Turning Red 青春養成記
新年度值得推薦一睇嘅動畫片，簡單講下佢嘅亮點：
第一個係懷舊嘅背景：有中國傳統宗廟文化+21世紀初加拿大多倫多城市背景，當中都帶有一絲神話式嘅red panda力量。（可以講係有劇組嘅童年影子
第二個係畫風同之前Pixar出品嘅動畫好唔同，應該講同西方嘅動畫風格都唔同，有啲似日韓嘅畫風（會偏卡通同可愛嘅感覺，特別係變身成為red panda嘅時候。
最後係小故事大道理，至於會唔會有過度解讀可以一齊探討一下~
電影劇情可以睇wikipedia介紹，今次就懶啲喇，唔自己造輪子
Contributors to Wikimedia projects
As I said, 故事發生喺21世界初嘅多倫多，嗰個係未有智能手機嘅時代，聽隨身聽，寫日記等等，所以係幾有回憶嘅感覺
用red panda做為變身嘅形象，感覺幾巧妙。一方面覺得好可愛，比較得意；
另一方面佢係紅色嘅，既係強烈憤怒嘅顏色，which喺電影中都係變身嘅條件。而且都有象徵青春期少女開始性成熟嚟月經嘅意思。再將兩者結合喺一齊，嚟月經嘅女仔比較容易嬲，會唔好意思、有羞恥感，但其實係好正常嘅事情，唔應該有噉嘅感覺or價值判斷
朋友vs媽媽
故事嘅主人公Mei Lee係一個啱踏入青春期嘅女仔，佢成績叻，樣樣優秀，刻苦認真，以滿足媽媽對佢嘅期望（都係華裔學生嘅經典形象hhh），亦都有自己嘅三個好朋友，且同樣中意偶像男團4*Town樂隊。所唔同嘅係，佢屋企經營一個宗祠，所以佢每日都要準時返屋企幫手。而且因為媽媽Ming反對，所以隱瞞自己中意樂隊嘅事情，並偷偷喺學校利用自己可以變身成red panda嘅能力籌錢買飛
而且呢，佢都隱瞞咗自己可以控制情緒嘅真正原因係佢嘅朋友們，而呃媽媽話係諗到屋企人，呢個都係因為佢媽媽認為佢識嘅朋友都唔係好人，自己個女會被帶壞。Mei始終都係唔敢向媽媽展現自己真實嘅諗法，所以直到事件敗露之後默認咗媽媽對佢朋友嘅指責而冇澄清。可以講係Mei成長嘅一部分，從乜都聽晒媽媽嘅説話，乜嘢事都做到最好，寧願委屈自己都想滿足媽媽對自己嘅期望；到終於想打破呢個傳承，做真正嘅自己
至於好朋友呢，一開始就冇嫌棄過佢，甚至覺得red panda好得意。後邊雖然有被背叛（Mei冇為佢哋解釋），但心入邊仲係掛住同珍惜呢份友誼，所以再見時好快就和好
傳承
從Sun Yee獲得red panda力量守護自己嘅村莊同細路，red panda嘅力量一直通過家族嘅女性嚟傳承。而隨着時代嘅發展，社會變得更加文明，這樣大破壞力嘅力量唔可以隨便放出嚟，所以就諗到要封印佢：喺出紅月亮嘅夜晚施法，將red panda嘅力量封印到一個特定嘅物品上邊。歷代嘅人都係噉做，所以話係一個傳承
當Mei Lee得知自己有噉嘅能力時，超唔中意，同時都十分不解同憤怒，恨不得即刻封印佢。後邊發現自己有辦法控制情緒，萌生咗一啲唔同嘅想法，且都開始利用呢種能力賺錢
但被媽媽發現同制止之後，Mei非常難過，因為施法嘅日期同樂隊表現嘅時間衝突，但已經決定聽媽媽話。呢個時候，爸爸嘅戲份到了（成部片入邊真係好少，屋企主要係媽媽話事，爸爸好多時都想就個女但被媽媽阻止）：佢發現咗Mei喺學校籌錢時拍攝嘅開心視頻，所以揾到Mei要佢再諗清楚要唔要封印嗰啲雖然唔太好，但都係自己真實一面嘅部分。Mei喺嗰陣都知道咗媽媽當年為咗同爸爸喺一齊而變身出嚟嘅red panda好勁
嗰次亦都因為媽媽變身時整親婆婆，而搞到兩母女關係緊張，一直都放唔低。所以媽媽喺結界(?)入邊嘅時候係以細路女嘅形象出現，佢內心停留喺嗰個時候，一直好內疚，想逼自己再緊啲，去滿足自己嘅媽媽。但當遇到心上人時，呢種聽話又好難受（都係愛嘅人，點算好？）當時嘅Ming放任自己嘅力量去施壓，結界係有好有唔好，確實可以同Mei爸爸一齊，但同媽媽都行遠咗
而Mei，就係嚟打破呢種可能係詛咒嘅傳承，why not both? 媽媽當然愛，但都唔應該犧牲自己，要忽視真實嘅自己甚至改變佢，係極度痛苦的，而且只會令到呢個詛咒繼續落去，讓自己嘅下一代繼續這樣的痛苦
最後，Mei決定留低自己嘅呢個能力，喺自己覺得適當嘅時候就變身，一樣會喺宗祠幫手（要賺錢修復媽媽造成嘅破壞），但如果想出去玩嘅話都會出去
電影總體嚟講唔係乜嘢好有思想深度嘅片，相對嚟講比較青春同日常，有神話嘅情節但唔會覺得世界觀變得好大，喺普通嘅故事入邊亦都容易共鳴令人感動。而且道理都比較好地表現出嚟，有觸動到嘅話其實真係幾正。所以，深度推介~
評論留言区