天真老人扭計

終於都有返啲雙休，而且都知會收返公屋，而且都比預計中要晏（原本以為得3個月），同埋本身諗住睇埋鬼滅。加埋一齊就事隔六個月去探婆婆 前文都有講過，婆婆而家可以講到嘢，不過唔知係咪因為太多個月冇傾偈，基本上都好少主動同我哋講嘢，同埋可能都好多嘢唔識發音，畢竟大腦始終都係有損傷 比較主動講嘢嘅時侯就係覺得痛，最激動時就係我哋臨走想戴返個護手，就直接扭計唔制：「唔好啊……痛……」，結果就係無奈要揾姑娘姐姐幫手 不過都老咗，可以天真啲想點就點，都有聽講話老人就係會越老越似細路，年輕時吃咗咁多苦，享受下幾應分，以後嘅話大概都好難再有更大嘅進展？當前就抱住最消極嘅諗法，有任何進展都當係賺到 BTW，院舍環境都好，姑娘亦都幾nice，只能講公立係正好多，期待下次再會，應該唔使太耐！