實時28攝氏度，連續成個星期嘅大太陽 日常中午曬一曬，走一走，好舒服，特別琴晚打咗差唔多三個鐘嘅波，成身都有啲酸，曬到好似要昇華嘅感覺，太正了，不過，如果曬得耐嘅話可能就會係另一種感覺 下午繼續update四月下刊，預計6點publish

有效期：從2022-04-23開始，月刊分享嘅牆內文章 因為有時返睇月刊/週報之後先發現有啲分享嘅文章已經消失咗 因此決定將分享到嘅牆內網頁做好Archive，呢度用嘅係Wikipedia同款備份網站：Ghostarchive（唔知算唔算免費打廣告 Ghostarchive, a website archive [https://ghostarchive.org/]（驚就驚以後會被牆封鎖 例如四月下刊分享嘅一篇文章 某市1072家疫情保供企业大数据分析暨颁奖典礼 我分析了1072家某市的疫情生活物资保障企业信息，包括注册资金、实缴资金、参保人数、注册时间、行政惩罚等，选出了最“优秀”的一批企业微信公众平台任易 [https://mp.weixin.qq.com/s/2QdJhPA7m8HE46NXfSARig] 如果到時404了，就click上邊嘅archive網站，輸入404網頁嘅嗰個網址search for site，就可以睇到，即 某市1072家疫情保供企业大数据分析暨颁奖典礼 | GhostarchiveGhostarchive [https://ghost

因為打算幫blog整個搜尋功能，而最簡單且唔佔服務器資源嘅就係通過搜索引擎嚟搜尋 但試咗好幾個引擎，bing，duckduckgo，google等等，只有google比較好用，而大陸又有牆。因此諗住整個鏡像or反向代理嚟幫助大陸嘅讀者使用 鏡像就放棄咗，因為通過cloudflare workers整嘅鏡像有時會有異常流量檢測 Earth Day 2022Earth Day 2022 #GoogleDoodle [https://google.4mirror.workers.dev/] cloudflare workers鏡像google有時會噉樣從而用唔到 因此就用自己嘅服務器整咗個反向代理，but，唔記得整好防火牆，搞到有其他人大量使用，偷走咗我好多流量…… 好在一個禮拜之後及時發現。。設置好防火牆（而家要有關鍵詞site:blog.independentlyreview.com先可以搜索，遲啲流量用晒嘅話，就要畀錢買流量了……好彩好彩 （本來係有一個網址，but……） 可以試下，近日整好個設計之後應該就可以正式上線搜尋功能喇！ update: 先發現都係唔得，都係會話

轉載自香港軍事台（不務正業） 哈哈哈，笑到肚痛，可以先睇睇最近另一位領導人金正恩嘅監督導彈發射嘅視頻，都好搞笑（有一説一，雖然唔知NG咗幾次，但確實有演員潛質hhh 0:00/1× 0:00/1×

清明節，諗起兩個仙逝嘅人，都係女性，一個我阿太，一個我太婆 咁大個，覺得自己都幾幸運，自記事以嚟最親近嘅人離開人世嘅應該只有呢兩位，其他比較親嘅人仲喺身邊，比較lucky，希望大家都健健康康、平平安安 （要講我係從邊個moment開始記得嘢，大概就係媽咪教我「我」，「你」，「他/她」開始，而家諗落都幾神奇，好似一早就有呢個概念，只係嗰陣學識究竟點叫先啱 阿太走嗰陣，我仲比較細，唔知道乜嘢係死亡，只發覺有一排冇喺經過舊屋嘅時候見到佢，後尾先知道再都冇得喺嗰度見返佢。唔知點解呢，自己自記事以後冇點同佢相處（因為我哋後邊搬咗過去新屋住），但平時會打招呼，佢畀我嘅感覺係好温柔同埋好尊敬（嗰種雖然比較老，但睇到會覺得佢係一個好獨立好有自尊嘅女性 至於我太婆，就係到中考前幾個月因為意外跌倒跟住後邊走咗，離開人世當中最親嘅，而家仲記得喺香港住、喺呢邊探佢嘅場景 嗰晚知道咗太婆走之後，心情好差，第二日落雷暴雨，落課嘅時候喺窗邊睇住閃電就好似要當面闢落嚟，我唔感覺驚，只係好難過，好難接受到呢個事實。明明幾個星期之前探佢嗰陣仲好地地，點解一下子就……雨水同心入邊嘅淚水，分唔清邊個打邊個

part2 完結，邊個會諗到，一個最終季竟然要繼續分parts，2023年可以最後完結了嗎？ 之前就講過要延期一兩個禮拜，結果而家，直接到下一年……其實都好嘅，可以畀時間去再好好製作結局篇，都畀漫畫黨再一次睇返原作 而part2嘅最後呢集延咗一個禮拜，質素確實好正。今集講嘅係地鳴發動、救世小隊坐上船之後Mikasa同Eren嘅內心戲，都等咗好耐，因為第四季好少有提到，所以今集應該當補數 其實Mikasa都知道，Eren一直都係噉。所以呢個問題嘅答案佢自己都知道——改變唔到Eren發動地鳴，不過可以向Eren清楚地表達自己嘅心意，可能唔使等自己如今咁遺憾 比較反人類嘅想法，唔講現實係點，就放喺巨人嘅世界入邊都係偏激且有其他路徑。不過Eren有噉嘅諗法都係因為睇到咗外邊世界嘅惡意而失望導致，但就好似上集噉，其實大家都未坐低落嚟好好傾一傾，就去破帕島嘅牆；未試過釋放帕島嘅善意，就決定發動地鳴（諫山 創真係幾中意對稱） 而呢啲惡意唔係佢哋有幾衰，只係佢哋嘅教育同觀念問題，大家都係人；帕島上嘅人都一樣，喺帝國主義統治下嘅人好多都想消滅島外嘅人。交流，就有機會終結復仇（即管喺巨人世

感覺都幾耐冇玩過愚人節，所以今年就玩翻鋪 愛情故事（粵語）國語版link 提示：本小説內容純粹虛構，如有雷同，可能係巧合。 「如果有得畀你重新再嚟過，你會唔會做出唔同嘅選擇？」 「我覺得你可以試下嘅。」 「我問緊你喎，又關我事？」 「emm……如果，時間可以倒流，都係冇得同紫霞一齊……」「星期五夜晚十點差一刻，準備收工！」賈正望咗下時間，默默諗緊週末做乜好。又周圍睇睇，身邊嘅同事都仲忙碌緊，個個都對住自己部電腦，冇人知道佢喺度偷雞。見到呢個場景，腦海中浮現出噉嘅畫面：一個成身都由電腦液晶顯示器組成嘅怪獸捉住嗰啲望住顯示器痴迷嘅人，將佢哋吞入口中，連口入邊都係顯示器，所以啲人心甘情願地消失喺一片光亮之中，一個接住一個…… 十點了，被電腦怪獸吞噬嘅同事們…極冷2cold [https://blog.independentlyreview.com/oi-cing-gu-si/] 至於小説幾時寫完，我都唔知喇，都係嗰句，順其自然，我唔急，佢唔急，可能都想展現到一個自己比較滿意嘅結果

間中放縱自己，今次個理由應該都幾充足？確定咗自己未來三年嘅去向 不過都係時候收喇，過埋今日之後 畢竟冇可能日日都噉過㗎

Russia says first phase of Ukraine operation mostly complete, focus now on DonbassRussia’s defence ministry said on Friday that the first phase of its military operation in Ukraine was mostly complete and that it would focus on completely “liberating” eastern Ukraine’s Donbass region.ReutersReuters Staff [https://www.reuters.

永遠唔知道意外同明天邊個先嚟到 东航一架波音737飞机坠毁民航局已启动应急机制 [http://www.caac.gov.cn/XWZX/MHYW/202203/t20220321_212463.html]真希望有倖存者，RIP 願大家都平平安安