隨筆 今日香港，明日…… 分享幾則新聞 區議會選舉儘管因故障延遲到24點結束投票，投票率亦無法過三 恆生指數於12.11跌破一萬六（97年回歸時收16365點）。同時間，台股喺蔡英文政府下加權指數翻倍，歷經31年再次與港股交叉 台灣藍白合破局，總統選舉進入三腳督局面。民進黨同國民黨都爭取實現總統同埋國會過半。對於民主選舉嚟講，每一次都非常重要，無論係支持率定係投票率，都會反映出民眾嘅政治熱情同對政黨及候選人嘅態度 仲有就係女神周庭決定棄保喺加拿大讀書 好多嘢我哋都冇辦法改變，儘管如此，都係會嘗試反抗同努力，因為所有嘅希望都係因為有嘗試先會有轉機。今日嘅香港，暫時嚟講已經冇乜希望（但只係暫時），但希望嘅種子會繼續喺其他地方播種發芽，我諗，「明日……」，就要大家努力令佢唔發生！當然，都要善待自己，為咗更好嘅未來而努力
隨筆 記一次更新模塊 是噉的，因為太耐冇理過nginx，自從今年重新裝機之後都冇郁過，跟住喺nginx官網到先發現1.23嘅版本已經唔再係ml或者stable，所以又要再更新過 而頭痕嘅係，一啲module（模塊）都有更新，就用返之前寫嘅腳本嚟搞，以為冇乜問題啦，點知真係就我以為，返嚟一睇，我頂，點解我啲網站全部死晒嘅，先知安裝失敗 就開始漫長嘅排查啦，改咗啲未定義版本同插件之後，卡喺一個地方——明明已經裝咗個module，點解make嘅時候話揾唔到呢——search嚟search去，試過好多個方案，甚至諗，要唔要妥協用返舊嘅version，因為呢，有時候就係版本太新而未兼容到，但後尾都係唔制，就繼續摷啦，終於呢，可能太眼瞓想早啲收工，突然間變返醒目：點解唔睇下個官方readme呢？一睇，先知個模塊已經直接git落嚟仲未完，仲要繼續install先得 sigh...嗰一刻覺得自己前邊勁蠢，發現唔得就應該第一時間去返官網睇下係咪有咗大嘅更新……有時直接啲先係最快同最有效嘅方法囉，乜鬼搜尋引擎都冇咁高嘅優先權囉 btw，近排開始update返，相信好快大家就可以睇到月刊喇，敬請期待？
隨筆 crazy dream 聽講有人諗緊點解我唔係而家高考。於是乎日有所思夜有所夢，發咗個超神奇嘅夢……我自己起身嗰陣都覺得好癲 係噉嘅，有日醒咗之後再瞓返，唔知係咪因爲驚遲起身嘅話會誤咗上堂時間，就發咗個噉嘅夢： 夢入邊我返返去高中時代，喺宿舍瞓緊，跟住醒嘅時候發現宿舍冇晒人，就喇喇聲起身，喺衛浴度刷牙（……至於點解唔喺陽臺刷，可能怕俾人睇到）。跟住邊刷邊喺度諗：死喇，今朝要考中文，8點開考，我實趕唔切，點算好吖，不如就噉暱埋喺度算？逃避可恥但有用…… 話說喺衛浴諗東諗西嘅時候聽見宿舍門俾人打開，仲諗緊係宿管定係中文老師嘅時候，一眨眼返到去自己屋企（我自己都覺得不可思議，但發夢嗰陣又唔覺有乜問題），時間一樣係早晨，不過時間早啲，準備送細妹返學。呢度就真係完全錯亂晒，因爲我自己讀高中嗰陣，細妹都仲係就近讀書，唔使我送；而有得送都係之後嘅事。不過夢嘛，唔符合邏輯都正常。而我嗰陣突然意識到，咦，時間好似早咗，應該可以趕得切考試喇！ 跟住就醒咗，都幾神奇下 如果搵人嚟解析一下呢個夢，可以點解呢？嘗試剖析一下自己： 想物理上返返去高中時代，好明顯做唔到；但心理上係想返去嘅，
隨筆 520音樂會 係咯，冇計啦，唯有一個人聽音樂會, just wish you were here. 最觸動嘅始終都係《一生所愛》，La La Land同埋Titanic都幾正，更加驚喜嘅係《菊次郎的夏天》嘅嗰首Summer 都係覺得自己好幸運，無論結果係點，我自己都唔係乜嘢好樂觀嘅人，但我確實抱有呢個有未來嘅希望，因爲少咗不確定性，同埋既然喺我好低谷嘅時候都咁有勇氣同真誠，我自己即使一時半刻做得唔好，都往變得更加好嘅方向努力，做過努力過爭取過，就過到自己個關，以後如果冇結果，噉就專心研究時間機器囉 一齊加油啦！
隨筆 懂事？尊重？or 有主見 做咗一個思想實驗，都幾有意思 大概係噉嘅，如果有兩個細路，一人揀一樣嘢，揀好之後，其中一個後悔，想交換，如果另一個又肯，噉好唔好呢？ 如果係大嘅讓細嘅，好多時都會話懂事，但其實係犧牲自己，而且會縱慣個細嘅；因爲我自己好大個先有細妹，好多時都比較縱（而且基本上好少有嘢會爭），所以第一時間都覺得噉樣好好，實際上，其實好唔好，因爲揀嗰陣已經揀好咗，做咗決定，就唔應該話可以隨便反悔，亦都唔應該要其他人爲此付出 如果係細嘅讓大嘅，就好明顯，大家基本上都覺得唔好，因爲本身大嘅地位、權力嚟講就高啲，再有噉嘅要求，基本上等於係施壓 當然，當其時我都諗緊，如果係揀、爭嗰陣就有拗撬，噉點算好呢？即係一開始就冇辦法分好，well，太複雜，所以我都係覺得儘量唔好有咁兩難嘅問題，或者真係搞唔掂，就當一個中立評判，等佢哋講下點解特別想要呢樣而唔係另一樣嘢，等佢哋講完之後，再自己評判下究竟自己需要多啲，定係哥哥姐姐/妹妹弟弟更加想得到……實在拆唔掂嘅，就包剪揼算，下次就另一位優先，
隨筆 世界新聞自由日 今年5月3號係世界新聞自由日成立30週年…… 以笑塑造當代中國藝術家 岳敏君 | 潮流人物 | 非凡人事 | 當代中國「人在笑的時候，是最空洞的」，岳敏君是最成功的當代中國藝術家之一。岳敏君作品最為人印象深刻的，就是那個招牌式開口大笑，極度誇張。他作品是當代中國藝術主軸之一，又是拍賣會常客；以今年為例，共有17幅作品拍賣，其中一幅畫於1993年的《金魚》，成交價逾760萬港元。當代中國當代中國 如果冇新聞自由嘅話，只能用嘲笑去對抗那荒謬魔幻 但願我哋都有明辨是非嘅能力
隨筆 信念 差唔多過咗一日喇，但仲有一種俾幸運女神掟中嘅好唔真實嘅感覺，how lucky I am! 「人一定要有信念，信念可以係屋企人，可以係中意嘅人，亦可以係前途，或者係自己。而無論如何，一定要有信念。」 嗯，確實。前面嘅一段時間，陷入咗一個自己挖畀自己嘅坑。點講呢，即係雖然自己好清楚知道問題喺邊度，同埋應該要點做先可以變得更好。但另一方面，一邊覺得自己唔係咁差嗟，幻想自己仲係以前嘅自己；而又一邊知道其實係自欺欺人，跟住更加責怪同痛恨而家嘅自己；一邊想改錯而又一邊想就噉得過且過……所以，我真係唔好，甚至可以講非常差，比以前嘅低潮期跌得更深同更耐 而我何其幸運，喺咁差嘅可以用「倒地不起」嚟形容嘅狀態下，都選擇行近我，相信我可以起返身，鼓起勇氣表達願意「一起變得更好」嘅表白，所以真係好感激命運嘅安排令我哋相遇、相識、相互吸引。而我，都揾返我嘅信念，要振作起身，「不可辜負」！ 雖然仲係覺得有啲唔真實，但諗返轉頭，我都太過遲鈍，可能因為低谷期變得無咁敏感，
隨筆 活在當下 活在當下，係因為我哋唔知道，時間仲有幾多。尤其當意外好易發生嗰陣，就更加要珍惜難得嘅每一日，"live as you'll die today." 愛同陪伴，係最有力量嘅事物。因為愛，所以為咗個仔開心，去到世界各地睇唔同嘅風景，留低自己嘅足跡，影低每一個瞬間，即使家財耗盡都唔後悔；亦都因為愛，所以好有耐性地陪媽媽走過抑鬱嘅深淵，一齊去發掘呢個世界嘅美好 而好多時，愛都唔只係好好相處好融洽，亦可能係有抱怨有發脾氣同駁咀駁舌。都好合理，因為經常相處，自然就會多咗好多產生矛盾嘅事，而又因為噉，所以冇咁容易時刻關注對方嘅感受，就好易唔自覺地傷害咗對方。而道歉就顯得好重要，明白地話畀對方知自己好在乎，發咗脾氣就好喇，唔好破壞咗兩個人嘅關係。不過我自己都係儘量避免囉，因為的而且確唔想事後再補鑊，好麻煩；而且好唔想 hurt 到人，對方難過嘅時候自己都會難過 so，活在當下，珍惜每一日嘅風景同難得嘅緣分相聚，漫漫人生路，感謝你哋一直都喺度。
隨筆 「所有目的地」 有 fri 喺香港集咗幾個「所有目的地」嘅路牌，幾得意，所以就嚟睇下究竟搞邊科？ 路牌的謎思：「所有目的地」搞邊科？十幾年前，香港曾經有一塊路牌引起熱議，去到今日仲有網民間唔中拎返出嚟講嘅，就係呢塊位於中環干諾道中，可能係全香港最出名嘅路牌——「所有目的地（All Destinations）」。MediumRoad Research Society 道路硏究社 所以「所有目的地」錯了嗎？其實錯不在中文翻譯，問題出自於「All」呢個擁有「超然地位」嘅指令詞語。因爲一般而言，「All」就係無一例外兼無得你揀。正確例子就係「所有車輛（All traffic）」嘅路牌，用於臨時改道或道路封閉，駕駛者係無選擇餘地，必須跟住「所有車輛」行。 所以如果係有得揀行車綫嘅話，就唔應該用「All」呢個有命令性質嘅詞語。 其實要改善好簡單，就係用「
隨筆 paradox 悖論 何解悖論係悖論？ What Is a Paradox? Definition and ExamplesWhat is a paradox? A paradox is a self-contradictory statement or situation. A paradox example is, “less is more.”ProWritingAidKrystal N. Craiker The word origin of paradox comes from the Latin paradoxum, which in turn came from the Greek paradoxos. It’s a
隨筆 《調整少少嘢，條路可以差天共地》——Sam哥 正話睇緊《迴響》第24期，睇到呢篇手記，都有啓發 世上大多數人，會用一個模式去思考——have-do-be: 1.have- 等到我有靈感先啦； 2.do- 噉我咪開始寫囉； 3.be- 我就成為一個可以寫文發展催眠業務嘅人 呢種模式，往往令人長年無法突破，甚至失敗。因為用「等我 ready 先啦」嘅心態，你一世都唔會 ready 。而可以不斷突破，提升自己嘅人，採取嘅模式就係調番轉。 Be-do-have: 1.be- 先將自己定位為一個可以寫嘢嘅人； 2.do- 落手落腳寫咗先，有咩唔完善，之後再改進； 3.have- 寫作能力就越寫越有。 再關聯返前幾日喺朋友圈嘅感觸，發現可能唔止關決心事，決心當然都重要，唔係嘅話永遠都冇辦法踏出一步；但思考嘅模式都一樣好關鍵。如果成日都要 ready 好（
隨筆 Day 3 Me 17➤23 今日（指15號，下同）想點就點，why？因為我最大囉，同埋今日係「偷」返黎嘅一日！ 本身諗住今日就返去，但留多一日真係好值得，如果唔係要返學，真係想留夠七日 之前講過香港變差咗都係好，今日就詳細講下點樣好法——最好嘅其實都係最簡單嘅——喺以人為本嘅好多地方都做得好。 比如話交通方便，見得最多嘅就係101路（人腳）⟩⟩私家車⟩巴士、地鐵⟩的士⟩摩托車⟩單車⟩渡輪；講到交通，就可以講下今日搭巴士睇到路上有施工，都會整一排嘢圍住，跟住放滿晒啲警示燈，所以點都會注意到 第二個就係公共設施充足，除咗到處可見嘅巴士地鐵站，行幾步路就會有社區中心、公園、球場、遊樂健身設施，圖書館、人行走廊等等。都話香港寸土寸金，但呢啲真係唔慳得。同埋對坐輪椅人士都好方便，從人行道、巴士到地鐵再到商場等等 再來就係社會保障、福利好。有好龐大嘅社工機構去扶持到社會嘅每一個角落，亦有好多部門去維護公民權益——例如消委會會對市面上嘅產品檢測，
隨筆 Day 2 變化 情人節流流，肯定都要有攪作嘅 琴日講嘅係唔變，今日都有嘢唔變——一如既往地同最愛嘅人一齊——好多嘢好似都冇變，但發生過嘅事，的而且確發生咗 疫後，除罩之日未到；煲底，約定再見唔見；兩年，促成二十三條…… 維港，太古，太子，中大，Poly，獅子山……未曾在場但一返到去回憶就湧過嚟，時間真係過得好快，something did happen and changed，while life keeps going 漸漸都理解同接受咗。就好似今日買唔到最新嘅《迴響》，但有我暫時最愛嘅12期——關於因果嘅一期。其實好多時候都搞錯咗重點，將眾多因素之一當成係責任，like「都怪女仔唔着多啲衫」，又或者「參與干預咗就係自己嘅責任」……如果非要講有乜嘢係自己責任嘅，就係同自己相關嘅事——包括與人之間嘅關係、心情、做嘅嘢同目標追求等等。 短短兩日，感覺自己又成長咗（唔知係咪錯覺哈哈哈，
隨筆 Day 1 HK！ 死城？要冧？ 其實唔係噉樣。如果要死、要冧，唔止移民潮，而係冇錢到要百姓交多啲錢享更少權利，仲要擔心會唔會又起硝煙/互鬥 sure，移民潮無可否定，反映嘅係喺某啲地方變差咗，而且差好多；只係聽過好多其實都係因為下一代先走 但亦都有好多人繼續留低，且亦都有唔少人繼續過嚟。過嚟嘅人好易解釋，因為呢個世界有好多更差嘅地方；而唔走，都有噉嘅原因，正如《緣路山旮旯》想表達嘅——喺邊度唔重要，呢個世界永遠有更好嘅地方，但未必好到一定要去；最重要嘅係同邊個一齊，喺同一個地方體驗享受生活嘅幸福
隨筆 一個人之隨筆 & 休刊公告 本人決定將週報、月刊欄目無限期休刊（即復刊事宜未有時間表），所以有必要同各位讀者交代一下原因 要從幾時講起呢？其實最好係從頭開始，但而家又唔係寫自傳，又未到為自己嘅人生作結嘅時候，況且我都冇咁得閒啦，所以將範圍縮窄到大學嘅呢四年半 您嘅瀏覽器Or喺預覽狀態，唔支持audio元素，請換第個試試. 呢四年半回顧返，係好動盪而又可能註定要接受磨鍊嘅四年。簡單啲嚟講，如果一頁頁睇返呢四年寫嘅隨筆，其實又唔覺有太大嘅變化，但如果再將而家嘅自己（？或者準確啲嚟講係一兩個月之前嘅自己）同四年前比較，其實都變咗好多……甚至，好似差咗？當然可能有記憶會美化嘅原因，但我覺得，呢一年確實丟失咗好多自己好珍惜嘅嘢 首先係我點解會寫隨筆呢？其實都係受到啓發，一開始嘗試寫落嚟，跟住發現確實有好處，所以堅持咗落嚟，但有嘢發生咗，大四到前日，除咗喺 blog 分享過一啲之外就冇再寫過，所以睇返隨筆好似自己丟失咗一年半噉……但好在終於意識到呢個問題，所以究竟點解會變成噉呢？ 第一個係時間原因。唔係話自己好忙嘅意思，而係畀自己回顧反思自己嘅時間，少得可憐，所以連寫畀自己睇嘅隨筆都斷埋。噖日做咗
隨筆 新年隨想 祝大家新春快樂！時間真係過得好快，噉又一年喇 呢一年，同樣發生咗好多事，無論係成個世界，定係我自己；令我覺得，每一年都係非常獨特而又深刻嘅一年，只係取決於你點睇 好多嘢我哋都控制唔到，但第一個願望就係希望世界和平，真誠而尊重彼此地交流。係，其實戰爭嘅陰影一直都籠罩住，從未離開，今次嘅俄羅斯入侵烏克蘭同樣如此，場戰爭自2014年起就已經開始咗；而更加致命嘅係，政客自始至終都未下定決心要通力合作去構建更好嘅一個世界，really sad，可能就係要到每個人都放低一啲自私，先有可能做得到，而家只能睇住歷史一次次換個方式嚟重演，如果冇任何改變嘅話 喺中國嘅情況都一樣，呢三年嘅疫情防控，終於喺習總書記坐穩位置之後迎來大家期待已久嘅放開（所謂嘅「調整優化」），但，呢一切都係政治使然而同專業科學無關——否則冇可能喺幾乎冇任何準備、新變種未研究清楚嘅情況下一下子將全部人暴露喺病毒面前——其實就可以直接講係草菅人命，絕對係一場人禍 但，所有嘅代價都唔會有道歉同負責，我見得更多嘅係將所有嘢推畀之前支持放開嘅人身上……都幾冇腦，好似呢啲政策嘅改變係我哋做嘅一樣，永遠都係「大人」嘅遊戲，我哋去支持乜
隨筆 晴·情 晴天出門要比喺雨天好得多，而唔出門喺屋企曬太陽都好正，超舒服，室外猶如夏天，返入屋就返到秋冬天 我而家好快樂，因為唔准唔開心~ this is the day i love, and here is where i live and what miss so much
隨筆 2022 to 2023 按道理嚟講呢，呢篇隨筆應該喺噖日——2022年嘅最後一日寫先啱，而且噖日都應該整理好2022嘅12月刊，plus 2022 大事記（12月嘅部分），well，但我冇噉做 我喺度諗：的確，呢啲都係我應該做嘅嘢，kind of 責任，對得住自己開嘅blog，不過，好似又唔使太急 我哋都知，時間不緊不慢地走着，唔理我哋有冇做乜嘢，佢都係會照走；而人卻係一種好重儀式感嘅動物，所以我哋會收到祝福，會回顧，會展望 不過，全都係因為人賦予日子以特殊嘅意義，先至會有噉嘅效果，但，將一年，壓縮成一日，really not good——呢個都係點解大事記從2022年開始係每月整理一次，instead of 留返一年嘅最後幾日去整理 every day counts, so every things do so, what did
隨筆 球員譯名 係個值得思考嘅問題 Now嘅呢幾位翻譯係幾好嘅嘗試——我哋翻譯其他人嘅名，確實唔應該唔理三七廿一，用佢哋嘅英文發音嚟譯，而係應該按返球員自己文化、當地嘅讀音嚟譯——噉樣先至更加尊重球員及佢哋嘅文化
隨筆 混血肥仔 x 黃妍 正！兩個中意嘅組合時隔 n 年之後再合作！ 您嘅瀏覽器Or喺預覽狀態，唔支持audio元素，請換第個試試. 我自己係好中意好純粹、好認真做音樂嘅音樂人 同埋睇到大家喺另一個充滿希望同美好嘅地方聚喺一齊，真係好感動同好有能量
隨筆 thinking about 信任？ 講起都幾搞笑 事情係噉嘅，今個學期有一科嘅作業成績係 TA 改完之後自己喺網上登記成績，唔知係因為 TA 懶定係過於相信我哋 or 兼而有之喇 跟住就噉執行咗成個學期，結果臨結課有啲同學唔記得喺網上登記，所以作業成績未有，呢件事就畀老師知道咗 老師就發火喇，叫 TA 收齊返我哋嘅作業逐個逐個登記 都幾好玩，原則上的確噉做好有問題，不過成件事過咗咁耐先踢爆，跟住 reset 返個正常嘅流程，就覺得幾好玩，同信任唔信任冇乜關，而係同公平透明性有關
隨筆 sunlight 噖日好凍，風大，而且朝早冇太陽出 下午嘅時候太陽終於都出嚟喇！ 不過由於雲好厚，感覺唔到佢嘅温暖 同埋其實只係一陣間，半個鐘好似都冇 但都聊勝於無，帶嚟一啲快樂嘅元素 您嘅瀏覽器Or喺預覽狀態，唔支持audio元素，請換第個試試. 今日就陽光明媚！！！好大個太陽曬落嚟暖笠笠好舒服 同埋拓荒對太陽絕殺！今日真係正吖！