所有的美麗與血淚 All the Beauty and the Bloodshed

其實初初係睇到話關於奧施康定Oxycodone嘅抗議者，角度唔一樣會有唔同嘅感覺，所以入咗list，感興趣嘅話可以睇返之前寫嘅Dopesick 成癮劑量電視劇

睇完之後感覺，好正。如果按照Nancy Goldin本身嘅諗法——只係單純記錄PAIN(Prescription Addiction Intervention Now)對Sackler Family嘅追擊追責同對受害者嘅關注聲援——就會少咗好多嘅魅力。唔係話噉樣嘅紀錄片冇價值唔好睇，只不過Laura Poitras堅持影埋另一半內容——關於Nancy Goldin嘅個人成長經歷故事——成部電影就變得更加完整同動人

點解Nancy Goldin會行上攝影呢條路，會拍攝比較前衛嘅毒品、性、暴力、艾滋等等嘅題材呢？原生家庭嘅影響好大，童年時就處於緊張、性暴力嘅氛圍，所以爸媽情緒都唔穩定，而佢家姐只係因爲青少年嘅變化，相對變得開放之後，母親完全冇辦法適應同照顧，格硬送家姐去孤獨寂寞嘅精神院……好恐怖同絕望，最後家姐喺一條火車軌上結束咗11歲嘅生命，而真相都要喺好耐之後先知道，Nancy覺得鏡頭唔會背叛自己，可以從另一個角度幫自己紀錄低一切冇其他資料證實嘅事物，中意咗攝影，都算係得着

對於狙擊黑心家族嚟講，認清現實都好重要，否則只會喺憤怒同失望中放棄，而認清咗之後，要繼續堅持，繼續喺其他可行嘅地方施壓、抗議，吸引到媒體，吸引到大眾嘅支持，再繼續乘勢爭取，先換嚟咗多個藝術館撤名Sackler嘅歷史一刻，同時間，都繼續幫助需要幫助嘅其他人，令佢哋可以安心檢測藥物，避免踩到第個毒癮上邊

錯事係人都做過，只可惜時間無法從頭嚟過，冷漠地拒絕道歉負責，只會繼續俾盯上恥辱柱上。如事後感到懺悔，起碼可以繼續生活落去，即使逝者不可復活，至少仲係喺一齊沒有忘記到