間中清下收藏庫，再唔清就真係得個收藏…… 雖然都打咗好多年，不過如果你問我係咪真係完全識晒就直接回個no 因為有時識讀但因為打得少就唔記得應該點拼，例如前幾日諗咗勁耐都唔記得煜jap6字點拼，仲有就係oe同eo之前成日分唔清，睇咗呢條片之後就加深咗記憶同理解，我覺得幾好 另一個比較好玩嘅係，我發現喺PC打粵拼同喺電話上係唔同，可能係因為一個可以用晒全部手指，另一個就一般只能兩個手指，所以個按鍵感覺好唔同，但我自己呢排係電話打得多覺得好似喺電話打係會記得快啲 仲有一件事，我試過反其道而行，用粵拼嚟打返書面語，都真係幾難頂，唔係我手打我口嘅話，同用拼音打粵語一樣咁難受。不過呢，我噉做主要都係因為本身想打粵拼，但係呢，對於摘抄呢類工作究竟可唔可以直接用粵語搞，雖然書上文字係一回事，但係無人話唔可以翻譯喎，而且有啲書本身就係譯中文。所以諗諗下，決定，哈哈，以後可以光明正大直接用粵拼摘抄算，反正都係自己睇多

finally!!! 終於唔係bing一家獨大hhh 因為先上線冇耐，都係有好多地方要執，如果喺使用嘅時候發現翻譯有問題嘅話(粵文譯其他/其他譯粵文），可以喺呢個google form填寫，一齊幫助google翻譯更好地支援粵語~ 從圖中可以睇到，顯示粵拼之餘，仲可以開啓輸入法當網頁版輸入法用，當然，我自己就中意typeduck嘅網頁版多啲，因為界面好睇啲，功能又強大，可以輸入埋音調降低重碼（v1,x2,q3,vv4,xx5,qq6），and因為面向學習粵語者，可以揀其他語言嘅翻譯意思 目前嘅話電腦都係用緊小狼毫，電話就gboard同typeduck交替用，都係有完善空間，相信之後會全力轉typeduck 心喐喐想學粵拼嘅話，喺typeduck官網都有唔少嘅資源，feel free to visit them~（隨你所願試下啦

2010年廣州撐粵語行動 - 维基百科，自由的百科全书Wikimedia Foundation, Inc.维基媒体项目贡献者 話咁快就十二年，雖然話眼見就知道而家嘅環境更差，但至少曾經努力過 噉我哋仲可以做乜嘢？ 以下內容轉載&改增自一位網友 關於3、4、5點學，想要更多資源可以留言問我。之前都有喺另一篇 blog 度有寫，睇邊日得閒嘅話轉成粵文再改改佢發喺呢度嘅blog 1. 講粵語。有機會就講，屋企有小朋友嘅更加係噉，教佢哋講 2. 睇／聽／唱粵語作品，好多作品會有粵語version / dubbing 3. 先學識用粵語閱讀官話文章，識用網上資源 / 字典查發音 4. 學粵拼。粵語人梗係要學識粵拼啦（用國語拼音確實可以打粵文，但係會好容易搞亂晒啲讀音，甚至會打啲錯字上嚟 5. 用粵拼打字。搜狗輸入法、gboard 手機版而家就打得粵拼，仲唔裝嚟試下？蘋果機嘅話而家有埋內置粵拼（

註：以下內容轉自粵拼輸入法用户交流組 [https://t.me/rime_cantonese]。幫手推廣粵語，謝謝！ 各位rc用戶大家好。相信大家都用過Google嘅功能，唔多唔少都會發現佢對粵語文支援有各種不足之處。 而家有個好消息話畀大家聽。粵語工作組成員現已介入Google嘅粵語事項，可大幅度修正Google喺粵語方面嘅各種問題。 目前Google已計劃全盤重整Gboard中粵語輸入架構，料重整後Gboard會直接使用我方語文材料。 現時工作組鼓勵各群友積極提出 in app feedback、community 及公眾 forum 作用戶需求基礎，此事喺嚟緊兩個禮拜至關重要。 例如：要求Gboard / Google Input Tool默認粵語嘅拼音以Jyutping為首選、改正語音識別用咗普通话（cmn）嘅錯誤、Google翻譯遲遲未出粵語等等各類問題，請於近期喺各設備、各Google account、各Google apps中盡數提出，以便工作組及Google團隊為大家實現。 如果係in app feedback嘅話，請喺相關嘅app反映相關事項，亦請喺寫fee