現代醫學嘅奇蹟！

如果跟開嘅話，就知道我婆婆年初嘅時候中風，雖然已經好快就轉醫院注射靜脈血栓溶解劑，不過都離第一時間好遠。後尾更加因爲發燒發炎有嚴重嘅生命危險，好在大步檻過咗，但都係偏癱同埋吞嚥困難食唔到同講唔到嘢

而冇耐之前，喺我姨嘅引導下可以斷斷續續講到幾個字，實在係太好喇！點解話係現代醫學嘅奇蹟，因爲喺當時通知注射靜脈血栓溶解劑時有講到注射時間同相應嘅康復概率，真係可喜可賀

不過呢，期望都係唔好set得太高比較好，畢竟退化之後可以恢復幾多都係未知之數，而家噉樣已經係比較好嘅進展，期待更多，不過如果達唔到都平常心對待，而我自己都真係幾想可以同婆婆再飲一次早茶，用自己賺到嘅錢請，希望可以有呢個機會