返嚟呢幾日，都係落雨，唔知係咪「雨神」歡迎我呢？ 有少少感覺——喺知道同迷茫嘅不同面向搖擺，走咗好多彎路，似乎冇辦法避免，但而家變好咗，就幾好

按道理嚟講呢，呢篇隨筆應該喺噖日——2022年嘅最後一日寫先啱，而且噖日都應該整理好2022嘅12月刊，plus 2022 大事記（12月嘅部分），well，但我冇噉做 我喺度諗：的確，呢啲都係我應該做嘅嘢，kind of 責任，對得住自己開嘅blog，不過，好似又唔使太急 我哋都知，時間不緊不慢地走着，唔理我哋有冇做乜嘢，佢都係會照走；而人卻係一種好重儀式感嘅動物，所以我哋會收到祝福，會回顧，會展望 不過，全都係因為人賦予日子以特殊嘅意義，先至會有噉嘅效果，但，將一年，壓縮成一日，really not good——呢個都係點解大事記從2022年開始係每月整理一次，instead of 留返一年嘅最後幾日去整理 every day counts, so every things do so, what did

係個值得思考嘅問題 Now嘅呢幾位翻譯係幾好嘅嘗試——我哋翻譯其他人嘅名，確實唔應該唔理三七廿一，用佢哋嘅英文發音嚟譯，而係應該按返球員自己文化、當地嘅讀音嚟譯——噉樣先至更加尊重球員及佢哋嘅文化

正！兩個中意嘅組合時隔 n 年之後再合作！ 您嘅瀏覽器Or喺預覽狀態，唔支持audio元素，請換第個試試. 我自己係好中意好純粹、好認真做音樂嘅音樂人 同埋睇到大家喺另一個充滿希望同美好嘅地方聚喺一齊，真係好感動同好有能量

講起都幾搞笑 事情係噉嘅，今個學期有一科嘅作業成績係 TA 改完之後自己喺網上登記成績，唔知係因為 TA 懶定係過於相信我哋 or 兼而有之喇 跟住就噉執行咗成個學期，結果臨結課有啲同學唔記得喺網上登記，所以作業成績未有，呢件事就畀老師知道咗 老師就發火喇，叫 TA 收齊返我哋嘅作業逐個逐個登記 都幾好玩，原則上的確噉做好有問題，不過成件事過咗咁耐先踢爆，跟住 reset 返個正常嘅流程，就覺得幾好玩，同信任唔信任冇乜關，而係同公平透明性有關

噖日好凍，風大，而且朝早冇太陽出 下午嘅時候太陽終於都出嚟喇！ 不過由於雲好厚，感覺唔到佢嘅温暖 同埋其實只係一陣間，半個鐘好似都冇 但都聊勝於無，帶嚟一啲快樂嘅元素 您嘅瀏覽器Or喺預覽狀態，唔支持audio元素，請換第個試試. 今日就陽光明媚！！！好大個太陽曬落嚟暖笠笠好舒服 同埋拓荒對太陽絕殺！今日真係正吖！

really really amazing 真係完全冇諗過會直接用一個完整嘅故事嚟整成包括14首歌嘅專輯 故事本身就好吸引人，再配以歌曲嚟詮釋，成件事就正到鬼噉 好感觸嘅一個故事—— 虛擬嘅世界係可以好好，好理想；但人始終都係活喺現實 外界嘅事永遠都係一個干擾，如果畀唔到對方想要嘅安全感同信任，其實不如唔好喺一齊；like有啲人可以一齊玩得傾得好開心，但確實難以一齊生活； 如果自己被自己拋棄，嗰種感覺真係好難受； 愛係最大嘅成全，即使以犧牲自己作為代價； 「如果愛到極致，就可以飛上天」，變成無窮嘅力量，衝破任何屏障 您嘅瀏覽器Or喺預覽狀態，唔支持audio元素，請換第個試試. 藝術源自生活呢句話真係珍珠都冇咁真，如果冇好深嘅感觸同經歷，又點可能創作到噉嘅作品呢？it will never break us.

以前喺圖書館機緣巧合之下睇到一本《綠山牆的安妮》，大部分內容都唔記得嚕，而令我印象好深刻嘅係佢入邊嘅一句話（大概意思）： 如果有期盼，就會有一半嘅快樂；即使喺現實之中冇法實現都好，至少我哋喺期盼嘅時候就已經得到咗快樂。 原文： "..."Oh, Marilla, looking forward to things is half the pleasure of them," exclaimed Anne. "You mayn’t get the things themselves; but nothing can prevent you from having the fun of looking forward to them. Mrs.

因為手機內存成日都話唔夠，真係寧舍煩 所以決定全部清過佢：將系統預裝嘅冇鬼用嘅 package 全部 uninstall 佢，連google play都唔要！跟住將自己用嘅軟件都卸晒，全部搬到由 Insular 打造嘅沙盒入邊，跟住突然發現，多咗十幾廿GB嘅內存！ 爽吖！

今次真係唔知點解，本來好地地睇緊youtube，跟住發現網斷咗，跟住去後台睇下，服務器仲運行緊，但已經連唔上，內部網絡配置崩咗…… 估計係因為本身服務器嘅配置唔算太高，得 2G 運行內存，carry唔晒全部服務，而虛擬內存設得唔夠大所以喺網站訪問次數比較大嘅時候崩咗？但upgrade服務器到4G意味着double money……所以都係設大個虛擬內存睇下得唔得，唔得嘅話可能就要將運行喺wordpress上嘅另一個blog遷移到資源佔用冇咁大嘅平台上 跟住reboot、reinstall試過都唔得，唯有 change ip……換咗十幾廿次先換到個防火牆冇 block 嘅ip，差唔多一個幾鐘？唔太記得，跟住就係重裝啲服務啦，我覺得我都黐線，十月已經裝咗差唔多快十次，但啲次序都係搞錯晒——其實應該先解壓返啲數據，再建 container ——但我又搞返咗，搞到解壓之後個 container 運行唔正常，下次實記得……但希望冇下次，計過數由 reinstall 到全部服務（tor、各種blog、mail等等） run 返正常最快都要三個鐘，所以，噖日又整到快天光，

服務器內核、各種服務真係好煩，唔好以為更新係好事。。。分分鐘有啲原有嘅嘢work唔到 今次就係升級之後firewalld.service（可以理解成防火牆）啓動失敗，搞到登唔入服務器，所有服務都用唔到，包括網站、tor等等 講真，我真係崩潰咗，不過，其實一早都有想精簡返成個服務器，因為之前一開始未接觸過docker，所以全部嘢一開始都係直接安裝 or 編譯運行喺服務器環境之下，搞到好多垃圾同碎片喺啲零零碎碎嘅地方唔知點清，所以一於備份好晒啲資料，跟住重裝，全部嚟過。效果幾唔錯，同埋發現有啲流程可以精簡/同時做 結果呢，第一次都係因為環境出問題裝完之後崩咗hhh，有啲命苦；跟住第二次裝，十二個鐘之內搞掂！！！成件事非常正，至於嗰個搭建博客嘅blog要唔要更新？得閒先講（所以你明噶喇

好聽到狂loop 您嘅瀏覽器Or喺預覽狀態，唔支持audio元素，請換第個試試.

一覺瞓醒，就見到喺英國嘅朋友話放假，先知道英女皇駕崩 又一位傳奇人物逝世，sigh…… 好多新聞 and 朋友都寫咗好多，就摘錄一啲落嚟 英國人對英女皇的尊敬，並不是出於古代人對帝王一樣的祟拜，也不單純是基於她的王室身份，更多是因為她一直將自己的生命、強烈的責任感、決心與鼓勵，獻給她的人民。——書生 <不是君主制成就了伊麗莎白，是伊麗莎白成就了現代君主制> 幾日之前仲履行職務：接受Johnson請辭，接受約翰遜請辭及委任卓慧思為新任首相。佢真係一直都噉做 I declare before you all that my whole life, whether it be long or short, shall be devoted to your service and the service of

您嘅瀏覽器Or喺預覽狀態，唔支持audio元素，請換第個試試.

另附同一作者嘅post 大城誌——採訪手記：誰偷走了話語權？ 承蒙各位厚愛，在連登、IG、YT上看見很多關於這個六四33年社會實驗的討論。這個街訪的目的，是希望呈現年輕一代對六四的認知程度，但想強調，認識與否都不是年輕人的錯，而是整個社會歷史教育的責任。反而，在今日香港下，這些受訪者願意在鏡頭面前，表達自己心中所想，無論答甚麼，這份勇氣都值得被讚賞和尊敬，這比起很多成年人來得真摯和真誠。 分享一個小故事，街訪那天其實有段小插曲。有一間學校的老師，看見學生受訪和訪問的內容後，緊張地上前了解，及後再找多一位老師上前，直接衝入鏡頭打斷訪問。老師說，要入紙向學校申請、學生沒有空仍在上課、教育界很大壓力、家長可能會投訴、學生會承受不到…… 學生呆在一旁，看著老師和我們在街上爭論。十分鐘，老師也沒問過學生一句想法，就把一個個理由套在學生身上。總的而言，就是不要訪問「我的學生」，但老師最後說道，如果真的要訪問，也請找一些沒有穿上他們校服的學生來做。 中止學生受訪的緣由，出發點是為了甚麼？是因為題材？學校？家長？還是在學生身上，

眨下眼呢一round十六場就結束咗，張敬軒可以唞兩日先了，今次真係勁，唱咗咁多場把聲仲咁好，唔使打針剩剩 晚晚encore到一點幾，勁癲，睇到一位artist對觀眾嘅愛，同埋觀眾對張敬軒嘅愛同支持 邀請嘅嘉賓都好正，有老朋友、老面孔同埋新一代，張敬軒自己都有一路出歌。唔只係紀念輝煌，更加係向前發展，香港嘅樂壇及其他文化領域都一樣，欣欣向榮，迎來盛世！

關於一啲突然間諗到嘅idea 本身同朋友M傾緊上海嘅情況，突然諗到點解計劃搞唔到高科技，詳情睇下文（可能有啲地方唔係記得好清，儘可能地還原當時嘅對話 M: 你話政府應唔應該打擊哄抬物價嘅行為？ 我：Of course not.市場會自我調節，如果冇出現壟斷嘅話，而此地高於出邊嘅利潤會令到更多嘅人帶物資過嚟，最後價格會回復返正常水平；但如果政府打擊，造成嘅後果就係物資會繼續短缺 M：確實，哄抬物價雖然會拉大富人、窮人嘅不公；但如果強行讓公權力去維持物價，就會唔夠用，最後都係會不公——權力強弱嘅不公，有權有勢嘅人會得到物資。噉應該點算？ 我：政府應該當賑災噉運送物資 M：噉咪變成大政府嗰一套？ 我：呢個係佢應該做嘅嘢，因為本身呢單嘢就係政府用公權力整出嚟嘅，人哋唔係發生咗乜嘢自然災害，而係用行政命令嚟使到成個城市運作唔到，噉相應嘅保障同後勤唔係你嚟嘅話仲有邊個可以負責？ M：好奇怪，好似而家又好多人想大政府，唔通公有制的確有佢嘅魅力所在？ 我：睇時代，時勢好容易賺錢嘅時候冇人想被管，而時運差嘅時候就會想有個大政府嚟做保護傘，人畢竟仲係幾短視而又十分睇重自己嘅利益 …

Facebook [https://www.facebook.com/hk.idaho.plus/photos/a.279582765715526/1692500757757046/] May 17 2022 posters are out! ~ May17.org [https://may17.org/may-17-2022-posters-are-out/]今日係第十八屆國際不再恐同日（英語：International Day against Homophobia, Transphobia, and Biphobia，簡稱IDAHOTB） 分享一篇上一年就睇到嘅文章，嗰時因為睇到嘅時候已經過咗5.17好耐，加上已經分享過其他報告就諗住今年再發 and you can see it below 帐号已迁移 [https://mp.weixin.qq.com/

繼續寫影評之前睇到一個視頻，因為比較短所以直接down落嚟放喺網站度，方便大家唔使翻牆睇 0:00/1× 事件嘅起因係有戶人雖然檢測係陰性，而作為密切接觸者被要求轉運，而自己覺得只要係陰性就唔可以強制轉運。之後一個警察話如果拒絕執行之後會有處罰，而且係影響三代！ 當事人就話：「我哋就係最後一代，唔該！」 相當悲壯，進一步評論之前都係先調查下起因經過。據youtube底下嘅評論話係發生喺上海，喺我嘅記憶中一直都係要轉運，但為求謹慎都係再fact check下 密接、密接的密接、筛查人员如何隔离？上海发布回应3例无症状感染者在隔离管控期间例行新冠病毒核酸检测结果异常，经市疾控中心复核结果为阳性。经市级专家会诊，综合流行病学史、临床症状、实验室检测和影像学检查结果等，诊断为无症状感染者。目前，已追踪到上述3例本土无症状感染者在本市的密切接触者22人，均已落实集中隔离观察。选稿：朱雯楼里出“阳”，全楼都要集中隔离？上海疾控回应_中国江苏网戴凌 而且新修訂嘅第九版《新型冠状病毒肺炎诊疗方案》都冇話取消轉運隔離，所以的確係有相關規定，如果拒絕係可以處罰 but! 一個警察憑乜

唔知呢，有時都幾意外 下午跑步時諗嘅嘢，結果真係喺夜晚發生咗…… 其實個問題可以再問多啲，係巧合？係默契？定係直覺？或者係諗多咗？ 而好多嘢都係冇答案，就任由人去下結論喇，雖然今次其實可以問出個答案 let me believe that impossible chemistry