當朋友同朋友變成朋友？

有兩位朋友，佢哋識得早過我自己，但佢哋之間冇點接觸相處過，跟住過咗咁多年之後又有機會可以約見面，結果會係點？我自己都比較好奇，for me，兩位都係幾fri嘅fri，至少我自己係幾慶幸可以識到佢哋兩個，佢哋係咪都係噉諗我就唔知喇哈哈，希望唔會覺得唔值得深交啦（應該唔會有呢一日啩？

爲求下文流暢，A係原地考慮，B係到當地約見面

當然，只要係兩個人，就會有唔同嘅地方，如果價值觀相差太大，都好難傾得埋，所以A喺決定究竟要唔要應承見面嘅時候，就問下我個人對B嘅睇法

利申先，後邊都係以聽講爲主：

跟住發生咗一個比較得意嘅事：未見之前已經有啲後悔應承咗B嘅請求。

第一個係因爲A覺得B太過自來熟，我自己就覺得都有可能係因爲唔太熟，以爲A未開始做嘢比較得閒嘅原因：B諗住直接去A嘅地方見下面，或者幫手搵fri同自己一齊玩下（因爲B原來約咗嘅fri放飛機）
emm，唔知呢，如果真係唔熟嘅話就噉請求真係幾過分？至少會覺得幾唐突同怪。又或者本身可能就比較隨性一啲，諗住識多啲朋友同玩下噉

第二個就係計劃追唔上變化，A突然有任務落嚟變到好忙，噉要執行返之前嘅行程就會比較chur

最後就係A覺得B對於國外嘅情況都唔係咁瞭解，有啲想當然同埋過度解讀
其實就係衡量標準&消息源嘅關係，當然都可以統一歸納爲後者，因爲接收嘅嘢唔同，自然都會有唔同嘅價值傾向

結果呢，都係好嘅！同我自己一開始嘅預計差唔多，A同B幾啱傾，互相都有瞭解咗多啲，但願冇點傾到我本人？不過佢哋噉樣究竟算唔算fri咗我都唔確定，最後嘅最後，希望大家都過得好啲，that's all~