無雙
因為疫情，今年好多港片都延期，噉就一於重温近年來我自己最中意嘅港片之一——《無雙》
as usual，擺條wikipedia嘅link
维基媒体项目贡献者
warning: 以下內容會劇透，敬請留意
首先電影個名就取得好好，無雙無雙，顧名思義就係冇第個，得一個，呢個概念貫穿咗成部電影；而英文名都取得好:"Project Gutenberg"，Gutenberg，歐洲活字印刷術之父，而電影嘅主要內容係偽造假鈔，同印刷有好大嘅關聯
而卡司方面更加唔使講，發哥加富城哥嘅組合，「非富即發」
更加要讚嘅就係劇本，莊文強出品，值得信賴。我覺得部電影最讚嘅唔係佢嘅反轉，而係展現出人性嘅複雜同多面，簡直一絕
廢話唔多講，入正題介紹劇情先
偽鈔畫師李問喺泰國偽造假鈔畀舉報捉到，李問喺監獄入邊喺另一位犯人嘅幫助下寄咗封信出去，跟住香港警方帶佢返香港審問，想知道偽鈔集團幕後主腦「畫家」嘅真實身份同下落。一上嚟拋疑問，多數都唔會即刻有答案——李問似乎因為驚「畫家」會滅佢嘅口，所以點都唔敢講
呢個時候李問嘅朋友，國寶級畫家阮文嚟保釋佢。警方當然唔會咁容易放佢走，但確實冇確切嘅證據最後肯定都要放，所以就借阮文嚟讓李問開口
李問就開始講佢嘅故事：同阮文喺温哥華識，想以畫畫為生，但冇人賞識，生活窘迫，互相扶持都有温暖同希望
其實又唔係冇人賞識，阮文嘅畫作有唔少人想買，而李問因為係模仿大師，冇自己嘅特色，所以冇人睺。但阮文強硬要求畫商要買埋李問嘅畫先畀佢代理自己嘅畫作，合作之事因此告吹
而李問就呃佢話已經有人買晒自己嘅畫，叫阮文放心開畫展，實際自己去咗畫假畫嚟賺錢
阮文：你這樣對自己太不公平了
李問：沒什麼公平不公平。駱先生說的對，這個世界只有一個梵高，其他的…都沒有價值
— 可是這個世界也只有一個李問，你有你自己的價值啊。
— 這幾天我一直…我一直畫這些。我…我畫的很痛快。我突然覺得，我生下來就該畫這個。如果我的價值就是做假，你能接受嗎？
— 你是我最愛的人
— 我問你你能接受嗎？
------何打斷李問嘅回憶
何警官：喂，我唔係想聽呢啲嘢啊
阮文：我想聽啊
呢度我自已就有啲奇怪：「畫家」殺咗阮文嘅愛人，李問識「畫家」但又唔講，而家講埋以前同阮文嘅戀人關係，正常嚟講，阮文應該唔會想聽呢啲？
「畫家」：你太睇小自己了。任何事…做到極致就係藝術。有心…假貨都可以做得比真貨好
歪理？點去理解？要遲啲先知
「畫家」：你知唔知道大部分做到好嘢嘅男人，都係為咗女人。我老豆說過，放棄愛情嘅男人，冇一樣嘢會做得好。
我係極少數…唔係為咗女人而做嘢嘅男人
後邊就介紹佢哋點偽造假鈔，從電版、無酸紙、印刷機、浮水印到變色油墨，非常詳細同精緻，電影拍成藝術品噉，真係落咗唔少時間同努力去學習同整理相關知識（但當然唔係教人點偽造hhh，現實中難得多
當「畫家」同李問搞掂印刷機同無酸紙，返到温哥華後，「畫家」打算幫李問追返阮文
「畫家」：一個正常男人為咗最愛嘅人，唔講大話點過成世？
李問：你就就當我唔正常得唔得吖？
— 唔得！你放棄佢，即係等於放棄你自己，我同你死過！
對應返之前嘅對話，做大事為咗女人，放棄愛情做唔好嘢
阮文：看來…那個畫家，對你的影響蠻大的。要不是因為他，我們也不會落到今天這個地步。看起來…你是永遠擺脫不了他了吧。也就是說，我們注定是個悲劇
李問：不會，我保證。
— 幹嘛要向我保證啊？在你的故事裡，我只不過是個配角。
— 你是我最愛的人，我在信上已經寫得很清楚了
我哋知道咗，李問喺監獄寄出去嘅信係畀阮文嘅。而且警方竟然唔起疑
跟住喺一次幫「畫家」死去嘅老豆復仇火拼屠村，帶走對面一個毀咗容嘅偽鈔專家吳秀清小姐。李問令秀清整成阮文個樣，「畫家」仲買咗本護照叫佢阮文
秀清睇到阮文開畫展，見到阮文嘅樣……
秀清：我終於明白了，明白你為什麼…都不看我一眼
但後邊知道阮文結婚，李問定咗兩張機票想離開
李問：秀清想跟我一齊走
「畫家」：佢要跟你一齊走？我有話過畀佢走咩？你當她乜嘢？替身吖？
秀清：我的命是他撿回來的，他想怎麼樣就怎麼樣，不關你的事。
我就開始懷疑喺警局入邊嘅嗰個會唔會唔係阮文，而係吳秀清呢？不過電影嘅節奏比較快，好快就到下一幕
偽鈔集團嘅老臣子鑫叔違反咗規矩，用假幣買嘢，結果惹嚟加拿大警察嘅注意，「畫家」大怒，鑫叔求「畫家」放過自己嘅屋企人
李問：呢啲乜鬼行規嚟㗎？要攞人一家命？
「畫家」：他使緊張假銀紙嘅時候，有冇諗過我哋幾條命啊？
行規就係行規
跟住殺埋嚟偽裝交易嘅加拿大警察，much crazier，「畫家」捉咗阮文同佢未婚夫
「畫家」：開埋咁多條路畀你揀，但你次次臨門一腳，你都揀放棄。我真係對你好失望。我畀埋最後一次機會你
得到一樣嘢，係要付出代價㗎。就算你而家話唔要，你都要付出
李問衝入房保護阮文，秀清同出邊嘅兄弟火拼，「畫家」都被李問開槍射到，之後李問同秀清匿埋，知道「畫家」未死，李問擔憂阮文嘅安危，就想要去揾阮文。「畫家」揾上門，舉報李問拉佢，李問見到「畫家」大嗌「你唔好搞佢，你要做乜嘢，你放過佢」，之後就去到電影一開始嘅時間線
呢度嘅邏輯好唔合理，「畫家」有乜可能冇死，畀射咗咁多槍？而「畫家」就算未死，點解要揾阮文，要揾應該都係揾李問先啩，除非要用阮文做人質令李問現身？阮文同「畫家」冇乜恩怨
何警官：不過我有啲嘢唔明，唔係李問，你未婚夫唔使死，你今日嚟救他，就因為…你哋曾經喺一起？其實你一直都冇忘記過李問，噉…你當你未婚夫，係乜嘢？替身吖？
阮文：你說什麼替身啊？那你那個加拿大警官死了，你找的下一個也是替身嗎？
— 佢只係得一個，不會再有下一個
— 別那麼肯定
really crazy，前邊係講李問將秀清當成阮文嘅替身，呢度警官講阮文將駱先生當成李問嘅替身，阮文又講何警官下一個都係替身？仲要講唔好咁肯定？話裏有話，超癲
何警官根據李問畫嘅「畫家」樣，捉到咗「畫家」，結果發現係嗰日一齊開車押李問返嚟嘅分局車長，大家先知被李問擺咗一道，從來都冇「畫家」呢個人，嚟警局嘅係秀清，阮文未離開過內地
綁架阮文同佢未婚夫嘅係秀清，要李問殺咗阮文，或者殺咗自己。李問啱殺咗鑫叔，加上秀清係李問嘅女人，畀好大嘅權力佢，所以可以喺李問唔知情嘅情況下搞成噉，甚至手下揸槍指住李問
不過，當仲忠於自己嘅手下想殺秀清時，李問即刻殺死自己嘅手下
李問：我還以為你不會來
秀清：你覺得我能拒絕你嗎？
說起來，你只見過我兩次，是怎麼把我記得這麼清楚的？
— 天份吧，要不然怎麼做這一行？
— 只是天份這麼簡單嗎？
— 不然是什麼？
— 那你剛才抱著我的時候，看到的是她的樣子。你心裡…想的是我還是她？
— 我剛剛抱的是你。
其實像你跟我這種人，怎麼可能得到最好的。能找個代替的，上天已經對我們不錯了。大家起碼…得到點安慰。我告訴你，有時候假的，會比真的好。只要我們盡量愛得真一點，不就行了嗎？
— 盡量？怎麼盡量啊？
— 這次我們已經露了臉，也是時候再換一張了。到時候，你要我變成什麼樣，我就變成什麼樣。好嗎？
— 好，特別好
雖然「畫家」實際上冇呢個人，但佢係李問嘅一個面向，李問有時覺得自己都係搞藝術，但有時覺得自己只係造假；會覺得自己唔需要女人，但有時又會覺得寂寞想自己係為咗女人做嘢；有軟弱嘅一面，有心狠手辣嘅一面；有想做主角嘅夢想，但都知道自己係觀眾；有知道要呃身邊人嘅一面，亦有對身邊嘅人唔知點表達自己情感嘅一面……
李問同秀清講自己係因為有天份所以記清秀清本來嘅樣貌，所以可以諗到當時李問喺監獄入邊寄畀秀清嘅喺一幅畫咗佢嘅畫。而且李問都要觀察得夠耐夠用心先記得到咁清楚——從佢被押送時從後鏡要好認真地觀察司機個樣，以至於被何警官察覺，後邊先可以畫出嚟。就知道當時李問一眼見到嗰陣就中意咗秀清，所以隔咗咁耐都可以清晰地畫出嚟
可惜嘅係李問始終冇辦法徹底表達自己對秀清嘅愛，講愛都係講要「儘量」，而秀清亦一直以為自己係阮文嘅替身而十分地唔自信，覺得李問愛嘅只係自己塊面，唔會諗到自己喺集團入邊點解有咁大嘅權力，唔會諗到李問講嘅嗰句，整容成乜嘢樣都得係乜嘢意思——其實就等於講，樣唔重要，如果重要嘅話，就唔會話整容整成點都得
其實都同李問嘅觀念有關，佢一直覺得假嘅會比真嘅好——假畫比真跡好，假鈔比真錢好，假嘅對象比真嘅好——最後一個就導致咗好大嘅問題，阮文由頭到尾都同李問冇乜交集，李問一開始貧困嘅時候當阮文係自己嘅虛擬女友支持自己，後邊中意上秀清之後，咁啱秀清毀容，所以鬼使神差之下整成阮文個樣，噉樣真正愛嘅秀清就會帶有假嘅成分（假嘅面），就唔會同佢原有嘅觀念有太大嘅衝突，而問題係，秀清唔知道呢啲事情（而喺李問嘅信念入邊係覺得有必要講大話，因此直到呢一刻都係噉，唔坦白講阮文嘅事
秀清喺呢一段戀愛關係入邊得唔到李問嘅肯定，好唔自信，所以只想解脱，同李問永遠喺一齊，炸毀遊艇
秀清：我真的累了，我終於明白了，我們就像這條船，一直在打轉，永遠也不可能前進了
李問：你什麼意思？
— 你昨天晚上說得特別對。其實真的假的，又有什麼關係呢？最重要的，就是我們在一起，這就行了
唔知呢個係咪最好嘅結局，或許係。只係我都喺度諗，李問一開始會覺得假嘅比真嘅好，得唔到嘅（阮文）會係最好嘅，到咗後邊覺得而家都好好，秀清係唔完美（得到咗，有毀容，會唔自信），但亦都好好，愛係真的愛——如果李問意識到秀清要嘅係自己嘅肯定，並進一步修正自己嘅觀念，或許，佢哋可以喺呢個世界入邊愛得更耐，更愛對方
我哋都一樣，唔完美嘅先係最現實嘅，如果真係愛，就要同對方講，否則人哋唔一定會知道。如果因為噉而冇得喺一齊，甚至發生好似電影噉嘅悲劇，就真係太可惜了
「愛，就要大膽説出來」
《無雙》，獻畀你
評論留言区