陰陽迴天

整體幾收貨，因爲質量比較穩定，對於原創嚟講好難得。

一個好嘅屋企，一定要有家訓！好中二笑死，成家人都係自細就噉長大，正義感同精神意志max。而可能係感應到血緣相關嘅月宮嘅求救（喺夢中？定係其他異世界嘅記憶？懷疑係大時鳥幫手轉移記憶或者意識），所以俾召喚到異世界。

點都好，真係撞到咗月宮，但呢個時代係過於早期，仲喺晴明嘅控制下，根本唔會發生千年後嘅黑暗世紀，噉嘅設定都幾好玩。

因爲未來太絕望，大家只能屈喺月球生存，科學家成功研發時間（意識）穿梭機器，只能一個人用，所以不如自己用，而又要鎖定未來不變（否則自己同不死鳥嘅存在可能會被抹殺），可以講超變態，殺晒所有人類只爲自己，但佢自己都係噉樣活下來，唔好彩嘅一早死咗，都的而且確滅世計劃係最方便自己嘅做法，唔使去顧及其他，唔係佢本身就咁變態殘忍，而係呢個世界教佢噉樣做……

結果因爲呢個鎖定，晴明時代嘅陰陽術受到改寫，令到有啲命運改變唔到，算極都係死棋，都的確係一個令人絕望嘅未來，如果唔可以靠自己改變到嘅話。（呢段邏輯其實唔通？真係因爲一個洪水就會抹殺月宮同大時鳥嘅存在？大概都係計算出錯我估，因爲好難將冇發生洪澇同月宮嘅先人出事劃上等號。）晴明就喺痛失摯友嘅心情下開展一個互揪嘅百大平行世界，以百年祭嘅形式互相打鬥、進化。蠱毒呢個概念唔係錯，亦都因此召喚到業平猛呢個最大嘅變數出嚟。因爲唔講常理，坦率表達，成功團結到一班戰友。一個人再勁，最強陰陽師之稱嘅晴明都冇辦法單靠自己改寫到呢種完全冇希望嘅現實，就係噉嘅一個中二少年，不斷變強，不斷創造奇蹟，終於戰勝到大時鳥，哈哈，呢個就係中心化嘅缺點笑死，不過本身都唔會諗到真係可以直接穿越時空去隻揪咁bug。

亦因爲相信女主本性善良，跳舞俾人睇就會高興。所以有冰凍技術，千年追妻，呢個真係要贊，幾驚係全部都唔死嘅「大團圓」。重新再嚟過先係正道……點解好似好戀童變態噉嘅……就唔知未來嘅觀念會唔會接受到呢？

最大嘅感受都係做人坦率啲好，雖然有時睇得出，但唔講就真係完全唔會有機會，雖然講咗都唔會有乜結果……

敢諗敢做，只要仲有機會嘅話。乜都侷限晒，冇嘢好發揮嘅話就真係太辛苦絕望，無論係幾細嘅希望，都唔好失去信心啊啊啊！