新年隨想

祝大家新春快樂！時間真係過得好快，噉又一年喇

呢一年，同樣發生咗好多事，無論係成個世界，定係我自己；令我覺得，每一年都係非常獨特而又深刻嘅一年，只係取決於你點睇

好多嘢我哋都控制唔到，但第一個願望就係希望世界和平，真誠而尊重彼此地交流。係，其實戰爭嘅陰影一直都籠罩住，從未離開，今次嘅俄羅斯入侵烏克蘭同樣如此，場戰爭自2014年起就已經開始咗；而更加致命嘅係，政客自始至終都未下定決心要通力合作去構建更好嘅一個世界，really sad，可能就係要到每個人都放低一啲自私，先有可能做得到，而家只能睇住歷史一次次換個方式嚟重演，如果冇任何改變嘅話

喺中國嘅情況都一樣，呢三年嘅疫情防控，終於喺習總書記坐穩位置之後迎來大家期待已久嘅放開（所謂嘅「調整優化」），但，呢一切都係政治使然而同專業科學無關——否則冇可能喺幾乎冇任何準備、新變種未研究清楚嘅情況下一下子將全部人暴露喺病毒面前——其實就可以直接講係草菅人命，絕對係一場人禍
但，所有嘅代價都唔會有道歉同負責，我見得更多嘅係將所有嘢推畀之前支持放開嘅人身上……都幾冇腦，好似呢啲政策嘅改變係我哋做嘅一樣，永遠都係「大人」嘅遊戲，我哋去支持乜嘢，抗議乜嘢，你估真係咁有用？唔可以講一啲用都冇，但基本上其實真係影響唔大，唔係話民主嘅，點解又會噉？——下一個問題

而更可惜嘅係通行證過咗期，辦理嘅人又多，大概都係去唔到香港，唯有等半年後睇睇

外部太多嘢都控制唔到，我慢慢都開始接受呢個事實，亦可能係我變得更悲觀；總之，我今年更加多地關注自己同身邊嘅人，因為呢個係我自己可以做得多，而且可以做得更好嘅嘢
我細妹今年嘅願望係考90分（佢知道考100分幾乎冇可能），跟住媽咪買雪糕佢食——都幾得意，細路嘅願望確實微小而又快樂；而我自己就會奢望所有自己關心在意嘅人可以一齊陪我過新年，但又會太自私。所以就希望佢哋都健健康康平平安安，尋找到自己嘅方向同方式，最緊要嘅係要快快樂樂

越大，越覺得快樂其實唔難，但又真係好重要——連帶住自己都變得更加有趣同「可愛」（？），雖然始終覺得幾怪，不過都解釋得通，所以就繼續啦，開心就好~

而今年都睇咗唔少書同電影，電影睇多咗，書反而覺得少咗，and as i said，唔係覺得數量少，而係時間少
如果要推薦嘅話，電影我會推薦《在車上》，準備翻睇之後再寫觀後感
而書嘅話，就推薦《午夜圖書館》，引一段作為結尾啦，再次祝大家新春快樂

「我學到的事（by平凡如眾的小人物）」

抱怨我們不曾擁有的人生很容易。我們常會希望自己發展其他專才，或接受其他機會。我們常希望自己更努力，愛得更好，理財更精明，更受人歡迎，也希望自己留在樂團、去澳洲、答應和人喝杯咖啡或花更多時間做瑜伽。
我們不知不覺中，會懊悔自己沒和那人交朋友，錯過那份工作，沒嫁那個人，沒生小孩。我們經常透過別人的目光看自己，希望自己能符合他們的期望，成為千變萬化的模樣。後悔很容易，我們會無止無境地後悔，直到時間終結。
但真正問題不在於我們後悔自己錯過人生，而是在於後悔本身。後悔讓我們枯萎凋零，讓我們覺得自己是自己和他人最可怕的敵人。
我們無從判斷其他版本的人生是否會更好或更糟。確實，那些人生也存在，但你也存在，而那才是我們該專注的存在。
當然，我們不可能去所有地方、認識所有人或做所有工作，但我們保有所有人生中的所有感受。
我們不用玩邊所有遊戲才曉得勝利的滋味。我們不用聽邊世上所有音樂才了解音樂。我們不用試過每個葡萄園的普通才能享受喝酒的喜悅。愛、笑聲、恐懼和痛苦世間共通。
我們只需要閉上雙眼，享受面前飲料的滋味，聆聽耳邊演奏的歌曲。不論在哪個人生，我們都一樣完整，活得一樣精采，並享受同樣的情緒和感受。
我們只需要成為一個人就好。
我們只需要感受一個存在。
我們不需為了追求一切，而去做每一件事，因為我們早已充滿無限可能。我們活著的當下，未來便有無窮無盡的可能性。
所以，讓我們善待世上的所有人。讓我們偶爾從所在之處抬頭，因為不論我們站在那，頭頂上的天空都無邊無際。
昨天我覺得自己未來毫無希望，我無法接受我的人生。但今天，同樣一團亂的人生似乎充滿希望。有著無盡的可能性。
我想，活著就能克服不可能。
我的人生能像奇蹟一般，不再有痛苦、絕望、悲傷、心痛、苦難、寂寞和憂鬱嗎？不會。
但我想活下來嗎？』
想，我想。
問我一千次，答案都是想。