Dopesick 成癮劑量

well，其實係有時間睇電視劇嘅。。所以tag嘅名都從電影改成咗影視

呢部電視劇改編自非小説書，即真人真事改編，講嘅係關於普渡製藥生產嘅鎮痛類產品奧施康定 (OxyContin)，靠矇騙唔會上癮嚟大賣，結果令到好多人上癮，家破人亡嘅事

偏一下題，國外拍起自家嘅污點係拿手，而且中意拍，因為觀眾都中意睇，呢個係基於政府係人民監督嘅對象，做得唔啱就要鬧就要負責所以先拍得到

電視劇主要分三條線：

       礦山小鎮嘅故事，嗰度嘅人以挖煤挖礦為生，環境惡劣，好易工傷，嗰度嘅醫生Dr. Samuel Finnix就好似開OxyContin畀佢嘅病人，初時係想啲病人無咁痛，試下新藥點；反饋幾好，所以就鋪開使用。但一位年輕病人Betsy Mallum喺藥效冇咗嘅時候（聲稱12個鐘，但唔夠）越食越多，結果上癮，係所有上癮嘅人嘅縮影，佢哋初初可能只係為咗紓解疼痛而被自己嘅醫生開OxyContin
       呢個環境嘅選擇幾好，噉嘅小鎮從來都係被遺忘嘅地方，經濟單一而落後，連醫生都少，要自願過去先至有。跟住再對比OxyContin呢種藥咁犀利，可以解決佢哋嘅痛又唔會似其他阿片類藥物噉上癮，簡直神藥，受害者最多嘅都係呢啲地方，喺劇入邊醫生自己都上咗癮，最後佢哋冇藥可食嘅時候只能返去注射大麻，Betsy就係喺有希望擺脱嘅時候為咗紀念最後一次注射過量而死，真仆街，邊個嚟負責？

       另一條線就係普渡製藥嘅Sackler家族內鬥。Richard Sackler為咗上位，喺明知藥效冇12個鍾且會令人上癮嘅情況下推出咗OxyContin，同食品藥物監管局嘅頭交易：攞到嗰個欺騙性嘅特殊便籤（等人（包括專業醫生）以為OxyContin係唔容易上癮嘅阿片類藥物），而個頭辭職之後就去普渡做嘢。要命嘅係呢個係常態，我哋點樣指望一個人會公正地監管自己嘅未來東家呢？
       未完，佢哋特登將反應曲線嘅座標換成對數，使醫生以為佢唔會引起太大嘅波動，以為唔會上癮。請人去推銷，一對一精準出擊，知道醫生嘅喜好，且用藥量越多賺嘅錢越多！
       plus，佢哋贊助機構去宣傳痛覺都係一種人體嘅普遍問題，需要解決，定製嘅痛覺評估表入侵到各個醫院，令醫生開更多嘅OxyContin。更離譜嘅係話可以個性化開藥！講乜嘢呢隻藥對唔同人嘅紓解痛覺嘅能力唔同。。所以醫生就唔再從10mg開始，而係想幾多就幾多開始！！bullshit

       第三條線出嚟了，答案就係獨立檢察官們同缉毒署官員Bridget Meyer。佢哋憑自己嘅良知去工作，調查普渡欺騙世人嘅證據，最終迫使普渡公司罰巨款，而冇任何嘅刑事罪責，而且可以繼續賣藥。幾十萬人嘅生命同家庭毀滅咗嘅結果就只有噉樣。儘管係噉樣，佢哋比觀影者更難受，佢哋係最想讓Sackler負上責任嘅人，失敗嗎？目標確實失敗，直到今時今日，Sackler家族依然冇人對此負責。但呢個係第一步，至少唔可以畀佢再害人，畀世人知道阿片類藥物要加強監管

三條線同時進行，令到情節發展較緊湊，中意呢類題材嘅可以睇睇~