艾爾酒吧 & 隔絕

唔知大家發現未，根本上有兩套嘅話，一係主題比較相關，一係就想比較下。呢篇都唔例外

呢部呢，唔係幾想討論劇情，因為啲bug位有啲多，好難格硬講。不過如果唔好咁嚴謹去睇都ok嘅

人恐懼嘅根源來自未知，而喺恐懼底下，人會變——變得更容易展現自己更真實嘅一面

要下下都好真實，其實都好難，喺電影入邊得一個——就係成日噏聖經，污糟貪錢鹹濕嘅乞衣，毫無疑問佢一直都真性情，但就唔得人中意喇——不過唔係因為真，而係本色性格問題

另外，電影嘅對白都幾簡練得嚟有智慧，相信係精心打磨過

而見識過人性嘅黑暗面之後，應該都幾難再咁天真地相信其他人——對應於結尾，女主得救之後，冇同其他人講，而係行入人羣之中——因為正常嚟講嘅話，就會上報，避免疫苗失效傳染病大爆發；但如果再咁天真，可能就會即刻畀「人道毀滅」，而且唔會有任何羣眾知情，就係咁黑暗，因為已經有五個人噉樣被害

因為睇得唔夠喉，所以就去睇咗呢部《隔絕》，同樣係被困密室展現人性嘅電影

故事本身就係悲劇，因為核彈引爆，國家冇救援倖存者嘅打算，喺物資耗盡之後，輻射有排都未散，剩低嘅人始終都係會死，只係過程困獸鬥

呢部邏輯上比較make sense，就可以接受，而且對每個角色嘅刻畫都更具體詳盡（除咗好少戲份好快畀捉走嘅細路女），我哋就嚟介紹下

Mickey，一個疑似因九一一失去妻女嘅公寓管理員，未雨綢繆準備大量物資，學習相關影片知識，就係為咗應對類似嘅恐襲或者核彈爆炸；佢本來可以一個人喺地下室避難，最後都係唔忍心，畀其他人入地下室；佢都好有計劃同計謀，提前控制食物用水，用計發現不穩定暴力成員，喺所有人明白之前清楚發生咗/緊乜嘢事。總括而言，佢係一個善良嘅人，喺如此死地都仲相信有好人，相信Eva

Delvin，疑似係警察，持有槍械，堅持鍛鍊身體，為人都算正直，不過目的性都好強，唔信任Mickey，比較希望係由自己主導；當發現Mickey私藏食物時，唔通知其他人，自己揸槍前往Mickey房間，然後畀反殺，之後Mickey就畀眾人制服咗，惡魔Josh上位

Josh，自私之人，由一開始就想逃離呢個地方，抱怨食物等等，包括願意出去救細路女都冇諗住要返嚟；喺Mickey畀拉落嚟之後，成為地下室嘅霸王，控制管理所有人，尤其當佢發現自己已經有畀輻射嘅反應之後，令佢往惡魔方向更進一步，有今日冇聽日噉過日子。但喺生命嘅最後，佢發現自己最着緊嘅都係自己嘅細佬Adrien，都啱嘅，無論自己幾唔想承認，始終都係一齊生活咗咁多年嘅屋企人，點樣都冇辦法否認呢種情感

Eva，本來係街邊吸毒嘅「道友」，後尾畀律師男友Sam收留住喺一齊。喺地下室一路都好冷靜地觀察所有人所有事，同時保持對他人嘅温柔同理心；最後就真係冇辦法，只有一套設備，就自己顧自己，不過，逃離出嚟之後只係睇到末日景象

Marilyn，勁慘嘅一個女人。先係個女畀研究員搶走，之後認清現實，揾靠山Bobby成為佢嘅女人，希望可以獲取足夠嘅資源得以存活，唔可以講佢錯，因為喺呢種情況下，基本上就係叢林法則話事，女人就好自然要依靠強大者嚟生存。no offence，都相信有極強實力嘅女性可以靠自己嘅力量獲勝，不過呢度只係討論一般情況，如果冇搶槍械呢齣戲，相信Eva最後都無法倖免。只係Marilyn好慘嘅係，佢睇錯人，對方根本唔愛錫佢，只係不斷虐待侵害佢，最後帶着對女兒嘅悲傷死去……

其實睇類似嘅片，自己都會諗，自己究竟會喺同樣嘅處境下會點樣，好驚自己冇辦法保持良善同勇氣。但都只係得個驚，因為如果真係發生咗，只能盡力去做，儘管而家只能進行思想實驗，都知冇乜代表性，所以最好都係永遠唔好發生，就唔使咁驚咁絕望