講嘅係一位患有認知障礙症嘅父親因為病情越嚟越嚴重而不得不同自己嘅女分開，住療養院，每日活喺記憶邏輯錯亂嘅痛苦之中 嗰種無助同以為身邊人整蠱自己嘅感覺真係好真實。個人睇上去行得喐好似幾好，但記憶全部亂晒，而且更痛苦嘅係自己好難察覺到有問題，錯得嚟又可以同現實關聯起身構成虛假嘅邏輯 今日唔知聽日事，有得珍惜就要好好珍惜 同埋如果有創傷，要點樣先可以好啲呢？影片入邊嘅父親除咗記憶錯亂之外，仲有畀三樣嘢困住——細女嘅死；大女照顧唔到佢，送佢去療養院；畀其他人虐待過。感覺都幾難釋懷，而呢啲嘢就正正會喺人最脆弱嘅時候一次過掟晒過嚟，令人崩潰——如果可以控制嘅話，就唔去諗佢，因為諗嚟都冇用，一係改變唔到，一係唔會發生只係自己回憶返；如果真係冇辦法成日諗到？噉就自己難受了，都冇乜比較好嘅辦法

Margin Call - WikipediaWikimedia Foundation, Inc.Contributors to Wikimedia projects 唔知點解到而家先睇呢部電影，可能係一種緣分？唔係好記得今年年中因為乜嘢又見到呢部電影嘅名，跟住就 mark 低咗想今年睇。亦都有唔少嘅思考，confirm 到同埋加深我對呢件事嘅一啲理解 簡單嚟講呢部電影講嘅係 2008 年金融風暴前夕，某間投行將好多人一早就知嘅風險量化咗出嚟，結果就係泡沫破裂 循例講句，以下內容會有劇透，敬請留意 影片一開始就畀我哋睇到華爾街嘅競爭壓力之大，都好正常，高回報等於高風險，股票債券係噉，工作亦係噉，能夠留低落嚟嘅，「一係識得呃，一係聰明醒目過人，一係做事快人一步」 而且畀人炒嘅時候係毫無尊嚴可言，話係可以考慮一下，其實就已經默認接受，執好自己嘢，一出公司門口連電話號碼都 cut 埋……員工真就只係工具，用完即棄 另一方面呢，亦都有好好嘅下屬，所以都係嗰句，只有人先至係有温度嘅 唔理係一開始畀人炒嘅嗰位好叻嘅成功破解模型嘅下屬，

首先要講，個片名改得莫名其妙，人哋好地地叫《飯戲攻心》，做乜改成呢個，雖然同插曲名相同…… 我一開始仲以為大陸冇上映，點知原來係改成呢個名……但真係改得莫名其妙且勁差：首先飯戲攻心呢個名本身就好貼切，一家人一齊食飯，傾偈傾家常，所有嘅衝突都喺呢個時候傾出嚟跟住嗌霎爆發，所以會「攻心」，一家人最知根知底，所以 mean （刻薄）起身嘅時候都好容易 hurt 人 而且《還是覺得你最好》呢個名，係學友以前唱嘅歌，唔知嘅仲以為係講學友嘅電影……今次係張繼聰翻唱，成為電影嘅插曲；仲有，呢個名極差嘅地方係，好容易畀人誤以為係愛情片…… 總之，就係超級無謂同亂嚟 不過，有得喺大陸睇，都算係噉，好過雖然冇改名但又冇得睇 希望只係字幕同片名唔同，其他都係原版啦（而且字幕都要彈，有啲位根本冇表達原意 其他地方，就係有贊冇彈喇 從舊年年尾就一直期待到而家，本身係賀歲片，因為疫情而變成喺中秋檔上映，不過變咗喺大陸有得睇，都幾好（不過如果喺賀歲嗰陣出會更加貼切，

好少可會睇伊朗嘅電影，只係某一日睇到新聞話導演畀當局拉咗，所以得咗70屆柏林影展金熊獎都去唔到現場攞獎 成部電影分為四個片段，圍繞執行死刑嘅故事展開（不過放心，唔會好恐怖or血腥，一撳某個掣，就抽開晒死刑犯嘅凳，一個個吊死咗……其實都幾得人驚，好在冇上半身嘅畫面 第一個故事 毫無邪惡 一個善良温柔嘅男人，錫妻女、孝順、幫助隔籬鄰舍。前邊舖墊咗好耐，故事嘅最後：佢日日開夜工，不過份工都好輕鬆——只需要撳一個掣——但其實對好多人嚟講都好難，因為撳完之後就會睇到幾個人吊死、然後死人會失禁嘅畫面 衝擊力極大，即刻帶我哋去到伊朗嘅世界——有死刑且會執行死刑，而執行死刑嘅人好可能本身係一個好善良，平時連嬲都好少發嘅人 另外，都揭露伊朗女人地位好低——妻子去銀行取丈夫嘅錢，職員每次都要求丈夫親自取（即使妻子攞住嘅係丈夫嘅袋同埋已經去過好多次），僵持住之後就打電話畀丈夫確認先得 同埋，雖然男主服從咗呢個制度，但喺開車路上遇到紅綠燈嘅時候，佢都係會猶豫不決，顯示佢人性嘅一面，同片段前邊舖墊嘅一致 第二個故事 佢（她）話：你一定得 呢個故事講嘅就係行刑人行刑前嘅心理變化

究竟點先算比悲傷更悲傷嘅故事呢？ 係「單方面用盡全力地愛一個人嘅悲傷，而要用盡全力去遺忘這份愛更悲傷」？ 定係「世人記住K & Cream嘅呢首歌嘅悲傷，而忘記咗佢哋嘅故事更悲傷」？ Or my version: 喺自己悲傷嘅時候用一個白天睇完《比悲傷更悲傷的故事》，跟住再喺夜晚寫下呢篇文章更悲傷呢？ 對上邊嘅問題我自己冇答案，所以只能介紹下呢部影集（雖然好似都冇乜因果關係 我又確實冇睇過最初嘅韓版同後邊改編嘅台版電影，直接上嚟睇影集版，所以無從比較邊個version最好（我應該都唔會睇另外兩個version，都係珍惜下自己嘅眼淚好啲 影集前半段主要以K嘅角度嚟描述，後邊則以Cream嘅角度描述，會有雙重感動 故事嘅主線係圍繞K & Cream嘅悲傷故事，另外嘅幾條支線亦都比較豐滿同感動：包括安以琪同安可樂、楊祐賢同Cindy、安以琪同王柏瀚等等，所以今晚就分開多條線諗到邊就分享到邊。而有啲故事線會同其他有交集，所以就合併咗，比如話宋媛媛同楊祐賢嘅故事線就合併去K & Cream度 您嘅瀏覽器Or喺預覽狀態，唔支持audio元素，請換第個試試. 1.

因為疫情，今年好多港片都延期，噉就一於重温近年來我自己最中意嘅港片之一——《無雙》 as usual，擺條wikipedia嘅link 無雙 (電影) - 维基百科，自由的百科全书Wikimedia Foundation, Inc.维基媒体项目贡献者 [https://zh.wikipedia.org/wiki/%E7%84%A1%E9%9B%99_(%E9%9B%BB%E5%BD%B1)]warning: 以下內容會劇透，敬請留意 首先電影個名就取得好好，無雙無雙，顧名思義就係冇第個，得一個，呢個概念貫穿咗成部電影；而英文名都取得好:"Project Gutenberg"， Gutenberg [https://zh.wikipedia.org/

2022.6.2 update: 原post： 終於，6.1上線 Vimeo，時代唔會忘記 11.29US$ 48小時  /  18.89US$ anytime

等咗一個幾月，終於入影院睇到！ 如果唔係因為下一場係隔咗好幾個鐘，估計我已經即刻買多張繼續睇 先講結論，非常正！今次嘅重啓版好特別：唔多似傳統嘅超級英雄正邪對抗，而更似解密偵探片，like着住蝙蝠俠裝備嘅福爾摩斯，觀眾跟住蝙蝠俠去一齊搵線索、一步步推進情節發展，差唔多三個鐘嘅片但節奏比較快，所以唔會覺得悶；呢一版嘅故事係發生喺蝙蝠俠做咗冇幾年嘅時候，仲會有迷惘同自我懷疑自我修正，所以就會覺得超「真」，有血有肉；Robert Pattinson嘅演技一如既往地好；比較有瑕疵嘅就係有啲多餘嘅對話（即係本來動作、表情等等已經展現得好到位，唔知點解仲要直接講出嚟……怕人睇唔出噉 循例擺個wiki詞條先 The Batman (film) - WikipediaWikimedia Foundation, Inc.Contributors to Wikimedia projects [https://en.wikipedia.org/wiki/The_Batman_(film)] —!!!      請注意，以下內容會透露劇情      !!!--- 點擊後展開（

一部好有意思嘅科幻片，係講時間穿越嘅。佢同其他一啲時空穿越嘅片唔同，喺呢部電影嘅設定下，唔係多重宇宙嗰一套，世界始終得一個，而唔同時間嘅同一個人係可以互相接觸同交流，對過去造成嘅影響會影響到未來，世界從改變嘅嗰一刻開始產生漣漪。係咪諗落就覺得好犀利呢（可以不斷loop，噉咪好無敵？ 而呢部電影特別之處都喺呢度，唔同年齡嘅自己喺同一個時空相遇，會撞出不一樣嘅火花：年輕嘅自己正經歷住，會特別清楚體會到現時嘅感受，但同時都可能忽視咗一啲本應感受到嘅嘢；而大個之後嘅自己，會漸漸忘記甚至歪曲咗原先嘅感受，同時會對自己失去冇做或做錯咗嘅嘢感到好後悔。呢種碰撞其實就係同未來/過去嘅自己對話，十分難得而深刻 都係繼續懶人介紹情節法先： The Adam Project - WikipediaWikimedia Foundation, Inc.Contributors to Wikimedia projects [https://en-wiki.4mirror.workers.dev/wiki/The_Adam_Project]跟住我自己再介紹： > Adam's

新年度值得推薦一睇嘅動畫片，簡單講下佢嘅亮點： 第一個係懷舊嘅背景：有中國傳統宗廟文化+21世紀初加拿大多倫多城市背景，當中都帶有一絲神話式嘅red panda力量。（可以講係有劇組嘅童年影子 第二個係畫風同之前Pixar出品嘅動畫好唔同，應該講同西方嘅動畫風格都唔同，有啲似日韓嘅畫風（會偏卡通同可愛嘅感覺，特別係變身成為red panda嘅時候。 最後係小故事大道理，至於會唔會有過度解讀可以一齊探討一下~ 電影劇情可以睇wikipedia介紹，今次就懶啲喇，唔自己造輪子 Turning Red - WikipediaWikimedia Foundation, Inc.Contributors to Wikimedia projects [https://en-wiki.4mirror.workers.dev/wiki/Turning_Red] As I said, 故事發生喺21世界初嘅多倫多，嗰個係未有智能手機嘅時代，聽隨身聽，寫日記等等，所以係幾有回憶嘅感覺 用red panda做為變身嘅形象，感覺幾巧妙。一方面覺得好可愛，比較得意；

可以先睇睇其他人嘅影評，唔單止關於電影本身，都有對當地社會同背景嘅一啲介紹同分析 《世界上最爛的人》：北歐社會已高度平權了，女生們還在煩惱什麼？「你是否可以既是女權主義者又喜歡為男人口交？」Telegraph端傳媒 特約撰稿人 賈選凝 發自台北 2022-03-21 [https://telegraph.4mirror.workers.dev/%E4%B8%96%E7%95%8C%E4%B8%8A%E6%9C%80%E7%88%9B%E7%9A%84%E4%BA%BA%E5%8C%97%E6%AD%90%E7%A4%BE%E6%9C%83%

今日介紹同烏克蘭相關嘅兩部作品，分別係電視劇《人民公僕》同紀錄14年烏克蘭示威嘅《Winter On Fire（凛冬烈火）》 其中《人民公僕》mark咗好耐，因為之前有睇過嗰本小説，當時就覺得比較有趣同好理想樂觀 《人民公仆》 [尼日利亚] 钦努阿·阿契贝 [https://2cold.independentlyreview.com/Shares/Books/%E3%80%8A%E4%BA%BA%E6%B0%91%E5%85%AC%E4%BB%86%E3%80%8B[%E5%B0%BC%E6%97%A5%E5%88%A9%

喺火車上消遣時間嘅方法除咗睇書、睇風景之外就係睇電影了 本身其實唔打算睇呢部，不過由於傾偈嘅時候攝入糖分過高，所以一於繼續高落去，而且經典始終都係經典，從兩個人唔同步嘅角度嚟描述同一件事，plus一啲青春時期嘅話題如誠實、親情等等，睇幾次都係咁感觸 Phil Everly - Let It Be Me 您嘅瀏覽器唔支持audio元素，請換第個試試. Juli started sniffing Bryce's watermelon-smelled hair. 一開始就好好玩，女仔中意男仔而男仔唔中意女仔。年輕嘅時候就係咁天真咁可愛，簡簡單單地因為人哋生得好睇就中意了。in this case，就係Bryce嘅眼。但係呢，太過於熱情會搞到唔熟嘅人反感。都係嗰句，你中意嘅人唔一定中意你，不過人一般都冇自虐傾向，所以會預想最好嘅情況，好多時嘅失望都係來源於此 > Grandpa: Why isn't she your

well，其實係有時間睇電視劇嘅。。所以tag嘅名都從電影改成咗影視 呢部電視劇改編自非小説書，即真人真事改編，講嘅係關於普渡製藥生產嘅鎮痛類產品奧施康定 (OxyContin)，靠矇騙唔會上癮嚟大賣，結果令到好多人上癮，家破人亡嘅事 偏一下題，國外拍起自家嘅污點係拿手，而且中意拍，因為觀眾都中意睇，呢個係基於政府係人民監督嘅對象，做得唔啱就要鬧就要負責所以先拍得到 電視劇主要分三條線： 礦山小鎮嘅故事，嗰度嘅人以挖煤挖礦為生，環境惡劣，好易工傷，嗰度嘅醫生Dr. Samuel Finnix就好似開OxyContin畀佢嘅病人，初時係想啲病人無咁痛，試下新藥點；反饋幾好，所以就鋪開使用。但一位年輕病人Betsy Mallum喺藥效冇咗嘅時候（聲稱12個鐘，但唔夠）越食越多，結果上癮，係所有上癮嘅人嘅縮影，佢哋初初可能只係為咗紓解疼痛而被自己嘅醫生開OxyContin 呢個環境嘅選擇幾好，噉嘅小鎮從來都係被遺忘嘅地方，經濟單一而落後，連醫生都少，要自願過去先至有。跟住再對比OxyContin呢種藥咁犀利，可以解決佢哋嘅痛又唔會似其他阿片類藥物噉上癮，簡直神藥，受害者最多

係時候整理一下呢個假期睇過嘅電影了，選一啲嚟講，今日就優先講下港片《殺出個黃昏》啦，後邊幾日都會繼續介紹，主要係一睇草稿先知原來打算寫咁多，但發現最早嘅呢篇拖咗差唔多一個月hhh 以下內容會透露劇情，請注意 點擊後展開（warn again: 會有劇透） 青春之歌 - 殺出個黃昏主題曲您嘅瀏覽器唔支持audio元素，請換第個試試. 故事嘅背景係，曾經嘅三人組殺手金盆洗手好多年之後，步入咗老年生活：田立秋（謝賢飾演）靠喺麪館削麪揾食，但手腳變慢，被機器代替而失業；蔡鳳（馮寶寶飾演）有自己嘅樓同歌廳，夜晚唱歌揾食，睇上去兒孫滿堂好幸福，但實際上只係恨住嗰筆財產；葉一業同樣孤身一人，平時開貨車，得閒就去性工作者菁菁度幫襯，而且想同人哋結婚，只不過對方並冇此意。突然有一日，蔡鳳召集昔日嘅兩個拍檔，因為有人請佢哋出山 第一單係一個瞓喺病牀度嘅老女人，「食唔起藥，不如死咗仲好」。田立秋（謝賢飾演）去到先知係求自殺，落唔到手，直接離開。後尾佢哋睇到新聞話嗰個女人畀佢老公殺死咗，因負擔唔起醫藥費，

Warning: 15歲以下觀眾禁止觀賞 有朋友話呢部係比《魷魚遊戲》更好睇嘅同類型作品，我自己就冇辦法噉樣評價喇，因為我自己冇睇《魷魚遊戲》，無從比較 呢齣戲最大嘅特色唔係血腥同恐怖（要睇嘅朋友咪話我冇提醒，不過我覺得應該還好？唔算太恐怖同血腥，已經算係儘量避免咗嗰啲好血腥殘忍嘅鏡頭），而係入邊對人性嘅刻畫 以下內容會透露劇情，請注意 點擊後展開（warn again: 會有劇透） 故事一開始介紹咗背景，21世紀初，日本經濟衰退，失業率超15%，青年學生亦不滿校園制度，犯罪率攀升。成年人與少年嘅矛盾日益激化，而成年人出於不信任同害怕，通過咗教育改革法（簡稱BR法），即係每年從全國四萬幾個班中揀一個班去到一個荒島上邊，三日時間最多只能活一個人出嚟【至於點解要噉做，後邊會講到。我當時真係感覺好奇怪，真莫名奇妙，好似就為咗設而設，『國將亡，必多制』，一年只抽一個班，就算要恐嚇效果都一般，所以我覺得只係一種報復——無能嘅成年人對於唔聽話嘅學生嘅報復，唔去解決問題嘅根源而去搞能力較弱嘅人】 男主七原秋也嘅媽媽喺佢小四嘅時候離家出走，爸爸喺佢國中開學嘅時候上吊自殺，留低「秋也

小舞台嘅大張力 而家改編自舞台劇嘅電影睇落煥發咗第二春 以下內容會有劇透，請注意 點擊後展開（warn again: 會有劇透） 故事嘅背景係喺美國上世紀20年代，黑人嘅地位有少少嘅提升，南方嘅黑人更多地前往北方揾食。 被譽為"mother of blues"「藍調之母」嘅Ma Rainey，喺南方有好多黑人fans，深受大家喜愛。佢都順應潮流，來到北方發展，但呢度同南方好唔同，潮流、品味都唔同，所以佢嘅演出相對嚟講就冇咁火爆了。 Ma有專用嘅樂隊為佢服務，一樣係全部黑人，四個男人，三個都係中年；一個係好後生嘅Levee，追逐潮流，貪圖女色。 第一幕，有唱片公司揾Ma錄歌，佢叫樂隊先去，自己故意遲到，慢慢再等自己嘅外甥開車過去[yep，就算幾有錢幾有名都好，嗰陣冇人會畀黑人搭車]。band到咗之後，就被安排到地下破舊嘅練樂室，四個人就一邊練一邊傾偈。 Levee得到唱片公司老闆嘅賞識，叫佢創作歌，應承等佢夾到band之後幫佢錄製唱片，更加批准咗呢次Ma嘅曲採用佢嘅風格，