極冷

極冷

我手寫我心 乜都可以寫

三行情詩

與妳一起

又到咗情人節特別節目——與妳一起寫三行情詩 噉都係要創新下嘅，因為如果今次同上次一樣，噉今次就唔係今次啦 所以今年試下用粵語嚟創作 以上廢話可以忽略，正文喺下邊： Craig Chaquico - Somebody To Love 您嘅瀏覽器唔支持audio元素，請換第個試試. > 靈肉交融夢與想 期盼每清晨之陽 驅散黑暗和冰涼 （如果畀你哋估到，噉當我輸~反正我敢講你哋撳入嚟之前都唔知呢篇係乜嘢，所以呢首應該都一樣唔知道係寫乜嘢（自信爆棚如我 好事發生
1 min read
隨筆

十下十下就十年

冇諗到噉就十年了，當然我冇睇咁耐，大概15定16年先開始睇。十週年快樂！ 有賀歲片嘅味道，而且對近年嘅時事有抽水，好有港產味 > 希望大家支持 我們會努力改進 不停改 出更多新片 更多香港原創 只為香港原創 豪少好嘢！同其他channel共同拍攝，真係同年前講嘅一樣，出錢出力，邊個演員好就用邊個，只求做到更好，嗰團火又旺盛起身了 呢條片其實講緊熊仔頭呢十年嘅拍片經歷：從曾經嘅熱門變到而家出嘅片連排第幾都唔知；眼見其他channel好快地出片，以為快就work，但事實上就跟咗人哋嘅節奏，質量都變得冇咁好；而且都照出，因為唔盡力就更有藉口話自己唔得；大家係一個team，始終支持同鼓舞； 「冇人話你唔得，係你自己話自己唔得，......萬一你真係得呢？」，實在冇第句，但其實都唔需要第二句，呢個就係最好嘅信條； 「我知你得嘅，你係未得返啫」，其實個個都會有低落潮，最緊要嘅係，嘗試過，知道真係唔work嘅時候，再做返自己都會有突破； 最後嘅彩蛋「十下十下就十年」，差啲冇睇到 fh繼續加油啦！期待更多嘅高質片
1 min read
拓荒

拓荒隊。。

今晚睇到繼快艇之後同鵜鶘嘅交易，to be honest，呢一日其實唔係冇諗過，亦都唔係嚟得太快，而只係單純感到傷感，呢一班人，一齊喺同一支隊比賽，係好難得嘅緣份，咁多年一直睇住佢冇變嘅雙槍，永遠畀人睇死，但都會有衝到西決嘅耀眼表現。不斷嘅加盟同球員交易，其實，真係好團結，氣氛好好。好多之前嘅球員再遇到都會互相示意擁抱，講真，呢支球隊唔係有幾勁，唔係邊個球星幾勁，而係佢嘅氛圍我好中意 記憶最深嘅，係Hood受傷之後被交易到速龍，都會返黎波特蘭睇季後賽 更加忘不了主場瘋狂嘅球迷吶喊助威聲 好多面孔嚟咗又走，每一個出過力嘅人，都印象深刻，有啲可能去咗第個隊，甚至已經退役，但都祝福佢哋之後會更加順利 小球市，係噉嘅啦，希望大家都去到想去嘅地方，下一步應該就係送走Lillard了 交易係要嘅，但蝕本成噉。。就心碎。。簡直嘔血，甚至心死。。做好單換威少嘅準備。。。
1 min read
粵語

google & 粵語！

註：以下內容轉自粵拼輸入法用户交流組 [https://t.me/rime_cantonese]。幫手推廣粵語，謝謝！ 各位rc用戶大家好。相信大家都用過Google嘅功能，唔多唔少都會發現佢對粵語文支援有各種不足之處。 而家有個好消息話畀大家聽。粵語工作組成員現已介入Google嘅粵語事項，可大幅度修正Google喺粵語方面嘅各種問題。 目前Google已計劃全盤重整Gboard中粵語輸入架構，料重整後Gboard會直接使用我方語文材料。 現時工作組鼓勵各群友積極提出 in app feedback、community 及公眾 forum 作用戶需求基礎，此事喺嚟緊兩個禮拜至關重要。 例如：要求Gboard / Google Input Tool默認粵語嘅拼音以Jyutping為首選、改正語音識別用咗普通话（cmn）嘅錯誤、Google翻譯遲遲未出粵語等等各類問題，請於近期喺各設備、各Google account、各Google apps中盡數提出，以便工作組及Google團隊為大家實現。 如果係in app feedback嘅話，請喺相關嘅app反映相關事項，亦請喺寫fee
6 min read
週報~月刊

2022年1月下刊

建立日常幸福感；HEX can modulate aggression in humans in a sex-specific way；Congress Is Still Nowhere Near Reining In Tech；白桦；中國購買影響力操控Facebook同Twitter；傳統媒體已死了嗎；鄭州瞞報死亡失蹤；野夫；高校學生抗議；為什麼中國堅持清零；周有光；周立齊；被卡關嘅法案；Basic income & willingness to work；黃霑；獨立不合羣其實也可以；余秀華；佳能停產員工補償；
17 min read
廣東隊

醜陋嘅比賽

睇咗會激死人。。 大韓唔知為乜咁燥火，直接過嚟喐手；被激怒嘅後，威姆斯都控制唔到自己，跟住雙方都被奪權，呢度嘅判罰都算可以，而且出現第一次禁聲，呢個可能要屏蔽一啲粗口，都算了 但主場球迷真係素質超低，搞到信號轉播提供商要多次禁聲，就感覺信號好鬼業餘，唔可以控制聲道，播放裁判嘅聲and球場嘅聲而只屏蔽現場球迷嘅聲音咩？一刀切晒所有聲音。。聽鬼聽馬，連裁判講乜鬼都唔知，只能靠手勢大概判斷 0:00/1× and裁判偏得十分無語。。軒仔第一個違體係前邊吹嘅，大家睇睇合唔合理 0:00/1× 我已經唔想講嘢，跟住大韓同威姆斯一換一之後。。我其實仲覺得有得打嘅，跟住軒仔就又被吹咗一個違體，話佢有墊腳嫌疑，大佬，對面係射三分，跟住落地前後腳踩喺三分線內喎。。不過本來國際籃聯就唔會理你係咪有意or唔小心，所以呢個吹罰都唔算離譜，但前邊呢個？ 打手唔吹，吹反搶違體犯規，只能呵呵了，你睇錄像唔睇前邊嘅，只睇自己吹嘅動作嘅，叻仔主場哨 賽後嘅球迷傻仔種族歧視更加冇嘢講，宇宙球隊球迷，犀利到爆炸，到時攞唔到冠軍咪喊！咪鬧對面球員，
2 min read
拓荒

重燃希望嘅賽季

拓荒呢個渣渣隊就係賤格，喺人覺得最失望嘅時候又畀人希望 Lillard因為腹傷唔知又要唞幾耐，而今日喺主場對陣Young帶領嘅同係殘陣嘅鷹隊，本來以為會被打花，點知一睇比分，哇，真係估你唔到。半場仲領先住，跟住就睇直播了，成功捍衞主場！ Simons表現非常亮眼，佢仲係一把槍，拓荒咁多年嘅培養係值得嘅，43分，破咗自己嘅單場得分紀錄，16中9嘅三分波，之前仲以為係佢偷咗戴錶佬嘅錶，跟住先知佢grandpa因為cancer前一晚離世，相信grandpa在天之靈會保佑你，great job！ Little表現都好出色！ Powell一如既往地穩定！ Nurkic檢疫時間過咗，重新上場，今晚打得都好硬！ 其他球員都打得好！今日係屬於團隊嘅勝利！ 新年開門紅，Let's go, Portland!
1 min read
演講

選擇

PS一個下午寫出嚟嘅演講稿，自我感覺都還好 前邊嘅自我介紹就唔copy過嚟了，主要係講咗自己名嘅來歷and家鄉嘅特點 大家好，今晚我要演講嘅題目係〈選擇〉 人生充滿住選擇，以我哋作為例子，喺我哋高考結束後嘅兩三個星期，高考放榜，知道咗自己嘅分數後，用好幾日嘅時間瞭解相關嘅信息同諮詢，選擇自己想去嘅學校，選擇自己想讀嘅專業；讀本科最後一年嘅時候，我哋又面臨人生另一個重大嘅抉擇，係保研、考研、出校就業定係創業呢？甚至乎我哋再諗長遠啲，當科技發展得非常發達嘅時候，我哋可能要選擇一個真實嘅定係人工智能嘅伴侶，等等。而更為人所知嘅選擇包括斯諾登喺得知美國政府大規模監視網絡通信嘅棱鏡計畫之後是否要冒險向媒體揭露真相；魯迅喺日本留學時讀嘅係醫學，但佢意識到醫學救唔到中國人，是否要繼續讀醫定係棄醫從文；NBA球星阿爾得列治身體健康狀態唔係幾好，係退役定係繼續喺球場上追逐自己嘅夢想。以上所講都係產生好結果嘅選擇，而歷史上都有導致唔好結果嘅選擇。如美國前總統布殊發動阿富汗戰爭，使到阿富汗深陷戰爭嘅泥潭，戰火連連；毛澤東喺錯誤判斷國內形勢嘅時候，發動文化大革命，使到國家的政治和經濟建設倒退咗好多好多，
4 min read
隨筆

2022年同大家say個嗨

早晨！ 2021年過去了，welcome to 2022! 於我，2021年只係2020年所有不幸嘅延續，我仲部分活喺2019年。大家應該都唔會忘記點樣先係相對好嘅、比較正常嘅生活 雖然一切早已知道，但睇住佢發生，嗰種難過同無力感又好真實，好難以抵擋。自己仲係會間中萌發一啲不切實際嘅希望，等自己暫時麻木，我仲係未完全ready好要點面對 但我睇得好清楚，只不過係活在當下而又不斷逃避，始終唔覺得呢個世界係真實嘅；黑夜雖然黑，但比唔上呢個世界咁黑暗 噉是否會變得更好？ 好遺憾我冇辦法保證到。而且我個人唔樂觀，唔變得更差就已經謝天謝地了。喺噉嘅大環境下，個人揾到自己嘅目標同方向，生存落去嘅同時對自己、對身邊嘅人好啲，就已經好掂喇 so，今朝起身食個靚嘅早餐，飲杯咖啡，準備睇拓荒嘅比賽；從屋企人、朋友身上接受到嘅温暖中振作起身，人生路漫漫，總該繼續往前行 One Two - Me and You.mp3: 您嘅瀏覽器唔支持audio元素，請換第個試試.
2 min read
廣東隊

廣東隊！

隔咗好耐，第二階段終於開始 有廣東隊嘅夜晚，啱晒，正！ 周隊嘅三分真係關鍵，不過今日其他外線點真係鐵。。聯哥防守大閘，搶板痴漢，仲係咁勁；不過進攻已經變差，係噉了，年齡變大，真係歲月不饒人，杜鋒嘅白髮都變多咗 威姆斯今個賽季第一次出場，唔知係因為太耐未打定係年紀又大咗，我覺得係有下降嘅，不過關鍵時候仲係咁掂，不愧係連冠御用外援之一，希望馬尚都快啲痊癒！ 其實今年廣東嘅陣容真係幾難搞，第一階段戰績唔錯都有少少運氣同埋球隊執行力高嘅原因，不過今日再睇，真係好明顯，好多隱患：like年齡（聯哥，周隊，威姆斯）、旺仔嘅三分、年輕人嘅穩定性等等 從十幾廿分追到兩分，再被拉開，起起落落。不過每個階段嘅第一場都幾難打，希望後邊揾返狀態啦，再差都唔會差過拓荒嘅戰績（希望唔係毒奶，而且應該唔會有咁勁嘅毒奶
1 min read
隨筆

教育部：「近八成中小学生睡眠时间达9小时」

畀佢哋一年時間，噢講錯，都唔使一年，就可以改變一切！ 今年三月發佈嘅藍皮書話「有95.5%的小学生每天睡眠不足10小时，平均为8.7小时；有90.8%的初中生每天睡眠不足9小时，平均为7.6小时；有84.1%的高中生每天睡眠不足8小时，平均为7.2小时」 而最近嘅發佈會話「7714万份家长无记名问卷反映，秋季学期有76.2%的学生睡眠时长达到或接近“小学10小时、初中9小时”的规定要求」 真係犀利，而家就有個問題喇，應該信乜嘢呢？藍皮書係中科院發嘅，而發佈會係教育部開嘅。可以得出一個結論——專業事都係留畀專業人做啦，教育部發問卷到學校叫家長填，呢種方式明顯就唔科學 我之前都講過，白紙黑字嘅問題 [https://blog.independentlyreview.com/interesting-news-21-11-16/] ，只不過係開玩笑。其實都唔關事，呢個結果明顯好假，一樣上晒新聞，問題唔在於真與假，而只係在於係咪佢哋想講嘅嘢，
3 min read
隨筆

「 百万港人」？

快评：百万港人用实际行动粉碎谎言与污蔑-新华网 快评：百万港人用实际行动粉碎谎言与污蔑---据香港特区政府实时更新的数字，截至北京时间19日17时30分，超过100万选民参加了香港特别行政区第七届立法会选举投票。百万港人用实际行动粉碎了一些外部势力针对选举的谎言与污蔑，表明了真正的人心所向。 [http://www.news.cn/2021-12/19/c_1128179336.htm]唔建議點入去睇！建議唔好打開上邊嘅link，睇睇標題就好 what's the truth? 首先睇睇數據先，130萬好似好多喎，噉投票率幾多啊？咩話？得三成？點解大量下降嘅？而且係喺港區政府話鼓勵他人唔投票，投白票、廢票係違法嘅情況下！ 你可以聽行政長官話「有説投票率低，或因政府做得好」，我只笑笑不説話，理由見下圖 而且呢，上邊條link話「投白票、投废票，在美国法律中属于刑事犯罪」，但事實上，嗰四個人係涉及投多張票以及冒用他人身份投票而被起訴，事實都唔啱，點説服人！
2 min read
影視

バトル・ロワイアル（大逃殺）

Warning: 15歲以下觀眾禁止觀賞 有朋友話呢部係比《魷魚遊戲》更好睇嘅同類型作品，我自己就冇辦法噉樣評價喇，因為我自己冇睇《魷魚遊戲》，無從比較 呢齣戲最大嘅特色唔係血腥同恐怖（要睇嘅朋友咪話我冇提醒，不過我覺得應該還好？唔算太恐怖同血腥，已經算係儘量避免咗嗰啲好血腥殘忍嘅鏡頭），而係入邊對人性嘅刻畫 以下內容會透露劇情，請注意 點擊後展開（warn again: 會有劇透） 故事一開始介紹咗背景，21世紀初，日本經濟衰退，失業率超15%，青年學生亦不滿校園制度，犯罪率攀升。成年人與少年嘅矛盾日益激化，而成年人出於不信任同害怕，通過咗教育改革法（簡稱BR法），即係每年從全國四萬幾個班中揀一個班去到一個荒島上邊，三日時間最多只能活一個人出嚟【至於點解要噉做，後邊會講到。我當時真係感覺好奇怪，真莫名奇妙，好似就為咗設而設，『國將亡，必多制』，一年只抽一個班，就算要恐嚇效果都一般，所以我覺得只係一種報復——無能嘅成年人對於唔聽話嘅學生嘅報復，唔去解決問題嘅根源而去搞能力較弱嘅人】 男主七原秋也嘅媽媽喺佢小四嘅時候離家出走，爸爸喺佢國中開學嘅時候上吊自殺，留低「秋也
18 min read
拓荒

令人失望嘅一個賽季

雖然先打咗二十幾場，但基本上唔指望可以打入季後賽了 唔知打乜春，真係畀晒機會都唔要 自己攞嚟衰，好睇唔睇睇拓荒打比賽，六連敗嚕 Charles Barkley表示：“开拓者必须要把队拆了。他们得从头再来，他们短时间内不会有起色了。” 見到好多人講主教練Billups幾差幾差，我都係覺得比之前嘅Stotts要好 噉問題究竟出喺邊度？ 1.主力變垃圾、又有傷病，Lillard今年嘅狀態一瀉千里，可能係受到腹部傷勢嘅影響同埋休息時間太少，McCollum又受傷 2.鋒線太矮，防守差，變成對方嘅「提分機」（其實今年嘅防守態度同效率係有提高，主要問題係習慣唔好，太容易走神同容易被個波吸引咗） 3.始終都係少咗個組織手，尤其係Lillard唔打嘅時候，進攻手段單一而又容易亂，得分太唔穩定 4.小球市，吸引唔到人加盟，除非開好高嘅價錢，但目前嘅球隊老闆對此無興趣，而且都冇前途，陣容結構賬面還算好睇，但實際好畸形，跛腳，太仰賴球星嘅得分能力，其他點嘅自主得分比較差（今年喺Lillard狀態變差嘅情況下，Powell就係最大同最穩定嘅球員，抱大腿就要揾噉嘅人） 失望……
2 min read
隨筆

黑天鵝？

今日嘅天氣質量超差，而且冇太陽，所以直接儘量少地喺出邊 睇返相，好奇點解黑天鵝效應係叫黑天鵝，而唔係其他 wikipedia [https://zh.wikipedia.org/wiki/%E9%BB%91%E5%A4%A9%E9%B5%9D%E6%95%88%E6%87%89] 話：「在18世紀歐洲人發現澳洲之前，由於他們所見過的天鵝都是白色的，所以在當時歐洲人眼中，天鵝只有白色的品種。直到歐洲人發現了澳洲，看到當地的黑天鵝 [https://zh.wikipedia.org/wiki/%E9%BB%91%E5%A4%A9%E9%B5%9D] 後，人們認識天鵝的視野才打開，
1 min read