Searching & Missing 人肉搜尋

喺而家噉樣嘅網網路世界，喺網上揾一個人揾線索真係幾易，尤其當好多人都喺social media度都係public嘅時候，同埋password嘅設定都幾低級，所以而家要設雙重驗證，and password唔好一樣，否則會牽連到其他平臺上（當然，搞咗雙重驗證之後就唔使理咁多，但可能會有啲平臺未支持

故事一致地從變故開始，Margot出身於韓裔家庭，一家人生活得好幸福，同埋時代正值個人電腦進入千家萬戶嘅階段，做schdule時都係記喺電腦度，基本上都係同媽媽一齊彈鋼琴。基本上就係一種文化嘅刻板印象——亞裔嚟講都係偏向媽媽參與爲主，爸爸嘅話，其角色基本上就係畀零用錢、提醒啲生活習慣之類，包括話細個時Margot送一幅畫做父親節禮物，而嗰時David係瞓喺牀上，Pamela就影住佢哋做記錄。至於點解，就唔使多講，都係嗰啲儒家文化之類
只係好景不長，Pamela癌症復發過身。David同Margot都陷入深深嘅悲傷之中，但都好默契地唔向對方提起，驚對方再次受傷……結果大家都知道，雖然話係文化影響，但完全唔健康，看似係爲咗對方好，只不過變到係大家都唔知點樣相處（其實本來就唔點識，因爲一路以嚟都係有Pamela喺中間
結果證明David好唔明白自己個女，或者話，本來人就有好多個面向，唔係對住邊個都展現到出嚟，只不過，David唔覺得同Margot嘅相處有問題，其實都係嘅，同之前差唔多，只係因爲Pamela離開咗，就當徹底消失絕不重提。反而就真係好大問題喇，從轉變嘅角度嚟睇，發生咁大嘅家庭變故，兩個人都應該攜手扶持、適應新嘅情況同生活，一同去轉變；其實只要有一個人勇敢地講出口，就可以好自然地發生
好在，其實都係好關心着緊個女，比如話知道咗退課同冇返屋企之後，打咗一大段話教育，從!到.再刪過晒，最後只係發咗話返嚟記得打電話。可能唔係幾識表達到自己嘅愛，但至少仲有愛，所以都算有轉機
到最後，直接調轉車頭營救自己個女，堅信仲有希望，都幾感人，好在係H.E，唔係嘅話，而家理解明白自己個女，學識咗點表達都再冇用

Margot亦都唔知點面對，冇咗媽媽，失去咗生活最穩定嘅方向，想講，雖然成部片好少場景，但都好表現到角色嘅內心感受，like刪除媽媽出院返屋企嘅日程之前停咗幾秒，睇到好心噏
冇乜朋友，連鋼琴都唔再想學，因爲怕觸景傷情。所以就中意咗一個人去寧靜嘅地方獨處放鬆，偶然間發現叔叔有大麻，都忍唔住試咗下，之後同叔叔講咗自己嘅心事（係幾奇怪，人好容易可以對唔係最親嘅人講一啲好切身嘅個人經歷或疑惑，可能噉樣就唔介意表達自己最真實嘅感受，唔驚會有乜嘢影響或後果，只係，就要好睇對面係邊個，如果唔好彩嘅，噉樣不設防就會好大獲

仲想講嘅係，喺網路世界，任何嘅表達都太廉價，Margot一出事，以前嘅膠朋友都話自己係佢嘅好朋友，表達自己嘅悲傷嚟博熱度……；同埋一堆人當自己好瞭解內幕，就對當事人同屋企人指指點點。無論係邊種，都係食人肉饅頭嚟

愛子心切，人之常情，但最基本嘅善惡都係要守住，否則，就會小惡變大惡，無法返轉頭

呢部故事嚟講豐富少少，但情感渲染差得太多，劇情合理性都有少少牽強

喺以前啦，仲可以隱姓埋名開始新生活，但而家，就算delete咗以前嘅account，除非永遠唔喺網上公開（包括其他人公開，比如影咗張合照post上嚟），否則都係好容易搜尋到

而Javier都幾amazing，價錢又平又盡責，仲附帶傾偈情緒調解

細路女唔識世界，警察都唔call，全部靠自己，可能係因爲睇咗之前嗰個故事，所以信唔過？但最後都係要call先及時救命，因此充分證明，啊sir唔係得個擺，雖然電影入邊表現得好似好廢：基本上都係女主發現咗先有通知……但事實肯定唔係噉，一個人再勁，冇理由超得過警隊咁多人