再去一次，因為一個人愛上一座城（曾經）嘅嗰座城

曾經因為一個人愛上一座城，而家嘅話，可以好肯定並唔愛……唔愛嗰個人，亦都唔愛嗰座城……

但其實我自己都唔係咁理解自己？因為唔愛唔等於唔中意？？？究竟曾經發生嘅事算係怎麼一回事？事實上由頭開始就好似一個夢，而又突然間醒咗一樣？

我諗時間真係一樣勁好嘅嘢，令到我喺而家可以比較平靜地諗返同描述下究竟發生咗乜嘢？：

好早之前就一直對女仔有好感（後文就用「A」來指代啦，純粹方便就用？定係可能都受到某人改備註嘅影響？鬼知），幾時開始？好難講到一個好確切嘅時間，但好肯定係好早……畢竟我都真係勁易心動。原因？講得出嘅講唔出嘅都有好多，例如中意A嘅笑臉、善良同理心、覺得係同路人可以一齊分享各種事情、約定未來再見一齊玩、有動力一齊加油進步，等等……都真係幾美好。我諗A應該都察覺到？雖然亦唔知係幾時察覺

不過以上呢種情況都可以係好朋友嘅，中意還中意，做fri都幾好其實。由其是我自己都偏向不生育同單身主義，計劃嚟講都係「等待」，計畫中都至少係要再等多一年幾，跟住先同A講自己嘅心意、傾向同未來打算，不過我諗就算計畫冇被現實變化影響，過多一年之後我都未必真係會表白？因為嗰段時間我真係勁灰勁自卑，覺得自己好差好廢唔會有人中意，一個連自己都唔中意嘅人係唔會有能力去愛人。所以喺呢個角度嚟講，雖然命運捉弄咗我，但亦都無疑拯救咗我，如果呢一切都冇發生嘅話，我而家好可能比嗰陣時仲灰仲絕望，會覺得所有挫折都係針對住自己，所有嘅好事都睇唔到……

就講返現實變化係點啦，重頭戲！
當時係A高考前嘅最後一個偏長嘅勞動者假期，之前就傾過我自己嘅狀態唔好，A自己決定要同男友分手，擔心高考嘅事情之類。嗰日係諗住如常喺夜晚一齊同步視聽一部電影，不過唔知係咪因為假期嘅問題，審核咗大半日都未通過所以冇得睇（前排登錄嗰個平台時發現部電影仲喺嗰度，不過都係del咗算，因為已經一個人睇咗……），就轉為一齊傾偈。
嗰晚傾咗好多嘢，喺傾到未來計畫嘅時候，我唔確定自己有冇聽錯，A似乎講咗suki？但我嗰時基本唔點睇日漫，所以真係唔識（呢一兩年睇多咗，不過大概已經冇機會再聽到），不過我自己就比較好奇所以一直追問，灰還灰，同A傾偈時就冇咁覺，因為所有心思都放喺佢嗰度。過咗一陣之後A明明白白噉向我表白！ 真心到而家都係覺得係發咗夢，真係發生咗噉嘅事情？如果我理性仲在線嘅話，一定唔會應承。原因有好多，如上文所講自身嘅偏向、嗰段時間好灰唔覺得會有噉嘅好事會發生、同計畫完全唔同嘅故事發展、臨近高考會有影響、喺深夜（仲記得某人講過自己深夜做過嘅瘋狂事——應承網戀……）、異地戀勁辛苦等等……如果理智在線，就會先叫考慮清楚，隔日再算，考完再講之類
但講真呢種時候肯定就理智失控……你諗吓喎，中意咗好耐嘅女仔，同你表白！你自己甚至嗰段時間唔覺得會有人中意自己！所以我先講其實命運拯救咗我。不過我自己都好抵死？好似講試下定睇下先定點，雖然語氣聽唔出，但我嘅心真係喺幻想中跳咗好幾下（確切地體驗咗咩叫手舞足蹈），結果一下子就精神返成個人冇咁頹，仲好似男朋友仔噉相處
無論後邊發生嘅事情究竟係點解，我係覺得幾幸運同幸福，而家嘅我可以好自然地愛自己，享受生活發生嘅所有嘢，擁有過一段難忘而難得嘅被愛經歷，有個女仔將佢青春而珍貴嘅時間分過畀我……

後邊嘅事就一筆帶過喇，突然分咗手又單身返，度過一段痛苦後慢慢自我淡忘。我先發現自己好耐冇點開過佢嘅social media睇，而家係分享咗一本書嘅一句話

呢個長假，表弟又再約我去，今次冇諗咁多，會唔會見到，見到會尷尬定難受定冇嘢，我究竟仲中意唔中意，點解曾經覺得自己好恨A但而家竟然冇恨，係咪想做返好朋友，但又可唔可以呢？諗多人都癲，直接放低利用假期寫好夏天刊嘅計畫，再去一次，呢座曾經因為愛上一個人而愛上嘅城
well，現實都冇咁多劇情嘅，冇哦，咩都冇發生，冇見到面，究竟係慶幸定係失落？我都唔明自己嘅心情，不過，如果可以做返好朋友嘅話，就好了……

呢幾日過得幾開心，還會有下次嗎？再講