因為發現噉樣寫落去，恐怕講拓荒嘅頻率遠超其他話題，所以都係轉去post到專欄更新好啲 四連勝，暫時聯盟第一~ 2022-2023 拓荒2022-10-27 主場迎戰熱火 coming soon 2022-10-25 主場迎戰金塊，下半場一波流反超拉開比分 對陣打贏咗勇士嘅金塊，確實唔係幾好打，上半場落後 不過喺主場嘅加持之下，下半場 Simons 開始展示佢作為拓荒 one of double guns 嘅威力，第三節單節 22 分將比分反超！太癲 呢個賽季真係好令我期待！多點得分，都咁有衝勁同拼勁：Lillard、Grant、Hart、Nurkic、Little、Sharpe（Simons 前邊提過就唔講喇）！尤其要講下我之前講嘅下盤唔係幾穩嘅高佬替補 Drew Eubanks，今日表現都好好，有護框有封蓋，尤…極冷2cold

其實仲有Nancy嘅，不過見佢好幾個block，表現唔錯就唔講了hhh 不過真係冇諗到tank隊可以僵持三節時間，最後一節打唔過了 輸波就意料之中了，結束之後主場慶祝CJ勝利，希望佢喺鵜鶘打入季後賽，有個好成績啦！ 賽後同Lillard擁抱嘅畫面一下過咗，冇截到，之後補

【玫瑰花园-翻译】CJ-麦科勒姆亲笔：致亲爱的波特兰 - 虎扑社区 亲爱的波特兰，你知道我是怎么知道这个消息是真的吗？不是被woj的消息轰炸的，也不是shams。我没有被亲朋好友的100多条短信吓醒虎扑社区 [https://bbs.hupu.com/49410131.html] 離開之後仍然有情，講真，CJ都點醒咗我：「也许我们没有达到我们的最终目标。这就是篮球。这就是生活。但该死的，如果我们没有尝试的话，怎么知道我们行不行呢？是吧，珍妮弗。」 唔止一次講過，呢支球隊從來都係唔被睇好。其實同人一樣，未打出嚟嗰陣，個個都覺得你唔得，但唔繼續嘅話，又點知真係得or唔得呢 雖然離開，但其實都係未；Portland永遠係你哋嘅屋企，welcome back！祝一切安好，待到重逢時給彼此最好嘅狀態同表現，再敍兄弟情 [楼工团] 混剪——致亲爱的CJ·麦科勒姆 - 虎扑社区 2013年玫瑰花园——2022年摩达中心这段闪烁流火的时光那些粗糙而光明的梦归于回忆向告别飞驰，

今晚睇到繼快艇之後同鵜鶘嘅交易，to be honest，呢一日其實唔係冇諗過，亦都唔係嚟得太快，而只係單純感到傷感，呢一班人，一齊喺同一支隊比賽，係好難得嘅緣份，咁多年一直睇住佢冇變嘅雙槍，永遠畀人睇死，但都會有衝到西決嘅耀眼表現。不斷嘅加盟同球員交易，其實，真係好團結，氣氛好好。好多之前嘅球員再遇到都會互相示意擁抱，講真，呢支球隊唔係有幾勁，唔係邊個球星幾勁，而係佢嘅氛圍我好中意 記憶最深嘅，係Hood受傷之後被交易到速龍，都會返黎波特蘭睇季後賽 更加忘不了主場瘋狂嘅球迷吶喊助威聲 好多面孔嚟咗又走，每一個出過力嘅人，都印象深刻，有啲可能去咗第個隊，甚至已經退役，但都祝福佢哋之後會更加順利 小球市，係噉嘅啦，希望大家都去到想去嘅地方，下一步應該就係送走Lillard了 交易係要嘅，但蝕本成噉。。就心碎。。簡直嘔血，甚至心死。。做好單換威少嘅準備。。。

拓荒呢個渣渣隊就係賤格，喺人覺得最失望嘅時候又畀人希望 Lillard因為腹傷唔知又要唞幾耐，而今日喺主場對陣Young帶領嘅同係殘陣嘅鷹隊，本來以為會被打花，點知一睇比分，哇，真係估你唔到。半場仲領先住，跟住就睇直播了，成功捍衞主場！ Simons表現非常亮眼，佢仲係一把槍，拓荒咁多年嘅培養係值得嘅，43分，破咗自己嘅單場得分紀錄，16中9嘅三分波，之前仲以為係佢偷咗戴錶佬嘅錶，跟住先知佢grandpa因為cancer前一晚離世，相信grandpa在天之靈會保佑你，great job！ Little表現都好出色！ Powell一如既往地穩定！ Nurkic檢疫時間過咗，重新上場，今晚打得都好硬！ 其他球員都打得好！今日係屬於團隊嘅勝利！ 新年開門紅，Let's go, Portland!

雖然先打咗二十幾場，但基本上唔指望可以打入季後賽了 唔知打乜春，真係畀晒機會都唔要 自己攞嚟衰，好睇唔睇睇拓荒打比賽，六連敗嚕 Charles Barkley表示：“开拓者必须要把队拆了。他们得从头再来，他们短时间内不会有起色了。” 見到好多人講主教練Billups幾差幾差，我都係覺得比之前嘅Stotts要好 噉問題究竟出喺邊度？ 1.主力變垃圾、又有傷病，Lillard今年嘅狀態一瀉千里，可能係受到腹部傷勢嘅影響同埋休息時間太少，McCollum又受傷 2.鋒線太矮，防守差，變成對方嘅「提分機」（其實今年嘅防守態度同效率係有提高，主要問題係習慣唔好，太容易走神同容易被個波吸引咗） 3.始終都係少咗個組織手，尤其係Lillard唔打嘅時候，進攻手段單一而又容易亂，得分太唔穩定 4.小球市，吸引唔到人加盟，除非開好高嘅價錢，但目前嘅球隊老闆對此無興趣，而且都冇前途，陣容結構賬面還算好睇，但實際好畸形，跛腳，太仰賴球星嘅得分能力，其他點嘅自主得分比較差（今年喺Lillard狀態變差嘅情況下，Powell就係最大同最穩定嘅球員，抱大腿就要揾噉嘅人） 失望……