2022-2023 拓荒
2022-1-22
因為之前太過失望，所以講咗唔過年都唔睇拓荒！毀滅算數，真係冇乜希望，呢個陣容，頂槓都係一輪游……唔知點解一直都覺得好地地，今年特別失望，可能前邊打得好，而家太差所以唔想睇………………
2022-11-22 四連客之旅，西三對東二，拓荒能否止連敗，打低公鹿？
to be continued……
2022-11-20 主場迎戰爵士 嚟個收官贏波好唔好？
well, well……建議交易利拿特同紐基
唔知喺度打乜鬼，同爵士對射三分？好鬼鐵，唔識打內線？識吖，班克斯打得好過紐基多多聲，利拿特又係鐵到傻咗，而且有傷唔上之後拓荒一口氣追分！
真唔知講乜嘢好
對面確實打得好，尤其clarkson，勁到黐線，最後階段連續得分殺死比賽，恭喜猶他爵士重返西部第一。拓荒……好好總結啦！問題暴露出嚟其實唔係壞事，聯動一定要打出嚟，就算係單打都好，都可以做多啲擋（拆）；防守上邊都係要再梳理好，積極性係有嘅，不過問題都唔少，尤其補位嘅時候未夠快，就會畀對面好多空位或者私家路上籃機會；失誤嘅話都一樣要控制好
呢個賽季仲好長，拓荒加油！
2022-11-18 主場之旅2/3，乘勝追擊打籃網
籃網同新主教嘅蜜月期結束咗，二連敗中，而且上場畀帝王打爆，拓荒應該要乘勝追擊，擊沉佢！
又奶死咗……本身打得好地地，第三節下半段被西蒙斯帶到畀人打個14-0……大佬，組織下得唔得？太無語喇！
最後就差啲運氣，斬史蒙斯但人哋罰球得食……自己最後籃板冇卡好位，被奧尼爾準絕殺……唔識點講好，紐基狀態都係好差，除咗最後有個and 1之外
拓荒今日輸得真係唔應該，冇好好穩住分差，亂噉打，好好總結下啦，你哋冇咁差㗎
2022-11-16 返主場，打馬刺
今年馬刺都唔差，因為全部都係後生，跑得射得，所以波波可以繼續提速，將快攻、三分發揮到極致，所以馬刺戰績都幾令大家意外（好多人覺得馬刺今年應該直接擺爛），不過拓荒嘅主場，值得信賴！加油！
well，都睇到標冷汗。紐基復出，可能太耐冇打，狀態嘛嘛哋，反而班克斯打得幾好。今日拓荒嘅防守都幾大問題，失誤又多，加上馬刺本身都講過跑得射得，所以好一段時間都係畀馬刺領先
而且而家嘅定位都幾尷尬，利拿特究竟要唔要持球打？一開場被人打咗個十幾比幾（而且今年呢種慢熱都唔係一兩次，雖然基本上都可以喺第一節末段追返），但我自己覺得，噉樣打都幾奇怪，前邊不斷留力、傳波畀隊友，隊友打得好嘅，就會好好打，但萬一唔準……真係諗起都驚，上嚟就整個十分嘅坑去填，感覺上都係要儘量揾到一個平衡，你利拿特點都要打下，噉對方先會重點防守，跟住啲傳球助攻率先會高好多，就好似下半場同班克斯嘅擋拆噉（令到班克斯可以殺到去84%命中率嘅地方上籃）
好在最後都係無驚無險，馬刺呢班後生都係經驗差少少，後邊畀拓荒衝擊波之後唔識打波。恭喜拓荒可以繼續坐住西部第一嘅位置，加油加油！
2022-11-13 客場之旅收官戰，對陣牛仔
牛仔狀態最近嘛嘛哋，應該可以輕鬆拿下！go！
奶死咗……今日牛仔確實打得好，三分好準，內線都好爆得（掛住紐基嘅第n日）
利拿特上半場嘅狀態都好差，不過下半場返返嚟，反超比分一直帶到去第四節中段……but，牛仔三分好鬼準，又係丁威迪，舊年（？唔知有冇記錯）末節追分連續三分係佢，今年到咗牛仔，今日又係好鬼準，最後三個三分將分差拉開咗。拓荒嘅西部第一位置……冇咗，就坐咗幾個鍾
今日要特別狂贊格蘭，又硬又準，有噉嘅二三當家真係太正喇
夏特唔知係咪絕殺完之後攋低咗自己嘅投籃包，今日鐵到得罰球攞分，而且罰球命中率都曳，希望返到主場揾返手感。而且今日真係鐵人噉上，辛苦到乜噉，繼續加油！
今年拓荒開局狀態幾好，搞到我呢個球迷都唔想輸，覺得輸就係唔好hhh，但常規賽嚟講，磨合好陣容、打法同氣氛先至係最重要，繼續加油，失敗係無可避免嘅，只要總結好經驗，下場打得更好，就值得喇
2022-11-11 客場打鵜鶘，再遇CJ
比較可惜嘅係，利拿特輪休、紐基繼續缺陣，所以睇唔到曾經嘅拓荒雙槍組合正面pk
and as I said，今年嘅拓荒真係有好大嘅改變，防守態度同質量明顯好好多，今日面對對面嘅大殺器施安都防得好好（雖然都係畀佢要到好多犯規）；而且進攻都好流暢，只要唔係利拿特同西蒙斯一齊唔打嘅話
至於鵜鶘嘅問題，第一個係球權分配嘅問題，CJ、恩格林、施安都係要球權嘅，尤其係施安，投射唔太穩定，今日嘅比賽都係噉，直至到第二節先識得打施安呢個點，早就應該噉打，畢竟紐基唔喺度，鵜鶘有絕對嘅內線優勢
第二個，其他角色球員相當比較脱節，呢個都係好多有兩三個球星嘅球隊嘅普遍問題，唔多講，都幾難去調整
third，就係教練問題，暫停都係要去叫，就算得返幾個都係噉；and唔明白點解最後華連斯冇得打……上得20分鐘，當偽首發嚟用？
最後嘅話就係球星嘅發揮唔穩定，CJ麥高林唔多講，恩格林好似腦震盪之後狀態都變差咗，所以成班波變到好唔流暢、打得好辛苦
anyway，拓荒贏咗喇！穩固西部前二嘅位置！
2022-11-10 客場對陣黃蜂
輪休弩機同格蘭，都係無驚無險輕鬆拿下！
重頭戲係聽日，CJ！南斯！我哋嚟啦
long time not see，自04-08之後未去過鵜鶘，嗰時Lillard養傷，CJ全場最高分23幫助鵜鶘輕鬆贏低，鞏固打附加賽嘅資格
今次會係點，十分期待！聽日九點，鎖定！
2022-11-08 客場之旅3/6 迎戰熱火
Lillard, Simons復出，終於可以梳理返進攻，但過程嚟講打得都幾煎熬，尤其第二節防守差咗啲，就畀熱火拉到去7分分差；但第四節，你永遠可以相信拓荒，喺落後8分嘅情況下，靠Winslow嘅變陣五小將分差一分分打返嚟，實現追平並反超！
最後，熱火三分追平之後唔叫暫停，直接開波，利拿德帶波到前場，面對三人包圍，直接分底角哈特空位三分（連球帶表送過去），穩穩命中絕殺！！！
復仇熱火成功
今年真係太驚喜喇，有好多大心臟球員可以信任，全員健康值得期待，go go go！
2022-11-06 客場打太陽，可唔可以繼續贏？
well，上場波嘅神奇不再；都合理嘅，少咗雙槍，冇組織者，而且喺客場，唔畀太陽打爆都對唔住人哋球迷……
2022-11-05 客場打太陽，雙槍缺陣，Grant成為大腿中嘅大腿
真心勁！喺冇 Lillard 同埋 Simons 嘅情況下，Grant企咗起身，係，我哋嘅組織手冇咗，但我哋唔係冇自主得分能力喎！
開局慢熱嘅情況之下，第二節通過對方失誤同打鐵反超並拉開比分
喺最後僵持階段一波又一波噉頂住咗，最後嘅1秒時間，Grant接球後仰出手！！！又係你！上次打湖人，今次打太陽，兩分入袋拒絕加時，絕殺！聽日，又係客場打太陽，一鼓作氣go go go！
2022-11-03 主場vs灰熊
難頂，就差一口氣，第四節又係打返一波返嚟，但就係少咗戴錶佬！唔係嘅話啲關鍵球起碼可以穩到，唉，希望Lillard快啲好返啦
2022-10-29 主場對戰火箭
good，捍衞主場！（不過火箭確實好差
下一場主場加油！
2022-10-27 主場迎戰熱火
Lillard 傷咗退出比賽之後大家都好似失魂魚噉，越拉越遠，希望Lillard冇大礙，希望大家都穩一穩心態
冇人組織呢件事都幾致命，啲失誤多啲癲……
2022-10-25 主場迎戰金塊，下半場一波流反超拉開比分
對陣打贏咗勇士嘅金塊，確實唔係幾好打，上半場落後
不過喺主場嘅加持之下，下半場 Simons 開始展示佢作為拓荒 one of double guns 嘅威力，第三節單節 22 分將比分反超！太癲
Upload
-
呢個賽季真係好令我期待！多點得分，都咁有衝勁同拼勁：Lillard、Grant、Hart、Nurkic、Little、Sharpe（Simons 前邊提過就唔講喇）！尤其要講下我之前講嘅下盤唔係幾穩嘅高佬替補 Drew Eubanks，今日表現都好好，有護框有封蓋，尤其因為Winslow有傷上唔到，佢嘅發揮就更加關鍵
四連勝，暫時聯盟第一~接落來都係主場，衝擊連勝gogogo！！！
2022-10-24
開心到睇完直接發朋友圈，超正！
Upload
-
2022-10-22 2連勝+主場首勝
今年嘅整體防守肉眼可見好咗好多，再次贊下Grant、Winslow同Hart雖然都係有啲位做得唔係幾好（換個角度諗就係有進步空間）
Lillard 睇嚟唔服我上一場話佢，今日狀態就好好
Nurkic 護框大山，今日都打得好硬，罰球都好穩！
Simons 末節同加時嘅復甦真係好關鍵，得分嘅能力唔可以完全失去㗎
至於太陽嘅問題，感覺就係打唔出一個整體，內部都唔係好團結，呢啲問題只能管理層同球隊內部解決，同埋Paul嘅狀態隨住歲月流逝而更加下滑，好難再保持好穩定嘅中投能力
第三場，打湖人，可惜睇唔到嚕（日常美國週末早場比賽時間都會噉
繼續加油！希望湖人咪咁快起勢先（which我係睇好佢哋未揾到最好嘅狀態，但希望唔係喺打拓荒嘅呢場蘇醒返
失誤一定要少，內線防守要硬！衝吖！
2022-10-20 開門紅！
今年常規賽開始嚕~
未開打之前，已經預咗會輸，因為四場季前賽全部輸晒——主要原因就係主力唔夠勁，而第二陣容完全唔掂，攞唔到分
但，今日，喺客場好快就進入狀態，通過成功嘅防守反擊，喺第一節就建立咗9分嘅分差；
但，第二節開始疲軟……被反超（Lillard 今場打無球嘅效果真係好麻麻）
第三節！靠Grant、Hart、Winslow嘅強硬防守同堅決衝擊內線將比分追平（Winslow雖然唔高，但下盤好穩，呢個 5 號位替補好過第個替補
第四節，帝王畀機會，瘋狂打鐵同失誤，最後迎來拓荒開門紅～，正吖！
同埋要贊下今年嘅新秀Sharpe，今日打得好準（唔知係咪偷咗戴錶佬嘅手錶hhh
下一場對太陽！加油加油！