花月殺手 Killers of the Flower Moon

故事嘅背景就好似係美國歐塞奇族版嘅禍福相倚：一開始係白人驅逐原住民去到一個偏僻荒涼、白人根本唔會去嘅地方，但後尾發現當地有大量石油，可以講直接一夜暴富。But，好景不長，有錢又點，都唔係掌握喺自己嘅手上：要去銀行解釋用途先可以取錢，同埋國會通過法律要設置一個「監護人」管理財產，原住民基本上都俾認定爲無理財能力，而繼承權都係由「監護人」繼承，所以歐塞奇族嘅血統都慢慢融入到白人社會……

女主角Mollie嘅屋企係全女？唔知究竟只係代表性，定係暗示男人嘅死亡率好高？樹大招風，錢多都會吸引人接近，最令人防不勝防嘅就係表面笑騎騎，話要尊重同保護當地人，但係背後就指使其他人去犯下傷害佢哋嘅事，超級恐怖

有噉嘅惡意在旁，即使再小心同警惕都會出事，因爲對方唔會一次失手就立即放棄，重金之下有勇夫，前赴後繼地去攻略，再加上幕後黑手欺騙同操縱，從中搵到真心中意target同攻略成功就唔會太難。

當然都唔係任人魚肉，見到屋企人一個接一個死亡，Mollie都決定要向上反映，因爲一直都捉唔到兇手，只係派人去，但調查員死咗/失蹤之後，就親自去華盛頓見總統。亦好在未晚，喺慢性毒藥殺死自己之前及時得到治療，恢復到健康。

再講返男主角Ernest，「從軍」得咗PTSD，之後投靠舅父，當地嘅地頭蛇，隻手遮天，喺背後謀劃咗勁多殺人案，所以都一直搵唔到兇手，錢->殺->着草/殺人滅口->點搵到？

從一開始就俾舅父操控住，唔否定係真係好中意Mollie，但都未夠愛，如果唔係嘅話，就應該及時止損揭發，而又喺痛苦同內疚之中？始終唔值得可憐，如果唔係因爲愛嘅話，就唔應該得到原諒。

呢個都已經唔單單係仇富，而係自上而下都漠視同鼓勵犯罪，呢個傷痛，直到而家都未曾完全消失，自由主義有其成功嘅地方，只可食都唔可以完全自由，大概都唔會見到有噉嘅一日，so sad。

but remember, we still can say no and fight these all shit things.