2025

A collection of 47 posts
影視

花月殺手 Killers of the Flower Moon

故事嘅背景就好似係美國歐塞奇族版嘅禍福相倚：一開始係白人驅逐原住民去到一個偏僻荒涼、白人根本唔會去嘅地方，但後尾發現當地有大量石油，可以講直接一夜暴富。But，好景不長，有錢又點，都唔係掌握喺自己嘅手上：要去銀行解釋用途先可以取錢，同埋國會通過法律要設置一個「監護人」管理財產，原住民基本上都俾認定爲無理財能力，而繼承權都係由「監護人」繼承，所以歐塞奇族嘅血統都慢慢融入到白人社會…… 女主角Mollie嘅屋企係全女？唔知究竟只係代表性，定係暗示男人嘅死亡率好高？樹大招風，錢多都會吸引人接近，最令人防不勝防嘅就係表面笑騎騎，話要尊重同保護當地人，但係背後就指使其他人去犯下傷害佢哋嘅事，超級恐怖 有噉嘅惡意在旁，即使再小心同警惕都會出事，因爲對方唔會一次失手就立即放棄，重金之下有勇夫，前赴後繼地去攻略，再加上幕後黑手欺騙同操縱，從中搵到真心中意target同攻略成功就唔會太難。 當然都唔係任人魚肉，見到屋企人一個接一個死亡，Mollie都決定要向上反映，因爲一直都捉唔到兇手，只係派人去，但調查員死咗/失蹤之後，就親自去華盛頓見總統。亦好在未晚，喺慢性毒藥殺死自己之前及時得到治療，恢復到
2 min read
影視

CoCo 尋夢環遊記

唔熟唔食，朋友害人……合作出歌，闖出一片天，都好好吖。fuck，據爲己有毒死拍檔，太賤格。但呢種人往往喺歷史上好好，因爲根本冇辦法通到鬼界講得返真相究竟係點樣一回事。 就算係屋企人，都可能唔知對方諗緊乜嘢。因爲唔點提，相片嘅頭部都折埋一角，所以屋企人以爲憎死，唔想提。但事實上係掛住（否則真曲神一早魂飛魄散），同埋都知爸爸係愛自己。因此認爲音樂係坏嘢，絕對唔可以掂…… 如果唔係有血統繼承，勇於追夢，唔小心因爲偷結他變鬼魂嘅細路，真係就變成咗悲劇。好多時家長們都忘記咗，細路自己先係最愛同埋最可以100%負責嘅人，其他人都唔應該指定/強行安排佢哋嘅未來，否則，究竟係邊個活着，同邊個清楚？ 感動還感動，都有諗唔明嘅bug。既然死咗會去第個世界，啲鬼應該好清楚發生咗乜事先啱？當然可以話係懵，真係以爲自己骾死……really serious?即使係噉，都應該知道對方盜用咗自己嘅歌，就算拍檔死咗都可以署名作曲作詞人，既然咁爆咁紅，同埋自己呢邊都一樣有人證，記得旋律之類。不過既然係細路向動畫就唔計較咁多。 如果真係可以通到鬼界，估計就可以想見好多歷史人物都要「
2 min read
影視

陰陽迴天

整體幾收貨，因爲質量比較穩定，對於原創嚟講好難得。 一個好嘅屋企，一定要有家訓！好中二笑死，成家人都係自細就噉長大，正義感同精神意志max。而可能係感應到血緣相關嘅月宮嘅求救（喺夢中？定係其他異世界嘅記憶？懷疑係大時鳥幫手轉移記憶或者意識），所以俾召喚到異世界。 點都好，真係撞到咗月宮，但呢個時代係過於早期，仲喺晴明嘅控制下，根本唔會發生千年後嘅黑暗世紀，噉嘅設定都幾好玩。 因爲未來太絕望，大家只能屈喺月球生存，科學家成功研發時間（意識）穿梭機器，只能一個人用，所以不如自己用，而又要鎖定未來不變（否則自己同不死鳥嘅存在可能會被抹殺），可以講超變態，殺晒所有人類只爲自己，但佢自己都係噉樣活下來，唔好彩嘅一早死咗，都的而且確滅世計劃係最方便自己嘅做法，唔使去顧及其他，唔係佢本身就咁變態殘忍，而係呢個世界教佢噉樣做…… 結果因爲呢個鎖定，晴明時代嘅陰陽術受到改寫，令到有啲命運改變唔到，算極都係死棋，都的確係一個令人絕望嘅未來，如果唔可以靠自己改變到嘅話。（呢段邏輯其實唔通？真係因爲一個洪水就會抹殺月宮同大時鳥嘅存在？大概都係計算出錯我估，因爲好難將冇發生洪澇同月宮嘅先人出事劃上等號。
3 min read
影視

BULLET/BULLET

睇完上半1-8嘅感受： 遠冇諗到原創動漫會有噉嘅水準，雖然只係睇得上半季8集，都已經超驚豔！故事嘅發展都幾流暢同埋唔點拖泥帶水。 隔絕唔同階級嘅人，以謊言去蒙蔽世界嘅真相，因為平時都睇唔到對方，所以一般嚟講都唔覺有現實感。貧民區嘅人以回收垃圾為生，誤以為有毒氣而戴面罩，結果係採集延長他人生命嘅自身細胞 DNA端粒……噉樣嘅眾多平民賺得嘅大部分錢都係用來圈養「王城人」，壽命亦都得三十幾歲，仲以為係病咗，但實質上係端粒快玩完，因為早衰而快死…… 用低級娛樂卡通人物洗腦，都好易理解，日頭辛辛苦苦先得少少錢，放工就開心飲酒打牌算數。少有人想儲錢買藥都係天價，而且只係安慰劑。如此無望嘅世界，正正係容易沉迷於簡單快樂嘅機會，前邊嘅飲食、博彩都一樣。if no，人生都真係幾無趣，就冇咁多人可以剝削。而當吉爾通過眾多同伴嘅主動犧牲，劫持呢個娛樂節目嘅訊號，並揭露呢個黑暗面，好多人都只係：唔信；「噉又點啊？」；咪阻住睇人氣卡通角色；而家噉樣都OK啦，何必要改變？ 賭上所有得來嘅結果係噉樣，同打手大boss巴洛嘅講法一致，只係徒勞無功。事實上，羣眾都真係只會盲從，所有變革、革命都要靠少數人嘅不斷努
6 min read
伺服器

升級上almalinux 10

因爲9都真係有啲out，尤其係python得3.9搞唔掂，而原先嘅版本又好難直上10，所以就轉almalinux順便上埋10，享受python3.12! # 轉almalinux 8或者9 curl https://raw.githubusercontent.com/AlmaLinux/almalinux-deploy/master/almalinux-deploy.sh -o migrate2almalinux.sh && bash migrate2almalinux.sh && rm -rf migrate2almalinux.sh && reboot # 升上10 yum install -y http://repo.almalinux.org/elevate/elevate-release-latest-el$(rpm --eval %rhel).noarch.
1 min read
博客

音樂播放器成功！

好耐之前喺分享區整咗一個可以背景播放嘅播放器，但都真係幾難用……一嚟冇得跳上下首，二嚟又冇得控制進度音量等等……同埋得嗰個page可以播，點去第個頁面就玩完…… 算係幾得閒，就扚起心肝研究下點樣整個全個blog無縫連續播放嘅辦法 雖然網上都有唔少方法，不過自己整起身都唔少問題 簡單介紹下方案：APlayer + Pjax 但係呢，Valine評論區冇辦法重新加載…… 所以就需要喺呢個方案基礎上寫多一段重新初始化Valine嘅代碼，搞掂~ <script> // 對所有跳轉綁定pajx容器（id="pjax-container"嘅內容生效） $(document).pjax('a', '#pjax-container', { fragment:'#pjax-container', timeout:8000 }); $(document).on('pjax:complete', function() { // 重新初始化Valine new Valine(
1 min read
F1

開心F1後狂歡

連續兩個禮拜一都休息！禮拜日睇完F1唔使早睡早起返工，好開心！美洲賽如果都係噉就可以毫無顧慮地挨夜喇 夏休之後呢兩場比賽都好好睇！ 荷蘭就意外頻發，邊個會諗到法拉利兩部車都完唔到賽DNF，更加諗唔到Norris差幾圈但堅持唔到直接拉開冠軍分差，同時將用咗成場其他策略嘅Max送上第二位，開心主場 意大利呢場都幾好玩，大直路多，高速彎刺激，結果主場嘅法拉利不單止上唔到頒獎臺，以往嘅得意鏡頭都少咗，俾麥拿倫笑死…… 諗住幫Norris拎冠軍，遲遲先畀Piastri換胎，結果後邊Norris換胎失誤晚咗，就要Piastri將個位置讓返出嚟，真係笑死。諗住後換怕有特發意外形成undercut，結果車隊本身係嗰個特發意外，勁好笑🤡 紅牛都係唔好搞咁多嘢，聽Max嘅意見，堅持低下壓力靠火星人嘅技術，真係競爭力唔差㗎 下年改制，今年好多車隊都唔會再升級，焦點都係放喺邊個會最終拎到冠軍，期待下場精彩~ 今晚就繼續嗨先~唔使早瞓就係爽！
1 min read
影視

NASA關鍵少數

中意臺譯嘅《關鍵少數》多啲，而唔係港版嘅《無名英雄》 btw先講題外話，wikipedia上邊都幾好玩，竟然有人寫「约翰遜」搞到地區譯名規則唔生效，一開始都睇唔到，但「约翰遜」，簡繁混雜係想點，可能最開始係編輯出錯跟住一路copy落嚟？帶有少少強迫症嘅本人就接受唔到，一嘢改咗佢 新事業，必定需要好多人參與。NASA嘅太空事業，就包括咗計數、計算同埋工程設計等等。但當時係20世紀中期，平權運動仲未取得重大勝利，所以工作環境都係要區分白人同有色人種。NASA都唔例外，有一個專門嘅建築物去作爲有色人種嘅工作部門同相關場所，而故事嘅主角就係海報嘅三位女士 就算係喺有色嘅計數部門，主管都一定係白人優先，如果無嘅話寧願空缺咗先，就算Dorothy而家做緊嘅就係主管嘅工作都好，都只係代理主管，根本冇得爬上去。well，如果冇咩機遇嘅話，就真係唔會有任何改變。好在，生得逢時，有新技術嘅發明同引進，當然首先都要留意觀察到，先會得知有個大型計數機器有能力取代自己嘅位置。跟住就係要主動出擊，搵資料學習，然後又遇上種族歧視問題：得白人區嘅圖書館先有最新嘅教學書，但又唔畀有色人睇。OK，無謂忍，直接拎走！
5 min read
影視

人造天劫geostorm

未來技術被惡意利用嘅恐怖？能力越強，失控起身造成嘅損害都超大。一項技術，有能力者溝通唔到都係廢，因爲說服唔到其他人監管同控制嘅話，就會俾搶走。不幸而又幸運嘅係，由自己嘅細佬take charge，自己就噉返歸湊女算 problem，如果查唔到錯又冇記錄，就好有可能係人爲造成。而即使係咁未來嘅科技，都係要去現場調查？somehow strange，最好當然係有太空同地上兩並行控制臺，至少如果出事都有backup 一樣事物，最了解嘅都係佢嘅創始人，畢竟花咗大量心力去搞出嚟嘅嘢，所以出大事之後都係要搵返開山鼻祖，都係一種無奈之舉，甚至有時呢個人都搞唔掂。理想嚟講，呢啲都應該係要代代相傳，否則如果呢件事發生喺好多年之後嘅話，要搵邊個嚟解決呢？ anyway，最後都係飛上去處理呢個大問題，過程嚟講都幾正路，至得意嘅就係encoding消息，講真係好難做得到，要計時間、語速同埋默契 當然，再熟悉都會有唔記得or有變化嘅情況，所以都要有現任負責人帶路同引導，都可以話係某種工具人嘅 懷疑人係應該嘅，尤其自己條命都差啲玩完時，只不過好難target到真正嘅目標。喺呢種情況下，點算？絕對唔可以單
2 min read
隨筆

天真老人扭計

終於都有返啲雙休，之前都知會收返公屋，而且都比預計中要晏（原本以為得3個月），同埋本身諗住睇埋鬼滅。加埋一齊就事隔六個月去探婆婆 前邊嘅post都有講過，婆婆而家可以講到嘢，不過唔知係咪因為太多個月冇傾偈，基本上都好少主動同我哋講嘢，同埋可能都好多嘢唔識發音，畢竟大腦始終都係有損傷 比較主動講嘢嘅時侯就係覺得痛，最激動時就係我哋臨走想戴返個護手，就直接扭計唔制：「唔好啊……痛……」，結果就係無奈要揾姑娘姐姐幫手 不過都老咗，可以天真啲想點就點，都有聽講話老人就係會越老越似細路，年輕時吃咗咁多苦，享受下幾應分，以後嘅話大概都好難再有更大嘅進展？當前就抱住最消極嘅諗法，有任何進展都當係賺到 BTW，院舍環境都好，姑娘亦都幾nice，只能講公立係正好多，期待下次再會，應該唔使太耐！
1 min read
隨筆

現代醫學嘅奇蹟！

如果跟開嘅話，就知道我婆婆年初嘅時候中風，雖然已經好快就轉醫院注射靜脈血栓溶解劑，不過都離第一時間好遠。後尾更加因爲發燒發炎有嚴重嘅生命危險，好在大步檻過咗，但都係偏癱同埋吞嚥困難食唔到同講唔到嘢 而冇耐之前，喺我姨嘅引導下可以斷斷續續講到幾個字，實在係太好喇！點解話係現代醫學嘅奇蹟，因爲喺當時通知注射靜脈血栓溶解劑時有講到注射時間同相應嘅康復概率，真係可喜可賀 不過呢，期望都係唔好set得太高比較好，畢竟退化之後可以恢復幾多都係未知之數，而家噉樣已經係比較好嘅進展，期待更多，不過如果達唔到都平常心對待，而我自己都真係幾想可以同婆婆再飲一次早茶，用自己賺到嘅錢請，希望可以有呢個機會
1 min read
職場

小緊張係動力，大緊張係失敗

開始要返工，培訓期間有個演講pk嘅展示 其實前幾輪覺得都未到預期，好一般。但係隊友都話OK……但我又唔覺自己要求太高，不過當然冇錄像嘅話都唔知喺聽者嘅角度係點樣嘅情況 finally都係晉級失敗，實話實説都係最緊張嘅一次。前幾輪都有做演講前嘅減壓，最後一輪就冇，各方面原因，未瞓夠，比預定時間提前等等…但都主要係怪自己，一開始就口窒窒，好似新手噉……諗起都覺得丟架 除咗緊張，可能就係因為未鎖定到聽眾，前邊嘅評委多數耷低頭或者睇平板，唔知係咪聽多咗唔想聽，結果我自己都越來越慌，勉強急急口講晒算數 所以都幾佩服以前學校嘅老師係點慢慢適應同習慣，不過有工資又唔同講法嘅，如果今次有金錢獎勵，可能我都可以講到霹靂啪啦😆（假設性情況咩都講得 結果嚟講，都唔算差嘅，同時間都回應返演講前嘅計數，以保底計已經夠，結果都真係包尾，笑死。當日情況嘅話，表現係差啲，不過，真係差到包尾又唔至於，所以排名係點都由佢。哈哈，當然前幾輪都一樣，如果唔雙標，結果就係變成成篇嘢都係雙標：如果全部排名都唔理佢，就一早淘汰咗。而家晉級到中途又話唔計？邊有噍完鬆嘅道理！ 咪諗咁多，歎下休息日先！
2 min read
伺服器

伺服器空間大爆炸

久唔久上去睇下，結果吓一驚，少咗十幾G空間，一開始仲以爲無啦啦俾人hack入咗 慢慢定位先發現係wordpress個container嘅log文件爆炸咗，原因係更新咗mysql版本之後唔記得重新restart wordpress，結果一直報錯連唔上數據庫。短短幾日誕生咗12G嘅log文件？？ 直接剷走咗個log文件，修改docker配置再重啓，搞掂 echo -e '{\n "log-driver": "json-file",\n "log-opts": {\n "max-size": "10m",\n "max-file": "3"\n }\n}' | nano /etc/docker/daemon.json systemctl daemon-reload
1 min read
影視

你的名字

九年前同誰睇首映，九年後又喺邊個身邊一齊感動落淚？有啲問題唔係問題，而只係一種感觸，下一次重映又會係點，呢個真問題暫時冇人知答案？yes，就算係而家想確認，始終都係不確定嘅事情 如夢境般嘅超時空掉轉生活，一開始係驚同困惑怕醜，後邊就係喜同放飛享受 事實上，如果可以體驗第二個人生，大概好多人都會好開心，呢個都係人之常情 如果話一開始係陌生同困惑，慢慢熟悉之後就放飛自己！ 心心念念嘅東京男仔生活，食！去coffee店飲咖啡食甜品，食到要打多份工都真係笑死！打工邊學邊食女，同餐廳嘅善良女前輩打好關係 變成女仔，er，只能講有啲誇張，一起身就情不自禁胸部按摩……講真都幾嘔心同變態。面對言語欺凌直接爆發，打波都超勁，勁型。有一個鏡頭都好touching，行山路嘅時候主動孭嬤嬤，開頭應該係唔習慣女仔嘅力量，企唔穩，後邊就行得好穩陣 點解瀧說服唔到但三葉可以？一個係逼上梁山，以結果先行，只係爲咗救人，but問題係，對方唔單只係町長，更係三葉嘅爸爸，就算平時唔點交流，嬤嬤亦唔中意從政，但都係有情感上嘅聯繫。最親近嘅人同時都係最熟悉嘅人，所以當身邊嘅同學朋友覺得奇怪嘅時候，佢哋會直覺明白唔係原來嘅
5 min read