中意臺譯嘅《關鍵少數》多啲，而唔係港版嘅《無名英雄》 btw先講題外話，wikipedia上邊都幾好玩，竟然有人寫「约翰遜」搞到地區譯名規則唔生效，一開始都睇唔到，但「约翰遜」，簡繁混雜係想點，可能最開始係編輯出錯跟住一路copy落嚟？帶有少少強迫症嘅本人就接受唔到，一嘢改咗佢 新事業，必定需要好多人參與。NASA嘅太空事業，就包括咗計數、計算同埋工程設計等等。但當時係20世紀中期，平權運動仲未取得重大勝利，所以工作環境都係要區分白人同有色人種。NASA都唔例外，有一個專門嘅建築物去作爲有色人種嘅工作部門同相關場所，而故事嘅主角就係海報嘅三位女士 就算係喺有色嘅計數部門，主管都一定係白人優先，如果無嘅話寧願空缺咗先，就算Dorothy而家做緊嘅就係主管嘅工作都好，都只係代理主管，根本冇得爬上去。well，如果冇咩機遇嘅話，就真係唔會有任何改變。好在，生得逢時，有新技術嘅發明同引進，當然首先都要留意觀察到，先會得知有個大型計數機器有能力取代自己嘅位置。跟住就係要主動出擊，搵資料學習，然後又遇上種族歧視問題：得白人區嘅圖書館先有最新嘅教學書，但又唔畀有色人睇。OK，無謂忍，直接拎走！

未來技術被惡意利用嘅恐怖？能力越強，失控起身造成嘅損害都超大。一項技術，有能力者溝通唔到都係廢，因爲說服唔到其他人監管同控制嘅話，就會俾搶走。不幸而又幸運嘅係，由自己嘅細佬take charge，自己就噉返歸湊女算 problem，如果查唔到錯又冇記錄，就好有可能係人爲造成。而即使係咁未來嘅科技，都係要去現場調查？somehow strange，最好當然係有太空同地上兩並行控制臺，至少如果出事都有backup 一樣事物，最了解嘅都係佢嘅創始人，畢竟花咗大量心力去搞出嚟嘅嘢，所以出大事之後都係要搵返開山鼻祖，都係一種無奈之舉，甚至有時呢個人都搞唔掂。理想嚟講，呢啲都應該係要代代相傳，否則如果呢件事發生喺好多年之後嘅話，要搵邊個嚟解決呢？ anyway，最後都係飛上去處理呢個大問題，過程嚟講都幾正路，至得意嘅就係encoding消息，講真係好難做得到，要計時間、語速同埋默契 當然，再熟悉都會有唔記得or有變化嘅情況，所以都要有現任負責人帶路同引導，都可以話係某種工具人嘅 懷疑人係應該嘅，尤其自己條命都差啲玩完時，只不過好難target到真正嘅目標。喺呢種情況下，點算？絕對唔可以單

九年前同誰睇首映，九年後又喺邊個身邊一齊感動落淚？有啲問題唔係問題，而只係一種感觸，下一次重映又會係點，呢個真問題暫時冇人知答案？yes，就算係而家想確認，始終都係不確定嘅事情 如夢境般嘅超時空掉轉生活，一開始係驚同困惑怕醜，後邊就係喜同放飛享受 事實上，如果可以體驗第二個人生，大概好多人都會好開心，呢個都係人之常情 如果話一開始係陌生同困惑，慢慢熟悉之後就放飛自己！ 心心念念嘅東京男仔生活，食！去coffee店飲咖啡食甜品，食到要打多份工都真係笑死！打工邊學邊食女，同餐廳嘅善良女前輩打好關係 變成女仔，er，只能講有啲誇張，一起身就情不自禁胸部按摩……講真都幾嘔心同變態。面對言語欺凌直接爆發，打波都超勁，勁型。有一個鏡頭都好touching，行山路嘅時候主動孭嬤嬤，開頭應該係唔習慣女仔嘅力量，企唔穩，後邊就行得好穩陣 點解瀧說服唔到但三葉可以？一個係逼上梁山，以結果先行，只係爲咗救人，but問題係，對方唔單只係町長，更係三葉嘅爸爸，就算平時唔點交流，嬤嬤亦唔中意從政，但都係有情感上嘅聯繫。最親近嘅人同時都係最熟悉嘅人，所以當身邊嘅同學朋友覺得奇怪嘅時候，佢哋會直覺明白唔係原來嘅

well，果農冇前途係一個大趨勢（賺錢太少甚至唔賺），轉型做太陽能發電都係無奈之舉。所以呢個譯名都幾正，明明係處於夕陽，但形容係「陽光燦爛」 而複雜嘅係，祖先救過地主祖先嘅命，所以一路都應承借畀佢哋屋企附近嘅一片地佢哋種水果營生。只不過喺呢個時代，做太陽能發電更加賺錢，所以地主後代就要求收返呢片地 究竟口頭承諾有乜用？其實係冇實質約束力，舊時可以相安無事只係因為地主一路都冇反悔嘅諗法，但經歷咗幾代之後，即使當初有幾大嘅恩情或罪過都唔會再覺得同自己有咁大關係，所以有白紙黑字嘅契約的確係人類進步，畢竟人性係一定會辜負相信，儘管契約都一樣但起碼保障得多啲 不過其實地主都冇趕盡殺絕，希望聘請佢哋幫手安裝維護太陽能板，撇除資產係前人繼承呢點之外，為人唔算差嘅。但係，富人繼承本身就係一種罪，係極大嘅不公，尤其成個制度鼓勵富者剝削貧者，無地嘅果農俾有錢嘅收購商壓價無法得到自己辛苦勞動嘅應得價錢，以至於寧願玉石俱焚揼晒算 噉窮人應該點算？都冇乜辦法，首先係要搞掂生計，因此要趕喺清地期限前搏命採摘生果去賣；同時老一輩仲抱有靠祖輩情懷嘅希望，但無功而返同埋其實係拋棄咗自尊；亦都有人願意被逼轉賽道幫地主

父親節特輯，儘管係禮拜四，都可以當放假嘅，所以就嚟睇返部都算應景嘅電影 細路啱上小學一年級，喺山村做留守兒童，同嬤嬤相依為命，畀人疜冇朋友，母親早就離開咗，父親多年唔見，甚思念，寄望於自己期末考嘅雙百分數可以令父親歸家以至變為執念，喺聽講賣貨司機去過父親打工嘅城市就偷偷地上車，繼而發生後續嘅尋父故事 開車賣貨司機同樣係個命苦人，幾年前俾最好嘅兄弟呃走咗仔嘅救命錢，只能眼白白睇住患上絕症嘅仔喺自己懷抱一日日死去，因此執着於搵曾經嘅友人復仇，練習見面之後要點用腰間嘅小刀殺對方，其實都唔慌開心 錢，係最快產生關係嘅方式……嬤嬤感覺到自己快老死，就去影老相，而必然嘅係要嘗試討價還價再失敗嘅環節（一如司機後邊租房一樣）。細路同司機糾纏埋一齊都全因為細路唔小心燒咗勁多貨造成巨大損失 如果個人未壞晒，就唔好做衰嘢。因為即使冇報應，都會後悔死，而且係成世都要承擔，甚至寄希望於受害者揾到自己之後鬧、打、殺自己，令自己好過啲。但佢哋甚至唔敢自己去揾受害者，因為唔知道應該點面對；而且實際上都怕死（應該話冇乜人唔怕），只係為求心安，其實係勁自私，自己都唔肯承擔呢份擔當同責任，要人哋孭埋殺人罪…… 而好

保留地印第安人點生活？同城市嘅交集相處又如何？ 我個人好中意電影分別展現細路同後生仔(?)嘅故事，而命運最後令佢哋相遇，得以延續同支持 可以將細路嘅故事睇作後生仔青春時嘅經歷，因為兩個人都同樣失親離異，都會同一班死黨一齊行動，都喺做錯事之後心懷夢想希望變好…… 點解咁多人嘅經歷都咁相似？其實同國內嘅農村差唔多，因為冇乜工作機會，治安幾乎為零，多元而新鮮事物未影響到生活（電影入邊喇，而家當然情況比較唔同，智能電話同各種社交娛樂APP極大地影響而家嘅世代，不過都變成另一種相似無趣） 大人嘅夢想好簡單，揾錢同組建家庭！無論係養名貴狗生嚟賣，定係靠厚面皮同把柄嚟揾工等等，不計手段同方式，達得到就好，但係根本性嘅問題依然存在，會有人偷、處於權力之上嘅顧主始終睇唔起同蝦霸印第安人，各種問題會接踵而來，似乎都喺度阻止自己嘅致富夢想。或者可以講，佢哋嘅未來幾乎定死咗 而導演比較好心，為我哋展現印第安人反抗嘅一面，反過嚟搶走晒火雞工作坊嘅產品工具同埋火雞們~大家都會記得，歷史係邊個掠奪邊個。而且，即使有呢一出大快人心嘅劇情，對於未來都唔會有乜嘢改變，只有季節嘅變化…… 細路嘅話，其實都好簡單，同

老老實實，睇到瞌着咗…… 所以抱住紓壓嘅心態去睇，的的確確又放鬆咗嘅 人與人嘅交流，語言佔咗好大一部分，但係呢，有啲嘢係言語所無法精確地表達到，正如Jessica唔能夠直接向Hernán分享自己腦入邊嘅巨響。不過，溝通嘅魅力都在於此，只要繼續對話，就可以不斷接近，即使都係冇辦法達到，但都比起一開始靠近想要表達嘅嘢好多 但都要想講同埋有人願意聆聽同交流先得，雙向嘅，少咗任何一part都搞唔掂 而人呢，無論需唔需要獨處嚟叉電，都應該行出去睇下。如果Jessica一直就喺屋，就唔會睇到化石骨頭、聽到美妙嘅音樂、睇到光影嘅神秘同奇妙……，同更重要嘅，係同其他人（包括屋企人、朋友）嘅相遇同交往 世外桃源，似乎只係畀本身就喺入邊嘅人先有用？Jessica行到入去，腦內嘅巨響都係會出現，各種外界嘅資訊都同樣會繼續糾纏喺放空嘅時刻，呢個就係記憶嘅影響，往事唔能夠當冇嘢發生過，亦都同導演想表達嘅其中一樣嘢有關：請多關注幫幫哥倫比亞

really bad...尤其知道咗係真事改編，發生喺20幾年前嘅伊朗 一個社會（電影入邊係伊朗）係點形成厭女情緒？宗教？可以解釋一部分原因但並非絕對，因為都有其他信伊斯蘭教嘅國家、人唔係咁極端地厭女，當然都要注意到伊朗係唯一絕大部分信什葉派嘅所以更加固守經文；文化傳統？都可以解釋一部分，因為的而且確係由來已久嘅氛圍，並唔係突然間一個伊斯蘭革命就反轉晒。而最後仲要加上政權同社會嘅默認同偏幫，呢一點喺電影入邊展示得好明顯 都要提及返一啲背景，故事發生喺伊朗馬什哈德，係什葉派嘅聖城所以有其宗教神聖性同人口眾多，所以如果係普通嘅連續殺人事件應該會毫不猶豫地為咗治安全力緝拿而唔係一次次畀兇手喺同一個有目擊者嘅地方犯案&同一個地方拋屍 first question：既然都知係喺聖城且社會極度厭女，點解仲有咁多女性要犯險喺聖牆附近從事性工作？ 第一個原因當然係經濟問題，窮人要揾出路，但喺噉樣嘅社會，女子一個人係寸步難行（女記者如果冇證件表露自己身份都冇可能住到旅館），基本上只能依靠屋企嘅男人。但如果父親老咗或走咗，同埋又無丈夫（未嫁/離異之類），電影嘅第一個受害者就係一個單親媽媽，只有屋企

同樣好治癒嘅一部戲，節奏慢得嚟而又有韻味 首先要解釋下苦蟲係乜嘢意思：喺呢個辭典查到係苦面嘅意思（塊面好似食咗苦嘅蟲噉咁難睇、令人難以接近） 100萬日圓(yen)，話多唔算多，不過都唔算少，按返08年匯率大概就係1萬美元，夠畀去第個地方嘅交通同住宿費 女主佐藤鈴子，性格比較矛盾：內斂而又火爆，脆弱而又堅強，勇敢而又害怕受傷。呢種性格好大部分係受到家庭嘅影響，影片一開始就展現咗：姐姐性格跟媽媽，儘量避免提及唔好嘅事情，但如果情緒上嚟都係會爆發；而弟弟跟爸爸，表面強勢正氣，但實際就係一個懦弱嘅老好人。加上屋企一旦提及所謂嘅真話，就會嘈到冇辦法住落去，進一步加深咗鈴子覺得唔可以對心邊嘅人講心裏話…… 跟住就出事喇，唔識拒絕say no，只會強裝微笑帶過，前期被逼同意三人同租，對細佬嘅毒舌忍讓，後面被逼接下桃女嘅職責，唔想去同事酒聚但都冇拒絕，and不斷借錢畀男友，連約會時都使自己錢，順從地委屈自己…… 一路死忍爛忍，總會有發火嘅一日。見到收留嘅貓畀同租嘅男人噼出街，一怒之下抌晒佢啲嘢結果俾刑事起訴留下案底；鄰居舊同學講自己閒話，都由佢喇，自己又冇真正阻到其他人，但直接行過嚟圍住寸

有時睇下呢啲電腦合成紀錄片都幾舒服解壓 講起恐龍呢，之前去博物館當場預約入去睇，體驗好正，有解説，有幾多細路仔（錯重點）但又唔會覺得好多人，最緊要嘅係展覽效果（燈光吖、温濕度、空間比例之類）都勁好 返番嚟正題，點解人類普遍咁着迷於恐龍？ 我諗可能有幾個原因。首先係先要存在，因為恐龍比較龐大，所以化石保存到而家相對容易，攞嚟研究嘅可行性就自然大好多，有咗成果之後就會有展覽之類；而令到恐龍脱穎而出嘅當然係因為佢勁龐大，人係有慕強心理，同埋因為未完全解密，帶有神秘色彩，就更加容易吸引到人 對於生物，基本上都係呢啲感興趣：出世、進食、被捕食/爭食、繁殖生育。雖然噉樣一講好似幾普通同單調，但紀錄片整體安排得幾好，有舖墊有引導，同埋啲劇情都幾有意思，and每一種生物嘅呢幾項都會多多少少有唔同，成為其獨特嘅部分 植物相對好生長，即使喺極地或沙漠，終會出太陽同落雨，就會有佢哋嘅發展空間；而素食動物風險細，除非植物太少，否則都幾易揾到嘢食，只不過其營養同熱量較少，所以要花極多時間去進食；肉色系則相反，風險高，

好治癒嘅一部紀錄片 因為影片本身就係治癒主角Craig Foster嘅過程：佢喺長期嘅拍攝剪片工作攰到大病，無法再掂相機同工作室電腦，而兒時嘅淺海之旅令佢向往接觸返大海，期間偶遇一隻八爪魚，同佢產生連結，得以重拾相機記錄低呢段唔太長但難忘嘅陪伴 八爪魚，一種海洋軟體動物，觸手上佈滿可以獨立控制同感官嘅吸盤（聽過有人話係佢嘅脷，所以接觸嘅時候喺某種意義上係食緊嘢，睇嘅時候諗到呢個講法笑咗 要接受咁多嘅感官，所以都有比較高嘅智能，喺影片入邊我哋都睇到，佢學識點捕捉龍蝦（乜都食得真係正，海鮮大餐）、畀鯊魚咬到嘅時候甩觸手保全自己，利用石頭同貝殼保護自己唔畀鯊魚食，喺緊急時刻吸喺鯊魚背脊上……really amazing！ 而有智能，就會有好奇心同學習能力，所以願意接觸Craig Foster，畀佢一齊同自己行動，探索呢個淺海世界。諗緊呢，非社會性動物雖然唔會同同類一齊生活，大多數時候都係獨來獨往，但唔代表佢哋唔需要其他生物，捕食被捕食爭食呢啲唔講住，八爪魚喺唔需要進食嘅時候同一班魚一齊玩，某種程度上都係一種滿足，同呢個世界接觸交往嘅需要 亦都呼應Craig Foster從呢隻八爪魚

睇唔到光嘅世界，好彩仲有聲音來伴 而最好彩嘅，其實係佢嘅屋企人由始至而家都冇放棄過佢；作爲身障者，影響最大嘅當然係身邊嘅屋企人/照顧者，佢哋就係黃裕翔對眼，受到家族人嘅照顧同愛護，所有嘅缺失就有得添補 在愛裡，我逆著光飛翔：音樂夢想家黃裕翔的成長故事｜天下雜誌二十七歲的音樂夢想家黃裕翔，因為先天性「視網膜細胞色素病變」，注定一輩子失明。裕翔媽許月桂，曾經在無數的日裡夜裡懊悔無助，「感覺像是被判了死刑」。很快的，裕翔媽媽想通了，再多的自責也無濟於事，如今所能做的，就是為心愛的盲兒子找出一條未來的路。天下雜誌李翠卿 身障難，而心障其實更難 電影嘅改動真係幾好，所有嘅身障片基本都係行勵志呢條路，但係，《逆光飛翔》呢個名，係從女主小潔嘅角度嚟講嘅 人生失去夢想，同咸魚有乜嘢分別？雖然幾老土，但的確如此 小潔有跳舞嘅夢想，但因為要交家用嘅經濟壓力，放棄讀舞蹈去手搖店打工，亦因此揾咗個跳舞好叻嘅男朋友，但係個仆街渣男……仲要多次都原諒佢，只因中意對方跳舞時好睇，彌補自己嘅遺憾 見到裕翔對音樂嘅熱愛同耐心開心地教同樣失去光明嘅細路，燃起咗勇氣想再試一次，且手搖店老闆知道咗之後都極力鼓勵

去咗香港一趟，梗係要睇下電影（唔係都冇乜機會入戲院睇 因為係同主線無關嘅劇場版，所以即使冇睇過SPY×FAMILY都可以去睇（電影前30分鐘基本交代晒所有設定），且邏輯上唔使咁嚴謹，總體上幾適合做賀歲片 搞笑位都幾多，不過忍屎嗰段有啲懷疑自己睇咗啲乜嘢hhh，但如果大家有類似嘅經歷應該都會覺得勁真 雖然好老土，都係嗰句，唯有同愛嘅人一齊，先有意思，所以都好彩我唔係自己一個~（當然……自己同自己都可以係愛嘅人嘅其實 係開心嘅感覺，わくわく

經典真係睇幾次都咁有味道，睇返啲江湖義氣仔女電影 跛豪本來唔跛，本來叫吳國豪，因大躍進饑荒走難到香港，同埋一班同鄉嘅住一齊，係汕頭幫嘅雛形 一開始空有一身力氣，所以以命相博博返個毒販小頭目嚟做，後尾有氣魄有計謀越做越大，衝昏頭腦唔收手，最後畀廉政公署同正直嘅總探長捉拿入獄。你話佢自己知唔知道有風險，都好難講。一方面，屋企人同埋一啲小弟都勸佢，之前包庇佢嘅雷總探長都話今次嚟真，所以按道理嚟講，佢都應該會有此擔憂；但另一方面，所有細探長都畀佢收買晒，而以前嘅成功經驗都令佢覺得今次同樣實食無黐牙，僥倖搞掂嘅話自己就可以隻手遮天，呢個誘惑都幾大 其實更想講嘅係義氣嘅片段： 吳國豪開頭掃蕩金牙炳，見金牙炳嘅小弟啞七喺大佬死咗之後仲繼續博命，就留佢命並送去醫治療養。啞七之後效命吳國豪，並喺大火併中拼死救返跛豪。對於佢哋嚟講，義氣大過自己條命，能夠為賞識自己嘅人死都可以講係好結局？至少我會覺得係彌補到當年冇救到金牙炳嘅遺憾。而大細蝦其實都一樣，雖然好顧家，同埋都覺得揾夠想金盆洗手，但跛豪叫到，都係會義無反顧去執行 國豪對自己人一直都好好，而且唔係只係畀錢，都要為佢哋好。吳明搞咗肥波條女

先講下譯名。如果從本名"perfect days"直譯嘅話會係「完美嘅日子」，而香港係譯作「新活日常」，都幾有意思，故事講嘅係公廁清潔工平山嘅日常生活，雖然係日常，但每日都唔平常，會有新嘅事情發生，由此感受到美好，所以呢個譯名幾正 同埋導演兼編劇Ernst Wilhelm "Wim" Wenders嘅節奏安排得好好，例如喺後邊先自然地話畀觀眾知嗰個地標係晴空塔，交代平山以前嘅故事等等 平山過嘅係一種好懷舊普通嘅日常生活，工作日晨早淋花草，買咖啡返工，盡心盡力地清潔公廁，偶然地同他人接觸，有好有唔好：同另一個幫手傾偈、落雨天喺出邊等急住用公廁嘅人、隔日喺白紙上同陌生人玩tic-tac-toe、敎外國人點用透明公廁、氹揾唔到媽媽嘅細路但畀其母親厭棄指責……中午喺樹下食晏睇好靚嘅光葉影同時影低落嚟，放工之後去浴堂洗身浸浴，之後去地下通道/地鐵站嘅一間熟人店食飯，返屋企睇陣書之後瞓覺；休息日就去自助洗衫鋪，買菲林沖曬相，買書，去另一間女店長熟人鋪食一餐好嘅 完全冇智能電話，聽磁帶唱片，用菲林相機，喺2020s都幾難想象到有人仲係噉樣生活嘅，但，

有時我會諗，係因為出名而畀人救，定係因為出名所以流傳落嚟？又或者係兩者都有。當然都有平民百姓畀救，同埋都有啲唔出名都同樣流傳到只係冇咁廣？ Władysław Szpilman就係噉嘅一位鋼琴家，當時納粹德國閃擊攻陷波蘭。初初有做咗納粹下猶太警察嘅朋友想邀請佢一齊做（後邊同樣係呢位朋友使佢免於送去集中營），有錢有勢日子好過啲，但Władysław好有正義感，拒不加入。大家就算平時唔清楚，從電影都可以睇到SS嘅恐怖：玩弄侮辱、濫殺無辜嘅方法極殘忍同恐怖，連細路都唔放過 因為佢當時好出名同埋因此識好多人，所以好多朋友都幫佢手，免於送去集中營，喺勞工營工作苟活，後尾仲乘機偷走喺眾人嘅幫助下四處躲避 雖然話人死咗就乜都冇，但當時佢都有份幫手運武器入勞工營，感受過其他猶太同胞嘅反抗勇氣同決心，所以當佢睇到勞工營起義但最後失敗被槍殺時，應該都會諗過自己係咪應該留喺嗰度同所有人並肩作戰，向納粹宣示華沙人永不屈服嘅精神。佢會噉諗都好正常，尤其當佢自己親眼目睹成個起義過程嘅時候，不過佢自己都明白，亦都需要有其他人存活落嚟，去迎接最終嘅勝利——唔死本身就係一種勝利，一種起義 佢喺做勞工、四處躲避嘅時

唔知大家發現未，根本上有兩套嘅話，一係主題比較相關，一係就想比較下。呢篇都唔例外 呢部呢，唔係幾想討論劇情，因為啲bug位有啲多，好難格硬講。不過如果唔好咁嚴謹去睇都ok嘅 人恐懼嘅根源來自未知，而喺恐懼底下，人會變——變得更容易展現自己更真實嘅一面 要下下都好真實，其實都好難，喺電影入邊得一個——就係成日噏聖經，污糟貪錢鹹濕嘅乞衣，毫無疑問佢一直都真性情，但就唔得人中意喇——不過唔係因為真，而係本色性格問題 另外，電影嘅對白都幾簡練得嚟有智慧，相信係精心打磨過 而見識過人性嘅黑暗面之後，應該都幾難再咁天真地相信其他人——對應於結尾，女主得救之後，冇同其他人講，而係行入人羣之中——因為正常嚟講嘅話，就會上報，避免疫苗失效傳染病大爆發；但如果再咁天真，可能就會即刻畀「人道毀滅」，而且唔會有任何羣眾知情，就係咁黑暗，因為已經有五個人噉樣被害 因為睇得唔夠喉，所以就去睇咗呢部《隔絕》，同樣係被困密室展現人性嘅電影 故事本身就係悲劇，因為核彈引爆，國家冇救援倖存者嘅打算，喺物資耗盡之後，輻射有排都未散，

先問一個好老土嘅問題：人點解要睇電影？可以由第一幕嚟答一下： 呢三個人，就噉睇無聲片，知唔知佢哋嘅關係？yep，電影就係充滿無盡可能性~ 可能喺埋一齊，結婚之後，就會有呢個疑問(?)：究竟係浪漫定係無趣？ 相比起Nora廿四年前嘅初戀Hae Sung從首爾飛到紐約只為咗見一面，Nora同Arthur嘅故事似乎好平淡，就正如佢自己似開玩笑噉講：自己就係嗰個拆散佢哋嘅壞男人 噉Arthur係咪咁渣斗？of course not，佢哋兩個都係作家，有相同嘅興趣同價值觀——當Nora十二年前興奮地問Hae Sung有冇睇最近上映嘅一齣戲時，雖然Hae Sung事後有補睇，但都係遲咗，而且可想見佢哋都冇分享各自睇完嘅感受——儘管異地戀嘅話應該都係攞啲嘢嚟分享嚟講嘅日常，不過唔啱頻道嘅話，始終都係少咗啲意思；Arthur更瞭解Nora，而Hae Sung對Nora嘅印象仲留喺最初嘅細路女Na Young，比如話Nora更似一個美國人而唔係韓國人，更加地現實而唔係繼續追逐攞諾貝爾之類嘅獎；基本上Nora嘅嘢都會同Arthur講，彼此比較坦誠 但點解Arthur仲係會噉諗？係乜嘢令佢冇安全

因為未有得睇《白日之下》，所以就先睇呢部 要讚下演員先！老戲骨就算上咗年紀都仲係咁好戲，演得勁入骨，將種種壓力、愧疚、絕望嘅心境帶大家一一體驗 電影嘅兩公婆Anne同Georges以前係音樂教師，桃李滿天下，得意門生Alexandre更係著名嘅鋼琴家，滿世界巡演同錄製CD。兩人亦育有一女Eva，平時住喺國外，不時會打電話嚟同屋企人聯繫 雖然而家我哋仲正值青春年華，但人總係會變老，老咗之後，各種病痛就會不請就登門拜訪，好多時上一秒仲幾精神幾健康噉，可能下一秒就一擊摞低，情況一瀉千里。Anne就係噉，突然間就中風，對外界完全零反應，事後更完全零印象，跟住就去睇醫生診斷，聽從建議做一個低風險嘅手術，但黑仔中咗嗰5%嘅幾率，手術失敗，Anne嘅右半邊癱瘓，只能輪椅代步，生活不能自理，只能倚賴照顧者Georges 從天堂一下子跌落地獄，Anne逼Georges應承自己唔再送醫院或療養院，並認為自己成為Georges嘅負累，Georges立即否認，真誠地講自己樂意照顧同埋內心唔會有怨言——只係大家都可以想象到，一開始係最温情嘅時刻，因為一切都仲喺度摸索同有比較多嘅互動，比如話開咗門再推

有粵配版，Serrini + 張敬軒，正爆 您嘅瀏覽器Or喺預覽狀態，唔支持audio元素，請換第個試試. 故事都幾真摯感人，睇完之後再查，果然劇情藍本係導演自己嘅背景同經歷： 韓裔家庭出身的他，自年少時便被家人耳提面命結婚對象要「明媒正娶」，連祖母過世前也表明希望他迎娶韓國出身的對象，後來他和擁有一半意大利血統、白人出身的妻子結婚，雙方由背着父母交往、發展至獲得父母認可，同時父母也從彼得·孫的妻子與同為移民的姻親身上發現許多共同點。彼得·孫將自己與妻子的感情經歷，融入本作的主角「小焰」與「阿水」的關係設定，還邀請超過100位任職於彼思的第一代、第二代美國移民共同分享自己的經歷，作為電影製作的一部分。——From 維基百科 自己最近都深有感觸，當真真切切觸動到嘅時候，靈感同表達都會係超班效果，因此好多大家都幾強調觀察生活並認真感受，勁贊同 當年柏尼同辛德辛辛苦苦起嘅屋企因為風暴摧毀咗，因此離井別鄉嚟到元素城，點解要噉做？尤其屋企人（以柏尼嘅父親為代表）並唔支持，甚至喺柏尼離開時冇祝福同還禮。不過細諗都係啱嘅，正如影片所講，只有離開呢個傷心地，先可以生活到落去。因為人

間唔中睇下經典電影，都幾好 女主Christine係奧地利人，喺嗰度可以比較正常地向其他男人獻殷勤，唔會有乜閒話，但佢嫁過嚟巴黎畀Robert後，呢邊嘅「規則」就唔係噉講喇 不過Christine都慢慢開始適應，只係都會有啲唔太樂意。喺聽到Aviator為咗佢完成一次歷史性嘅飛行任務但因見唔到佢而喺採訪時好似細路仔噉表達自己嘅傷心難過嘅電台之後，同女傭Lisette探討異性之間會唔會有純潔嘅友情，同時交流一啲有關情人嘅經歷。點講呢，我自己係信異性之間都可以有純潔嘅友情，但前提係要雙方都係噉諗，如果好似電影噉，只係女方噉而男方唔係嘅話，就唔純潔，儘管仲係喺友情嘅關係入邊 而終於發現自己嘅丈夫公然出軌令自己難堪時，佢想做返自己想做嘅嘢，期盼Aviator帶佢遠走高飛 呢個時候，規則又開始發揮作用，Aviator堅持要同Robert講清楚先得，潑咗Christine冷水，而令Christine更清楚自己內心真正嘅諗法：本身就覺得Aviator太嚴肅無趣，其實佢一直中意嘅係喺家鄉由細到大認識嘅Octave，呢個係好合理，因為大家都認識瞭解對方好耐，認識、欣賞世伯呢個更係加分項；luc

其實呢部我自己睇係幾感動，只係，睇嗰陣唔記起係巨人完結篇首映……結果就係眼淚唔太夠用 電影講述嘅係一位畀英國殖民時期嘅印度獨立鬥士Udham Singh嘅人生經歷，而電影用插敍嘅方式嚟展現，我覺得係相當明智同啱節奏 平等係乜嘢？喺英國，羣眾可以成立各種政黨同遊行，可以喺公園自由地演講，討論言論自。只不過，亦都唔係西方嘅月亮特別亮，喺焊接工廠入邊，主管都係會任意剝削、欺凌工人；喺愛爾蘭，軍隊都堅決而殘忍地清洗準備發起獨立起義嘅組織……而更甚者，喺殖民統治下嘅印度，尋求獨立嘅組織Hindustan Socialist Republican Association(HSRA)畀徹底清洗，和平集會演變成軍方屠殺。連生存嘅權利都唔受保護，仲點平等吖？根本係冇可能嘅事情，講係講個人嘅自由，唔係國家嘅自由，根本係謊言，監視、跟蹤先係真嘅 但Udham Singh絕唔係一個畀仇恨憤怒矇蔽雙眼泄泄忿殺人嘅人，佢唔係一潛入去到英國，就揾槍炮搞暗殺（雖然一開始去嗰時係噉諗），喺歐洲生活咗六年，真實地體驗同見識呢邊嘅世界，個反差係更加大——冇錯，喺呢度如果好好工作，係可以過得唔錯嘅，矇蔽自己嘅良知嘅話就