女孩们的地下战争：揭秘人际交往中的隐性攻击

《女孩们的地下战争：揭秘人际交往中的隐性攻击》 蕾切尔·西蒙斯著；徐阳译（理想國，2021）

呢本書，幾有啓發：男仔會直不甩嘈交、甚至喐手打交，女仔就好少可會睇到。唔通女仔就唔會發火，唔識攻擊他人？

Of course not，但女生嘅攻擊方式比較隱蔽，且比較軟——唔會留低身體上嘅痕跡——但更具傷害性，所以更加可怕

作者認為，傳統對女性嘅刻板印象——女仔要温柔、善良；唔粗魯打人鬧人——迫使女性學識另一種處於地下嘅、大人好少察覺嘅宣泄心中強烈感受嘅方法

雖然研究嘅係美國嘅情況，而喺中國會有出入：因為喺中國，刻板印象更加強烈，加上傳統上強調集體主義，好可能會完全壓制住？或者有可能以更加隱蔽嘅方式進行？

我唔知女仔點睇喇，但可以講呢種攻擊方式唔止喺女仔身上有，喺男仔都有，尤其係一班男仔集體攻擊一位/幾位女仔嘅時候——我當時，其實真係唔明白點解佢哋要噉做，但我，正如書中所講嘅中間人一樣，遲早會偏向一方，喺佢哋一齊攻擊嘅時候都表示認同……即使我自己內心唔係噉諗
而家諗返起嘅話其實都幾後悔，雖然唔係自己發起，但唔知道對嗰位女仔造成咗點樣嘅傷害

我哋需要打破呢種唔健康反人性嘅刻板印象同觀念

有乜事，就應該直接講出嚟，最好嘅化解誤會、解決問題嘅方法就係講清講楚，其他方法只會產生反效果，甚至會攪彎一段價值連城嘅友誼