逆光飛翔

睇唔到光嘅世界，好彩仲有聲音來伴

而最好彩嘅，其實係佢嘅屋企人由始至而家都冇放棄過佢；作爲身障者，影響最大嘅當然係身邊嘅屋企人/照顧者，佢哋就係黃裕翔對眼，受到家族人嘅照顧同愛護，所有嘅缺失就有得添補

在愛裡，我逆著光飛翔：音樂夢想家黃裕翔的成長故事｜天下雜誌

二十七歲的音樂夢想家黃裕翔，因為先天性「視網膜細胞色素病變」，注定一輩子失明。裕翔媽許月桂，曾經在無數的日裡夜裡懊悔無助，「感覺像是被判了死刑」。很快的，裕翔媽媽想通了，再多的自責也無濟於事，如今所能做的，就是為心愛的盲兒子找出一條未來的路。

天下雜誌李翠卿

身障難，而心障其實更難

電影嘅改動真係幾好，所有嘅身障片基本都係行勵志呢條路，但係，《逆光飛翔》呢個名，係從女主小潔嘅角度嚟講嘅

人生失去夢想，同咸魚有乜嘢分別？雖然幾老土，但的確如此

小潔有跳舞嘅夢想，但因為要交家用嘅經濟壓力，放棄讀舞蹈去手搖店打工，亦因此揾咗個跳舞好叻嘅男朋友，但係個仆街渣男……仲要多次都原諒佢，只因中意對方跳舞時好睇，彌補自己嘅遺憾

見到裕翔對音樂嘅熱愛同耐心開心地教同樣失去光明嘅細路，燃起咗勇氣想再試一次，且手搖店老闆知道咗之後都極力鼓勵佢，陪佢一齊練舞、更加喺經濟上支持

重新感受到身體動作嘅呼喚，做返自己，呢個先係人生嘅主線。好多人會覺得，賺錢、買樓、組建家庭等等係人生嘅主線，其他娛樂、興趣、陪伴相處只係支線；但所謂人生，而係活着就得，否則同部機器人有乜嘢分別？若果覺得賺錢揾食係定義我哋人生嘅必做之事，噉都好可悲，而且套用噉樣嘅邏輯，唔做嘢之後，我哋就等於失敗咗，因為唔再有工作（唔再做主線任務）

最後結果係點一啲都唔重要，即使參加比賽冇拎獎，即使世界總會有人惡意臆測同咒罵，即使我哋仲會有好多嘅掣肘同妥協，但身邊嘅人會陪伴支持着，逆着光而又因做着自己希望做嘅嘢而飛翔，我諗，呢個過程本身就係享受同精彩

加油，要撐住吖！嗰個你仲喺你嘅身體入邊，一於試下啦，呢趟旅程一定會好難忘同值得