Sardar Udham

其實呢部我自己睇係幾感動，只係，睇嗰陣唔記起係巨人完結篇首映……結果就係眼淚唔太夠用

電影講述嘅係一位畀英國殖民時期嘅印度獨立鬥士Udham Singh嘅人生經歷，而電影用插敍嘅方式嚟展現，我覺得係相當明智同啱節奏

平等係乜嘢？喺英國，羣眾可以成立各種政黨同遊行，可以喺公園自由地演講，討論言論自。只不過，亦都唔係西方嘅月亮特別亮，喺焊接工廠入邊，主管都係會任意剝削、欺凌工人；喺愛爾蘭，軍隊都堅決而殘忍地清洗準備發起獨立起義嘅組織……而更甚者，喺殖民統治下嘅印度，尋求獨立嘅組織Hindustan Socialist Republican Association(HSRA)畀徹底清洗，和平集會演變成軍方屠殺。連生存嘅權利都唔受保護，仲點平等吖？根本係冇可能嘅事情，講係講個人嘅自由，唔係國家嘅自由，根本係謊言，監視、跟蹤先係真嘅

但Udham Singh絕唔係一個畀仇恨憤怒矇蔽雙眼泄泄忿殺人嘅人，佢唔係一潛入去到英國，就揾槍炮搞暗殺（雖然一開始去嗰時係噉諗），喺歐洲生活咗六年，真實地體驗同見識呢邊嘅世界，個反差係更加大——冇錯，喺呢度如果好好工作，係可以過得唔錯嘅，矇蔽自己嘅良知嘅話就可以過得好滿足；但相比可以嚟歐洲生活，活喺殖民下嘅人數係要多得多，入過HSRA，自然唔係嗰啲可以咁自私嘅人只顧自己嘅人。而且都見識到政府雖然講係民主，對遊行示威比較鬆，但對於反抗同階層嘅維護，亦都出盡全力唔畀機會，甚至包裝美化佢哋嘅行為係「維護皇室，維護大英帝國」
題外話，如果當時嘅邊境檢查嚴啲嘅話，就冇可能畀到Udham入到英國，雖然而家都一樣，恐怖分子都可以隨意喺某個小地方聚腳建基地。可能呢個都係自由嘅代價？of course not，

睇通睇透之後，佢鎖定目標——當時下令鎮壓屠殺嘅總督。Udham Singh亦都唔係一上嚟揾到佢就射殺，都有畀機會去瞭解同睇下對方有冇悔意，但好可惜，根本冇呢個諗法，堅持自己只係想「效果顯著地打壓殖民人民嘅反抗，要製造恐懼」，根本死唔認錯。而Udham Singh都好多次抑壓住強烈嘅憤怒，冇當時就殺死佢——因為佢唔想畀描述為主僕衝突or矛盾引發嘅殺人事件。否則就完全達唔到引起國際關注，振奮國內抗爭嘅效果

歷史總係一次次強調，所有嘅抗爭都係不斷壓迫而產生同升級嘅，如果唔係嗰次嘅大屠殺，我諗HSRA都唔會行上刺殺行動，因為Udham Singh死時依然握緊嘅相，係Bhagat Singh嘅執行死刑之前影嘅，Bhagat畀我嘅感覺更似係知識分子，主要教育喚醒群眾，而唔係參與暴力反抗嘅代表，但奈何時勢唔畀人行。Udham都係受到偶像嘅鼓舞，先至可以抵抗慘絕人寰嘅嚴刑迫供、堅持絕食抗議（雖然最後都係畀格硬灌食物，好可怕……）同埋平靜地上絞刑

如果冇嗰一次嘅屠殺，我諗佢會喺印度繼續同自己嘅啞女友一邊為自由獨立奮鬥，一邊享受青春人生。當佢行上呢一條路嘅時候，依然忍唔住回想過往美好嘅回憶，係嘅，英雄都係人，都係有感情、弱點嘅人，正如Bhagat都幻想自由之後自己會飲紅酒睇電影跳舞等等，why not？就係為自由為平等為生活而戰。而當一切都已經幻滅時，就唔再需要評估仲要犧牲放棄啲乜嘢，剩低嘅只係「青春嘅意義」究竟有冇賦予到。如果冇自由，又點樣有真正嘅意義賦予到畀自己呢？可以講不甘安定，跟住去死，但如果冇人願意噉做，殖民就唔會結束，就永遠唔會有自由。Udham當時並唔能好肯定地回答自己嘅呢個問題，大概係因為佢自己都唔知道，自己做嘅所有嘢，會唔會畀誤傳或者污衊咗，而令世界遺忘掉呢一切。幸好，呢次佢係幸運的；而難過嘅，係要喺佢死之後；更難過地，仲有好多人冇佢好彩，但最好嘅機會就係而家，否則就連一啲革命嘅機會都冇

電影選擇喺最後先展現屠殺嘅經歷，真係相當恰到其時，我唔知大家會唔會覺得鏡頭過於長定點，for me，呢啲鏡頭都不足以表達嗰一晚所有倖存者嘅經歷，揾倖存者（老嘅嫩嘅大肚嘅都有）、送醫院、不斷往返、避過士兵、斷水電、聽傷者哀嚎呻吟想知道親人情況（真淚崩，有爺爺係因此而喘息到最後，同埋有母親希望先救仔女而唔係自己，好多人得返自己一個）、聽醫生話已經太遲救唔返……我唔知道可以點描述呢種感受，好心噏，可能呢個就係身處地獄嘅感覺？無限嘅絕望同無助侵蝕住你，彷彿自己嘅身體都唔係自己嘅一樣

但可悲嘅係，歷史多數時候都係由上層掌握權力嘅人所書寫，喺影片嘅最後，總督同將軍喺調查會(?)上為自己嘅行為辯護；而幾年之後嘅Udham卻喺法庭上一啲自我辯護嘅機會都冇，甚至法庭上講嘅嘢新聞唔可以出街，法律，係咪國對國嘅就管唔到？sadly，可能真係，想講到而家都冇乜約束力；而且喺新聞發佈會上，都一直強調係偶然獨立事件，恐怖襲擊，係咪好熟悉？只需要怪一個人，就可以將所有嘅問題再次掩蓋，你話係咪幾好對當權者嚟講

青春好美好，係一份禮物，而其意義亦都係由本人去賦予或者去荒廢。我哋，是否，能夠不枉此生？