Thirteen Lives 十三條命

改編自真實事件嘅電影，詳見 wiki 睡美人洞救援行動，作為我自己 2022年嘅 觀影收尾電影

Thirteen Lives - Wikipedia

Wikimedia Foundation, Inc.Contributors to Wikimedia projects

泰國雨季嘅提前，令到入睡美人洞遊玩嘅少年足球隊成員及其領隊被大量湧入嘅雨水困住——啲水多到人只可以游水入去

事件好快引起全世界嘅關注，好多來自唔同國家嘅相關專業人士同志願者齊聚睡美人洞，希望拯救十二名少年及足球領隊嘅生命。同喺一個地球，共情所有嘅災難，感覺真係幾理想

印象比較深嘅有喺鄰國趕過嚟嘅水利工程師，喺初步瞭解情況之後，馬上意識到要堵塞山上嘅入水洞並將水引到其他地方，否則大量雨水湧入山內，受困嘅人會俾浸死。但由於佢唔係當地人，唔熟悉呢座山，所以揾到一位住喺附近對呢座山好熟嘅老人家。老人第一句係問佢係咪泰國政府嘅人，聽到回答同埋睇到工程師嘅真誠同人命關天，佢答應幫手
熟悉泰國嘅朋友應該知道，泰國嘅政局相當唔穩定，雖然表面上都係民主制度，但軍事政變時不時就會發生，且泰王就係皇帝噉，鬧一句都係犯法，所以人民對政府冇好感都好正常，呢個都係點解老人第一句係問呢個問題

而有一日，引流嘅水管唔夠用，前邊提到嘅老人家立即就地取材，斬竹嚟做水管，quite good，工業產物水管同自然產物竹管嘅結合，先係所有嘅知識同技術嘅意義——我哋離唔開嘅，其實係我哋嘅地球，我哋嘅大自然

到後邊因為雨水只能引到農民種植作物嘅田，喺唔知有冇希望嘅情況下，多位農民為咗受困嘅細路多一啲生存嘅希望，作出犧牲，願意犧牲自己嘅農田。呢個畫面我都好中意，因為即使人命關天，民主制度下都係要協商要同意先可以做，所謂嘅「私有財產權」就係噉嘅道理，當然啦，事情結束之後政府有作出補償，都算係皆大歡喜

另一個唔可以唔提嘅就係各地嚟嘅志願洞穴救援人員，佢哋放棄自己同仔女父母相處陪伴嘅時間、放棄工作或假期，甚至係同父親最後嘅相處時間，用自己嘅技能去拯救生命，真係英雄，而且電影中都講到好現實嘅問題：「當救出一個、兩個、三個人嘅時候，會被羣眾、媒體稱做英雄，而且期待救出更多，但如果有人死咗，指責謾罵就會蜂擁而嚟」，救援人員所承受嘅壓力超乎其他人嘅想象，正如有報道所講，一年之後，仲會有搜救人員有陰影
而且佢哋採取嘅方法係先麻醉要拯救嘅人，然後將佢哋當作貨物噉潛水出洞；非常規但好有用，因為電影喺前邊嘅情節中有舖墊：即使係成年人，潛水嘅距離唔算遠，但都好難令其冷靜，喺清醒嘅情況下根本冇可能可以潛四五個鍾跟住平安出嚟
so，有時候係要瘋狂少少，睇似只能睇住受困者等死，但換個角度暫時將佢哋「非人化，就有生機

十三個人喺洞穴入邊九日仲生還，真係一個奇蹟，除咗帶咗一啲食物之外，就只靠領隊嘅安撫同教導求生技能，真係好關鍵，所以識得求生知識都好緊要，話唔定可以救自己命（當然最好係冇用到嘅時候

揀日不如撞日，一於而家去學下，要更深入地學就要睇書同自己去實踐

很多人認為仙人掌裡面有水，但其實仙人掌裡有有毒的氫氧化鈉，所以喝下去可能會死亡，沙漠中的水源通常在地底下不太深的地方。

都幾有用，就噉

生命不息，就有希望；所有嘅意義都係自己創造嘅，只要你睇到機會，就大膽去捉住喇