聖誅 مقدس‎

really bad...尤其知道咗係真事改編，發生喺20幾年前嘅伊朗

一個社會（電影入邊係伊朗）係點形成厭女情緒？宗教？可以解釋一部分原因但並非絕對，因為都有其他信伊斯蘭教嘅國家、人唔係咁極端地厭女，當然都要注意到伊朗係唯一絕大部分信什葉派嘅所以更加固守經文；文化傳統？都可以解釋一部分，因為的而且確係由來已久嘅氛圍，並唔係突然間一個伊斯蘭革命就反轉晒。而最後仲要加上政權同社會嘅默認同偏幫，呢一點喺電影入邊展示得好明顯

都要提及返一啲背景，故事發生喺伊朗馬什哈德，係什葉派嘅聖城所以有其宗教神聖性同人口眾多，所以如果係普通嘅連續殺人事件應該會毫不猶豫地為咗治安全力緝拿而唔係一次次畀兇手喺同一個有目擊者嘅地方犯案&同一個地方拋屍

first question：既然都知係喺聖城且社會極度厭女，點解仲有咁多女性要犯險喺聖牆附近從事性工作？

第一個原因當然係經濟問題，窮人要揾出路，但喺噉樣嘅社會，女子一個人係寸步難行（女記者如果冇證件表露自己身份都冇可能住到旅館），基本上只能依靠屋企嘅男人。但如果父親老咗或走咗，同埋又無丈夫（未嫁/離異之類），電影嘅第一個受害者就係一個單親媽媽，只有屋企嘅老父親根本冇辦法揾食生存，而又唔係受過教育嘅中產如女記者噉根本冇任何工作機會，求生存下幾乎係冇其他選擇

第二個係治安同社會默許。噉講可能會好奇怪，因為前邊先講咗連續命案有政權同社會嘅認同。其實係噉嘅：試諗下，如果治安捉得好嚴，喺咁神聖嘅聖牆附近絕對冇可能可以聚集到咁多性工作者揾食。講到底，因為大家都知呢個就係底層婦女嘅悲哀命運，所以治安都唔會嚴捉。同時，都有勁大量嘅需求，which畀污名化為勾引有婦之夫但實際上根本就搞反咗主動方

second： 點解電影改編要加入女記者呢個主角？

案件發生的時候，導演阿巴西還在德黑蘭讀書。當時阿巴西對保守派稱讚賽義德是英雄感到困惑，也明白警方為什麼花這麼長時間抓他。後來阿巴西看到賽義德在馬齊爾·巴哈里的紀錄片《一切要從一隻蜘蛛說起》（2002年）中受訪，開始構思電影的劇本。阿巴西說：「很奇怪，我對這個人產生了莫名的同情。我覺得他殺人尋歡、性慾扭曲等方面有精神病的因素，但也存在一種莫名的無辜感。這部電影更着重展現社會如何塑造一位連環殺手。」劇本初稿較為忠實於案件，但阿巴西最終決定逃脫出案件本身，加入女記者的角色，認為影片不應該只着重於案件本身，而應該展現厭女情緒。阿巴西說：「我不打算拍一個連環殺手的電影，我希望這部電影展現連環殺手身處的社會環境。這部電影講的是根植於伊朗社會的厭女情緒，這種現象不單單是宗教政治上的議題，還是文化上的議題。我們是想與其再拍一部電影介紹男子可以用不同方式殘殺、肢解女性，不如強調問題的複雜性，以及各方的利害關係，特別是受害者一方^[6]。」——from wikipedia

to be honest，噉樣處理真係好好多。冇女記者嘅加入調查，捨身犯險釣魚，就會有更多嘅受害者。明明已經有多次嘅錄音，當地報社同記者選擇壓下消息放棄追蹤，係一種消極嘅容忍；警方嘅情況都同樣如此，喺有目擊者知道兇手嘅通常出沒時間同地點嘅線索之後，唔係立即佈署警力去捉拿兇手阻止更多嘅命案發生，而係警告目擊者（唔好講出去）……從社會治安嘅角度確實冇辦法理解，只有將性工作者視為污穢、非人化先可能會有噉樣嘅默許

同埋，如果冇女記者嘅持續關注判罪同行刑，好大機率最後會判精神失常或收買威脅受害人家庭撤訴或喺法庭外眾多支持者嘅聲援下判無罪又或者最後施假刑甩難，都喺度不斷強調呢個社會係有幾厭女

and，我覺得最後個鏡頭將個殘酷嘅事實擺晒出嚟：殺人兇手的確判刑死咗，但喺當地人嘅心目中，只不過係一種使命嘅傳承……因為大家都覺得噉樣係啱嘅，應該「消滅」所有嘅性工作者，因此holy spider呢個身份唔會消失，而係有其他人繼承，儘管殺害手法唔同，內心扭曲嘅快感係一致嘅。所以最後呢一shot，真係睇到我直接一個"d**n"講出嚟

而講返現實，都要承認伊朗嘅婦女權利有唔細嘅進步，至少比起革命成功後收返好多對婦女有利嘅權利要好好多，寬容多咗離婚條件，鼓勵生育又計劃又放開返(唔知點解，呢種現象好似特別容易發生喺唔重視婦女嘅國家)等等……但呢一條路係一條沒有終點、同埋需要自己去爭取不斷進步嘅路途，祝願所有人都一同努力，去到更好嘅處境