週報 21年51週(本年度最後一期）
Waking up right after drifting off to sleep boosts Creativity；「預防原則」；Mike Pence presidential run；習近平；氣候，南極；王錚；黃雪琴專訪；普法有罪；消失嘅美國電影；疫情偷走嘅兩年
下個禮拜六日唔得閒，所以，呢期就係最後一期了，出年22年再見
Sofia Moutinho
amazing finding，即係話，懸樑刺股係有道理嘅，喺快進入深度睡眠之前驚醒，會使自己更有創造力
呢個都係點解我更中意選擇喺深夜創作嘅原因~冇思路吊住冇進展，眼瞓閤一閤眼，醒返又會湧現詞句出嚟，當然，無論點激發創作，都要自己有功底先得。。先天條件差啲嘅話，就要試多好幾次了（就算寫到出嚟都未必滿意，慘
戴興盛
當然而家知道門檻未過，且不同意多於同意。但真係幾無語，成日見到台灣嘅朋友詬病佢哋嘅一啲環團，乜都要保護，變咗大家退返去原始社會比較可行——唔用電，就唔使燒煤用核。。
好多實際問題都係要做妥協compromise，冇可能一樣嘢只有好處而冇代價；如果有，噉估計發緊夢
賴昀
wait and see，Trump好可能會繼續參選，但我都係睇好Pence，希望佢可以順利贏下共和黨嘅支持，同民主黨嘅候選人拗手瓜。當然，都要睇睇22年嘅中期選舉會點發展先
华尔街日报
踢一下，喐一喐，畢竟唔做嘢唔會有事，做錯嘢就玩完（一唔留意斬咗佢爸爸當年親手種喺越秀公園嘅樹，就烏紗帽不保了，十幾個官員齊齊下台），所以不作為、虛報瞞報、只求自保都幾合理。。而家嘅情況，就睇邊個後台夠硬，繞過支持法律嘅中央政府，實在得意
Nytimes: Rising From the Antarctic, a Climate Alarm
老生常談，人類嘅活動嚴重影響生態，隨着觀測嘅不斷發展，呢種反饋越嚟越清晰地為人所知，呢篇就係好好嘅科普例子
普通人當然可以繼續環保綠色生活，但正如之前分享嘅不平等報告講嘅，大部分嘅排放量其實集中喺上層人身上，坐一次宇宙飛船上太空就已經頂過咗普通人一生嘅排放量，need to do more things
呢啲係真改革，真學校
如果學校只會傳授課本知識，有冇學校區別都唔大，可以自學，睇網上視頻或者上私教
好多時候大家都抱怨緊一堆人行獨木橋，確實如此，遊戲嘅規則就係噉，你要參與，就唯有加入其中。但我哋係咪需要一日廿四粒鐘、一週七天地投入呢？係咪仲有其他事情係應該去學嘅呢？諗返起之前睇起嘅被取締嘅「土校」，其實一直都唔缺乏改革嘅人，只係缺少放權
文／石玉、拉祖、秋園、雨貓、李雪莉
呢幾個月不斷聽到佢嘅新聞，今日點開嚟睇，先發覺自己好早就睇過佢寫嘅文（我真係嗰種唔點關注作者嘅讀者，從呢個角度嚟講可以話係無良心。可能喺我心目中，環境仲好好，仲有好多好嘅作者不斷寫文，所以唔使專登記住佢哋，但其實現實根本唔係噉樣
佩服同羨慕，獨立記者大量流失嘅當下，又一位被捕，除咗一如既往嘅黑暗，我睇到嘅都有希望
雖然話想要體制改變真係好難，但都睇到有一班人確實不斷地推進，哪怕只係少少嘅進步，哪怕當中有好多妥協；佢哋都有想發聲嘅想法同勇氣，只差可以幫佢哋聆聽、記錄同報道嘅人或機構，「但他最後答應了，我就問，你為什麼那時候那麼激烈地說不要，你們家人也反對，你最後還要接受採訪？他就說了句：『我們這代人老的老，死的死，聾的聾，啞的啞，如果我們不講我們真實的歷史，就不會有人知道了。』那一刻我真的是淚流滿面。」
事實上，而家又真係好難指望非獨立機構了：「我當時聯繫了所有的主流媒體，《新京報》、《北京青年報》、《新快報》、《南方都市報》⋯⋯有哪一個敢發？每一個都說：『雪琴，妳先發吧，然後我們來跟進。』」，聯繫上期嘅最後一篇，而家嘅媒體只求能夠活落去
「我其實並沒有踏得多前，只是社會退得太後，每個人退得太後。本來我們都是站在一起的，我沒有前進得很多，是後面的人往後退，顯得我前進、激進。」激流勇退係生存嘅智慧，沒有什麼諷刺或怪罪嘅意思，畢竟所有人一開始都有相同嘅夢想和追求，只不過恐懼真係會培養出嚟，大家開始會驚，提心吊膽，噉政權嘅目的就達到了，可以再聯繫好幾期之前嘅獨裁者聯盟，政權唔需要大規模，只需要以少部分突出嘅代表為目標就可以製造更大嘅恐懼。所以，無論係現在繼續堅持又或者早早退出嘅人，你哋都值得尊重同佩服，比起你哋，我可以講係乜嘢都冇做過。
期望大家終將爭取到可以自由而沒有恐懼的時代，互勉
菲菲 影子
主要都係因為驚會唔會講一啲唔應該講嘅嘢，所以一味封咗先，可以理解平台噉做嘅原因。好多都係噉
下下都預防性審查，所以空間就會越來越細。。
一起拍电影编辑部其實大家都知嘅，新冠傳染病之下已經低落咗，而家脱鈎喎，咪繼續自己同自己玩囉，不妨睇下可以造幾多票房出嚟，只係慘咗嗰啲影院經營者，仲諗住疫情冇咁犀利嘅時候啲人會出嚟睇多啲電影，結果可以放畀人睇嘅係乜東東？
可以話，從最初嗰陣女性平權就係自上而下嘅產物，所以強調嘅主要係勞動方面，但係錢畀得少；思想上女職工未克服到正常生理特點——經期同孕期——嘅羞恥感或覺得唔重要……，帶嚟比較大嘅身體傷害；最先被炒魷魚；工作至於都係要完成家庭勞動……疲累之上再更加攰
「不可否认，经济平等、妇女参加社会生产确实是男女实现平等的现实因素之一，可是当国家在场的妇女解放片面强调男女社会生产的同质化和劳动量上的均一，当男女平等以量化的形式出现，传统的尊卑、性别秩序、家庭权力结构、社会的显性隐性压力、女性面对的困境已然成为“妇女解放”话语下的灰色地带，家庭在保护女性的同时也在吞噬着女性。女性的无偿劳动被遗忘，她们成为失语的群体。“妇女只要参加社会生产事业，就能享受与男子同等的权利。”这句话的背后，无疑暗含着只有参加劳动，才能获得权利。当某一群体的权利有了附加条件，真正的平等和解放还有多远？
《2020全球性别差距报告》显示，彻底消除性别差距还需要99.5年。回望那场轰轰烈烈的妇女解放运动，以参加社会主义建设、补充劳动力为重要任务的妇女解放改变了妇女的地位，可是没能真正实现男女平等，国家希望通过均质化的经济平权来实现男女平等的初衷也最终没能如愿。激进的、乌托邦的美好愿望让妇女们获得外出工作机会的同时，也给她们带来了持久的伤害。大时代下的女性没有太多的选择空间，只能在力所能及的范围内小心翼翼地尝试突破社会性别结构之下的秩序，改变自己的地位。那一代人的实践给今天的我们留下了丰富的经验和教训，六十年前的妇女解放也与当下的男女平权发生了意味深长的互动和对话。」
所以答案係乜嘢？我認為係要從我哋開始，自下而上地爭取，去讓更多嘅人瞭解乜嘢係真正嘅女性主義，女性應該有乜嘢權利而現在係缺少甚至缺失的，去同公權力協商呼籲，等等……只不過，喺現在嘅大環境底下，公權力不作為就已經好好了，現實係不斷地阻攔同污名化，甚至拉人
順帶一提，入邊有講到一個數據，大躍進嘅時候付出嘅代價包括工作時間嘅提高：「1958-1959年，妇女的平均工作日由1957年的166天提高到250天，相当于男劳力的3/4」，換算到男性就係一年要工作91%嘅時間，一週不足一休……可想而知當時有幾咁癲
周荣旺 张鑫明新冠傳染病大流行下嘅呢兩年大家過得都好唔容易，一波又一波嘅爆發同新變種帶嚟疲倦感，打破咗好多原有嘅計劃，甚至前功盡廢。
我哋冇辦法預知未來，但活着就係希望，被擱置未做嘅事情仲有時間同機會去做，人生可能要不斷妥協，都要記得係有無限嘅可能性
噉我哋一於相約2022年啦，願你新嘅一年，好天多多，開心事常有，唔順心嘅事快快離開
評論留言区