第二場，一開始見到萊度同任駿飛都可以上，以為今晚終於可以稍微全員出戰 結果打咗冇幾耐，趙睿被打到面落去唞，阿飛同萊度上咗一陣，狀態唔好，而且都係有傷，睇佢哋落場都好辛苦就知道今晚係格硬復出，所以後邊佢哋都冇再上 之後第二節後半段蘇偉同趙睿嘅奇陣實現反超，嗰一波真係極大地鼓舞士氣（唔知係咪打醒咗趙睿hhh 到第三節，周鵬笪生魚噉笪，睇到心慌慌，希望無事，傷病散退 結果都知道了，三個人打唔到，輪換少得可憐，後邊體力跟唔上，進攻打唔入，輸咗比賽 真係好唔甘心，因為今晚正正證明咗，健康嘅廣東同遼寧有得揮，要睇到其實阿聯、周隊、威姆斯發揮都唔算好，而喺咁艱難嘅情況下可以將比賽拖到第四節，並喺第四節一度反超，就知道廣東真係唔差，所以真係好唔抵 anyway，今日都可以講係盡晒力了，所以可以接受 比賽未完，至少仲有一場，下場加油！win or go home，一定可以嘅！

CBA半決賽廣東對遼寧第一輪 紙面實力嚟講確實差得有啲多了，特別係萊度打唔到，第二陣容好難對得上（雖然平時話萊度表現嘛嘛哋，有時睇到佢上籃唔入就想嘔血……但佢真係保證咗廣東隊第二陣容嘅下限 所以希望下一場萊度可以返嚟，大家全陣容較量一次，至少肯定唔會輸得咁多 繼續加油！

喺佛山打嘅CBA常規賽收官戰 廣東對山東 周隊最後兩罰緊張到不得了，因為平時穩定二中一，結果全中！99-99加時！好嘢！真估你唔到 哈哈哈，笑死，唔通繼續加時，110-110？ gg，犯規？真犯規添，冇得雙加時了，三罰一中，0.8秒，有冇得絕殺？ 噢？冇了，廣東開波失誤 山東球員開心到咩噉，哈哈哈，因為呢場贏咗附加賽唔使打廣東 不過今日比賽裁判真係無語，趙睿、易建聯畀打到面都唔吹犯規，阿聯仲要被打到個眼腫晒，簡直業餘到業餘，發雞盲嘅！

睇咗會激死人。。 大韓唔知為乜咁燥火，直接過嚟喐手；被激怒嘅後，威姆斯都控制唔到自己，跟住雙方都被奪權，呢度嘅判罰都算可以，而且出現第一次禁聲，呢個可能要屏蔽一啲粗口，都算了 但主場球迷真係素質超低，搞到信號轉播提供商要多次禁聲，就感覺信號好鬼業餘，唔可以控制聲道，播放裁判嘅聲and球場嘅聲而只屏蔽現場球迷嘅聲音咩？一刀切晒所有聲音。。聽鬼聽馬，連裁判講乜鬼都唔知，只能靠手勢大概判斷 0:00/1× and裁判偏得十分無語。。軒仔第一個違體係前邊吹嘅，大家睇睇合唔合理 0:00/1× 我已經唔想講嘢，跟住大韓同威姆斯一換一之後。。我其實仲覺得有得打嘅，跟住軒仔就又被吹咗一個違體，話佢有墊腳嫌疑，大佬，對面係射三分，跟住落地前後腳踩喺三分線內喎。。不過本來國際籃聯就唔會理你係咪有意or唔小心，所以呢個吹罰都唔算離譜，但前邊呢個？ 打手唔吹，吹反搶違體犯規，只能呵呵了，你睇錄像唔睇前邊嘅，只睇自己吹嘅動作嘅，叻仔主場哨 賽後嘅球迷傻仔種族歧視更加冇嘢講，宇宙球隊球迷，犀利到爆炸，到時攞唔到冠軍咪喊！咪鬧對面球員，