連續兩個禮拜一都休息！禮拜日睇完F1唔使早睡早起返工，好開心！美洲賽如果都係噉就可以毫無顧慮地挨夜喇 夏休之後呢兩場比賽都好好睇！ 荷蘭就意外頻發，邊個會諗到法拉利兩部車都完唔到賽DNF，更加諗唔到Norris差幾圈但堅持唔到直接拉開冠軍分差，同時將用咗成場其他策略嘅Max送上第二位，開心主場 意大利呢場都幾好玩，大直路多，高速彎刺激，結果主場嘅法拉利不單止上唔到頒獎臺，以往嘅得意鏡頭都少咗，俾麥拿倫笑死…… 諗住幫Norris拎冠軍，遲遲先畀Piastri換胎，結果後邊Norris換胎失誤晚咗，就要Piastri將個位置讓返出嚟，真係笑死。諗住後換怕有特發意外形成undercut，結果車隊本身係嗰個特發意外，勁好笑🤡 紅牛都係唔好搞咁多嘢，聽Max嘅意見，堅持低下壓力靠火星人嘅技術，真係競爭力唔差㗎 下年改制，今年好多車隊都唔會再升級，焦點都係放喺邊個會最終拎到冠軍，期待下場精彩~ 今晚就繼續嗨先~唔使早瞓就係爽！

上禮拜嘅摩洛哥站睇到瞌眼睏，西班牙就正好多 起跑就精彩連連，同埋紅牛嘅策略都差啲成功攪局 最後嘅MVP就要畀虛擬車，直接玩謝咗Max，得返跑唔完嘅舊紅胎同新白胎，一出pit就已經嬲：點解會係白！well，因為用咗三停戰術已經冇計…… 人哋全紅，你白，唔輸都難，綠燈之後就俾千年老四Leclerc超車，跟住又俾Russell喺一號彎撞出去，跑咗兩圈之後車隊話要讓位畀Russell，唔情願地讓咗之後又即刻撞過去Russell，結果第五都冇埋，拎罰扣10秒，呢站得1分…… 都真係幾黑仔，對Max嚟講，前邊搏殺咗咁耐都只係守住第三，跟住一個意外黃旗就一瀉千里。嬲到爆就衝動，車迷都唔意外，我自己都可以理解嘅，今年車麻麻拍馬都追唔上麥拿倫，起跑精彩都守唔住，仲要臨尾香有意外，唔火都難真係。不過呢，既然都做咗daddy，都要收下火㗎喇，每一站都盡全力就ok，結果同意外呢啲冇人會提前知，我就寧願佢一嘢揸返車隊算，引擎等於73年嘅感覺都真係笑死

一停又冇乜變化嘅天氣，正賽實在勁悶 不過排位賽就真係好刺激，Max完全壓哨拎到杆位，夾喺麥納輪中間，哈哈，really crazy 只能講不愧係喺鈴鹿嘅Max，實至名歸 不過今年麥拿倫機會大好多