極冷 (Page 3)

《調整少少嘢，條路可以差天共地》——Sam哥

正話睇緊《迴響》第24期，睇到呢篇手記，都有啓發世上大多數人，會用一個模式去思考——have-do-be:‌‌ 1.have- 等到我有靈感先啦；‌‌ 2.do- 噉我咪開始寫囉；‌‌ 3.be- 我就成為一個可以寫文發展催眠業務嘅人呢種模式，往往令人長年無法突破，甚至失敗。因為用「等我 ready 先啦」嘅心態，你一世都唔會 ready 。而可以不斷突破，提升自己嘅人，採取嘅模式就係調番轉。 Be-do-have: 1.be- 先將自己定位為一個可以寫嘢嘅人； 2.do- 落手落腳寫咗先，有咩唔完善，之後再改進； 3.have- 寫作能力就越寫越有。再關聯返前幾日喺朋友圈嘅感觸，發現可能唔止關決心事，決心當然都重要，唔係嘅話永遠都冇辦法踏出一步；但思考嘅模式都一樣好關鍵。如果成日都要 ready 好（

Day 3 Me 17➤23

今日（指15號，下同）想點就點，why？因為我最大囉，同埋今日係「偷」返黎嘅一日！本身諗住今日就返去，但留多一日真係好值得，如果唔係要返學，真係想留夠七日之前講過香港變差咗都係好，今日就詳細講下點樣好法——最好嘅其實都係最簡單嘅——喺以人為本嘅好多地方都做得好。比如話交通方便，見得最多嘅就係101路（人腳）⟩⟩私家車⟩巴士、地鐵⟩的士⟩摩托車⟩單車⟩渡輪；講到交通，就可以講下今日搭巴士睇到路上有施工，都會整一排嘢圍住，跟住放滿晒啲警示燈，所以點都會注意到第二個就係公共設施充足，除咗到處可見嘅巴士地鐵站，行幾步路就會有社區中心、公園、球場、遊樂健身設施，圖書館、人行走廊等等。都話香港寸土寸金，但呢啲真係唔慳得。同埋對坐輪椅人士都好方便，從人行道、巴士到地鐵再到商場等等再來就係社會保障、福利好。有好龐大嘅社工機構去扶持到社會嘅每一個角落，亦有好多部門去維護公民權益——例如消委會會對市面上嘅產品檢測，

Day 2 變化

情人節流流，肯定都要有攪作嘅琴日講嘅係唔變，今日都有嘢唔變——一如既往地同最愛嘅人一齊——好多嘢好似都冇變，但發生過嘅事，的而且確發生咗疫後，除罩之日未到；煲底，約定再見唔見；兩年，促成二十三條…… 維港，太古，太子，中大，Poly，獅子山……未曾在場但一返到去回憶就湧過嚟，時間真係過得好快，something did happen and changed，while life keeps going 漸漸都理解同接受咗。就好似今日買唔到最新嘅《迴響》，但有我暫時最愛嘅12期——關於因果嘅一期。其實好多時候都搞錯咗重點，將眾多因素之一當成係責任，like「都怪女仔唔着多啲衫」，又或者「參與干預咗就係自己嘅責任」……如果非要講有乜嘢係自己責任嘅，就係同自己相關嘅事——包括與人之間嘅關係、心情、做嘅嘢同目標追求等等。短短兩日，感覺自己又成長咗（唔知係咪錯覺哈哈哈，

Day 1 HK！

死城？要冧？其實唔係噉樣。如果要死、要冧，唔止移民潮，而係冇錢到要百姓交多啲錢享更少權利，仲要擔心會唔會又起硝煙/互鬥 sure，移民潮無可否定，反映嘅係喺某啲地方變差咗，而且差好多；只係聽過好多其實都係因為下一代先走但亦都有好多人繼續留低，且亦都有唔少人繼續過嚟。過嚟嘅人好易解釋，因為呢個世界有好多更差嘅地方；而唔走，都有噉嘅原因，正如《緣路山旮旯》想表達嘅——喺邊度唔重要，呢個世界永遠有更好嘅地方，但未必好到一定要去；最重要嘅係同邊個一齊，喺同一個地方體驗享受生活嘅幸福

新年隨想

祝大家新春快樂！時間真係過得好快，噉又一年喇呢一年，同樣發生咗好多事，無論係成個世界，定係我自己；令我覺得，每一年都係非常獨特而又深刻嘅一年，只係取決於你點睇好多嘢我哋都控制唔到，但第一個願望就係希望世界和平，真誠而尊重彼此地交流。係，其實戰爭嘅陰影一直都籠罩住，從未離開，今次嘅俄羅斯入侵烏克蘭同樣如此，場戰爭自2014年起就已經開始咗；而更加致命嘅係，政客自始至終都未下定決心要通力合作去構建更好嘅一個世界，really sad，可能就係要到每個人都放低一啲自私，先有可能做得到，而家只能睇住歷史一次次換個方式嚟重演，如果冇任何改變嘅話喺中國嘅情況都一樣，呢三年嘅疫情防控，終於喺習總書記坐穩位置之後迎來大家期待已久嘅放開（所謂嘅「調整優化」），但，呢一切都係政治使然而同專業科學無關——否則冇可能喺幾乎冇任何準備、新變種未研究清楚嘅情況下一下子將全部人暴露喺病毒面前——其實就可以直接講係草菅人命，絕對係一場人禍但，所有嘅代價都唔會有道歉同負責，我見得更多嘅係將所有嘢推畀之前支持放開嘅人身上……都幾冇腦，好似呢啲政策嘅改變係我哋做嘅一樣，永遠都係「大人」嘅遊戲，我哋去支持乜

晴·情

晴天出門要比喺雨天好得多，而唔出門喺屋企曬太陽都好正，超舒服，室外猶如夏天，返入屋就返到秋冬天我而家好快樂，因為唔准唔開心~ this is the day i love, and here is where i live and what miss so much

Thirteen Lives 十三條命

改編自真實事件嘅電影，詳見 wiki 睡美人洞救援行動，作為我自己 2022年嘅觀影收尾電影 Thirteen Lives - WikipediaWikimedia Foundation, Inc.Contributors to Wikimedia projects 泰國雨季嘅提前，令到入睡美人洞遊玩嘅少年足球隊成員及其領隊被大量湧入嘅雨水困住——啲水多到人只可以游水入去事件好快引起全世界嘅關注，好多來自唔同國家嘅相關專業人士同志願者齊聚睡美人洞，希望拯救十二名少年及足球領隊嘅生命。同喺一個地球，共情所有嘅災難，感覺真係幾理想印象比較深嘅有喺鄰國趕過嚟嘅水利工程師，喺初步瞭解情況之後，馬上意識到要堵塞山上嘅入水洞並將水引到其他地方，否則大量雨水湧入山內，受困嘅人會俾浸死。但由於佢唔係當地人，唔熟悉呢座山，所以揾到一位住喺附近對呢座山好熟嘅老人家。老人第一句係問佢係咪泰國政府嘅人，聽到回答同埋睇到工程師嘅真誠同人命關天，佢答應幫手熟悉泰國嘅朋友應該知道，泰國嘅政局相當唔穩定，雖然表面上都係民主制度，但軍事政變時不時就會發生，且泰王就係皇帝噉，鬧一句都係犯法，所以人民對政府

雨

返嚟呢幾日，都係落雨，唔知係咪「雨神」歡迎我呢？有少少感覺——喺知道同迷茫嘅不同面向搖擺，走咗好多彎路，似乎冇辦法避免，但而家變好咗，就幾好

2022 to 2023

按道理嚟講呢，呢篇隨筆應該喺噖日——2022年嘅最後一日寫先啱，而且噖日都應該整理好2022嘅12月刊，plus 2022 大事記（12月嘅部分），well，但我冇噉做我喺度諗：的確，呢啲都係我應該做嘅嘢，kind of 責任，對得住自己開嘅blog，不過，好似又唔使太急我哋都知，時間不緊不慢地走着，唔理我哋有冇做乜嘢，佢都係會照走；而人卻係一種好重儀式感嘅動物，所以我哋會收到祝福，會回顧，會展望不過，全都係因為人賦予日子以特殊嘅意義，先至會有噉嘅效果，但，將一年，壓縮成一日，really not good——呢個都係點解大事記從2022年開始係每月整理一次，instead of 留返一年嘅最後幾日去整理 every day counts, so every things do so, what did

球員譯名

係個值得思考嘅問題 Now嘅呢幾位翻譯係幾好嘅嘗試——我哋翻譯其他人嘅名，確實唔應該唔理三七廿一，用佢哋嘅英文發音嚟譯，而係應該按返球員自己文化、當地嘅讀音嚟譯——噉樣先至更加尊重球員及佢哋嘅文化

The Secret Life of Walter Mitty 發夢王大歷險

稍微得閒少少而且冇球賽睇，於是乎就睇電影！電影講嘅係一位喺 Life Magazine 處理底片嘅員工，一直兢兢業業，冇丟失過任何一張底片。不過佢係一個發夢王——成日發白日夢，而好少去嘗試挑戰自己——其實都受到父親突然離世嘅影響，屋企冇乜積蓄需要賺錢。所以儘管佢喺 Life Magazine 做嘢——一間鼓勵"To see the world, things dangerous to come to, to see behind walls, draw closer, to find each other, and to feel. That is the purpose of life"（去睇睇世界、無懼危險、

混血肥仔 x 黃妍

正！兩個中意嘅組合時隔 n 年之後再合作！您嘅瀏覽器Or喺預覽狀態，唔支持audio元素，請換第個試試. 我自己係好中意好純粹、好認真做音樂嘅音樂人同埋睇到大家喺另一個充滿希望同美好嘅地方聚喺一齊，真係好感動同好有能量

thinking about 信任？

講起都幾搞笑事情係噉嘅，今個學期有一科嘅作業成績係 TA 改完之後自己喺網上登記成績，唔知係因為 TA 懶定係過於相信我哋 or 兼而有之喇跟住就噉執行咗成個學期，結果臨結課有啲同學唔記得喺網上登記，所以作業成績未有，呢件事就畀老師知道咗老師就發火喇，叫 TA 收齊返我哋嘅作業逐個逐個登記都幾好玩，原則上的確噉做好有問題，不過成件事過咗咁耐先踢爆，跟住 reset 返個正常嘅流程，就覺得幾好玩，同信任唔信任冇乜關，而係同公平透明性有關

sunlight

噖日好凍，風大，而且朝早冇太陽出下午嘅時候太陽終於都出嚟喇！不過由於雲好厚，感覺唔到佢嘅温暖同埋其實只係一陣間，半個鐘好似都冇但都聊勝於無，帶嚟一啲快樂嘅元素您嘅瀏覽器Or喺預覽狀態，唔支持audio元素，請換第個試試. 今日就陽光明媚！！！好大個太陽曬落嚟暖笠笠好舒服同埋拓荒對太陽絕殺！今日真係正吖！

G.E.M. 鄧紫棋-啓示錄

really really amazing 真係完全冇諗過會直接用一個完整嘅故事嚟整成包括14首歌嘅專輯故事本身就好吸引人，再配以歌曲嚟詮釋，成件事就正到鬼噉好感觸嘅一個故事—— 虛擬嘅世界係可以好好，好理想；但人始終都係活喺現實外界嘅事永遠都係一個干擾，如果畀唔到對方想要嘅安全感同信任，其實不如唔好喺一齊；like有啲人可以一齊玩得傾得好開心，但確實難以一齊生活；如果自己被自己拋棄，嗰種感覺真係好難受；愛係最大嘅成全，即使以犧牲自己作為代價；「如果愛到極致，就可以飛上天」，變成無窮嘅力量，衝破任何屏障您嘅瀏覽器Or喺預覽狀態，唔支持audio元素，請換第個試試. 藝術源自生活呢句話真係珍珠都冇咁真，如果冇好深嘅感觸同經歷，又點可能創作到噉嘅作品呢？it will never break us.

有期盼

以前喺圖書館機緣巧合之下睇到一本《綠山牆的安妮》，大部分內容都唔記得嚕，而令我印象好深刻嘅係佢入邊嘅一句話（大概意思）：如果有期盼，就會有一半嘅快樂；即使喺現實之中冇法實現都好，至少我哋喺期盼嘅時候就已經得到咗快樂。原文： "..."Oh, Marilla, looking forward to things is half the pleasure of them," exclaimed Anne. "You mayn’t get the things themselves; but nothing can prevent you from having the fun of looking forward to them. Mrs.

2022-2023 拓荒

因為發現噉樣寫落去，恐怕講拓荒嘅頻率遠超其他話題，所以都係轉去post到專欄更新好啲四連勝，暫時聯盟第一~ 2022-2023 拓荒2022-10-27 主場迎戰熱火 coming soon 2022-10-25 主場迎戰金塊，下半場一波流反超拉開比分對陣打贏咗勇士嘅金塊，確實唔係幾好打，上半場落後不過喺主場嘅加持之下，下半場 Simons 開始展示佢作為拓荒 one of double guns 嘅威力，第三節單節 22 分將比分反超！太癲呢個賽季真係好令我期待！多點得分，都咁有衝勁同拼勁：Lillard、Grant、Hart、Nurkic、Little、Sharpe（Simons 前邊提過就唔講喇）！尤其要講下我之前講嘅下盤唔係幾穩嘅高佬替補 Drew Eubanks，今日表現都好好，有護框有封蓋，尤…極冷2cold

Elvis

又係一位傳奇嘅故事，貓王艾維斯好似近幾年出得比較多呢啲題材嘅電影，唔知係唔有乜嘢共同嘅因素？介紹名人有好多種方法，而呢部電影比較特別嘅地方係佢主要以貓王嘅經理人Colonel Tom Parker嘅角度嚟描述貓王嘅一生因為世人大多認為係經理人壓榨同逼死貓王，電影簡單啲嚟講就係為經理人作辯護： 1.貓王賺到好多錢係冇錯，但係使錢都使得好快，尤其係身邊一班人使佢嘅錢 2.唱歌、舞動係佢嘅天性，一上到台就會全力以赴做到最好，所以電影多次特寫貓王大汗耷細汗，甚至喺佢死前嘅最後一場演出，即使當其時已經企唔太穩，都會將佢嘅所有展示出嚟 3.佢對粉絲嘅愛超過所有人，甚至對佢嘅妻子，所以為咗報答粉絲嘅愛，plus第二點，就會變得更加不顧一切地演出，連休息都好少 4.濫用藥物、縱情聲色玩一夜情 5.貓王同經理人其實係一類人：都係冇人理解自己嘅追求，容易迷失自己，好孤單好無助嘅形象，呢個係貓王點解食咁多藥嘅原因之一。同時亦都因此兩個人無論嘈到點，最後一定都係會和好返，離開咗任何一方就等於失去咗自己嘅一部分 and so on…… 電影嚟講拍到好好，將貓王生活嘅唔同面向都展現出

adb大法好

因為手機內存成日都話唔夠，真係寧舍煩所以決定全部清過佢：將系統預裝嘅冇鬼用嘅 package 全部 uninstall 佢，連google play都唔要！跟住將自己用嘅軟件都卸晒，全部搬到由 Insular 打造嘅沙盒入邊，跟住突然發現，多咗十幾廿GB嘅內存！爽吖！

docker又崩咗……

今次真係唔知點解，本來好地地睇緊youtube，跟住發現網斷咗，跟住去後台睇下，服務器仲運行緊，但已經連唔上，內部網絡配置崩咗…… 估計係因為本身服務器嘅配置唔算太高，得 2G 運行內存，carry唔晒全部服務，而虛擬內存設得唔夠大所以喺網站訪問次數比較大嘅時候崩咗？但upgrade服務器到4G意味着double money……所以都係設大個虛擬內存睇下得唔得，唔得嘅話可能就要將運行喺wordpress上嘅另一個blog遷移到資源佔用冇咁大嘅平台上跟住reboot、reinstall試過都唔得，唯有 change ip……換咗十幾廿次先換到個防火牆冇 block 嘅ip，差唔多一個幾鐘？唔太記得，跟住就係重裝啲服務啦，我覺得我都黐線，十月已經裝咗差唔多快十次，但啲次序都係搞錯晒——其實應該先解壓返啲數據，再建 container ——但我又搞返咗，搞到解壓之後個 container 運行唔正常，下次實記得……但希望冇下次，計過數由 reinstall 到全部服務（tor、各種blog、mail等等） run 返正常最快都要三個鐘，所以，噖日又整到快天光，