愛情故事(粵語)

國語版link

提示:本小説內容純粹虛構,如有雷同,可能係巧合。

「如果有得畀你重新再嚟過,你會唔會做出唔同嘅選擇?」
「我覺得你可以試下嘅。」
「我問緊你喎,又關我事?」
「emm……如果,時間可以倒流,都係冇得同紫霞一齊……」

「星期五夜晚十點差一刻,準備收工!」賈正望咗下時間,默默諗緊週末做乜好。又周圍睇睇,身邊嘅同事都仲忙碌緊,個個都對住自己部電腦,冇人知道佢喺度偷雞。見到呢個場景,腦海中浮現出噉嘅畫面:一個成身都由電腦液晶顯示器組成嘅怪獸捉住嗰啲望住顯示器痴迷嘅人,將佢哋吞入口中,連口入邊都係顯示器,所以啲人心甘情願地消失喺一片光亮之中,一個接住一個……

十點了,被電腦怪獸吞噬嘅同事們一個接一個打卡落班,跟住都攞起自己嘅電話邊行邊玩,其實都冇乜差別,從一個matrix到另一個matrix,被控制嘅人們睇上去好似都幾開心。

突然有人拍咗下佢嘅膊頭,「𥄫緊邊個靚女吖?」原來係吳銘,舊同學兼現上司,都係多得吳銘帶協賈正先喺呢個咁難揾工嘅時代有工開,有糧領。

「放心喎,入邊冇你條女。而且成日開埋晒呢啲玩笑,你又唔係唔知我份人,頭先只係諗緊其他嘢啫。」

吳銘即刻擺擺手「你都咪亂噏,我仲未同佢表白,唔知人哋點諗。唔講住喇,該上路了,遲啲連地鐵都冇得搭。」


地鐵一如既往地多人,尤其今日係週末嘅夜晚,逼到好似沙甸魚罐頭噉,不過今晚其實已經算好了,雖然都係水泄不通,每個站都要靠近車門嘅乘客落去再上嚟,但起碼有地方企,可以腳踏實地。

終於都到站了,田昕重新呼吸到新鮮空氣,好滿足。

評論留言区