遊戲規則

間唔中睇下經典電影，都幾好

女主Christine係奧地利人，喺嗰度可以比較正常地向其他男人獻殷勤，唔會有乜閒話，但佢嫁過嚟巴黎畀Robert後，呢邊嘅「規則」就唔係噉講喇

不過Christine都慢慢開始適應，只係都會有啲唔太樂意。喺聽到Aviator為咗佢完成一次歷史性嘅飛行任務但因見唔到佢而喺採訪時好似細路仔噉表達自己嘅傷心難過嘅電台之後，同女傭Lisette探討異性之間會唔會有純潔嘅友情，同時交流一啲有關情人嘅經歷。點講呢，我自己係信異性之間都可以有純潔嘅友情，但前提係要雙方都係噉諗，如果好似電影噉，只係女方噉而男方唔係嘅話，就唔純潔，儘管仲係喺友情嘅關係入邊

而終於發現自己嘅丈夫公然出軌令自己難堪時，佢想做返自己想做嘅嘢，期盼Aviator帶佢遠走高飛
呢個時候，規則又開始發揮作用，Aviator堅持要同Robert講清楚先得，潑咗Christine冷水，而令Christine更清楚自己內心真正嘅諗法：本身就覺得Aviator太嚴肅無趣，其實佢一直中意嘅係喺家鄉由細到大認識嘅Octave，呢個係好合理，因為大家都認識瞭解對方好耐，認識、欣賞世伯呢個更係加分項；luckily，Octave亦都一路中意Christine，而且儘管佢窮盡一生想參透理解社會上層嘅遊戲規則，佢都係願意唔理咁多、直接同Christine私奔……可惜嘅係，返去諗住同Christine攞外套嘅時候，畀Lisette點醒咗，自己由始至終都係嗰個卑微、一事無成靠住喺上流社會打交道嚟維生，因此叫Aviator去接

上層社會規則嘅荒謬之味油然而生

而最有印象嘅就係嗰句：「生活中最可怕嘅，係人人都有自己的理由」，所以根本就唔存在正確答案，就算係所謂嘅遊戲規則，都只係一場玩笑，諗下Octave同Aviator嘅結局就清楚了

另外都想提一提，真係好唔明白，點解會咁熱衷隨隨便便就開槍，哪怕係對住人畜無害嘅兔仔同雀仔；呢啲都係呢個世界嘅荒謬之處，所以先會咁易發生戰爭