信念

差唔多過咗一日喇，但仲有一種俾幸運女神掟中嘅好唔真實嘅感覺，how lucky I am!

「人一定要有信念，信念可以係屋企人，可以係中意嘅人，亦可以係前途，或者係自己。而無論如何，一定要有信念。」

嗯，確實。前面嘅一段時間，陷入咗一個自己挖畀自己嘅坑。點講呢，即係雖然自己好清楚知道問題喺邊度，同埋應該要點做先可以變得更好。但另一方面，一邊覺得自己唔係咁差嗟，幻想自己仲係以前嘅自己；而又一邊知道其實係自欺欺人，跟住更加責怪同痛恨而家嘅自己；一邊想改錯而又一邊想就噉得過且過……所以，我真係唔好，甚至可以講非常差，比以前嘅低潮期跌得更深同更耐

而我何其幸運，喺咁差嘅可以用「倒地不起」嚟形容嘅狀態下，都選擇行近我，相信我可以起返身，鼓起勇氣表達願意「一起變得更好」嘅表白，所以真係好感激命運嘅安排令我哋相遇、相識、相互吸引。而我，都揾返我嘅信念，要振作起身，「不可辜負」！

雖然仲係覺得有啲唔真實，但諗返轉頭，我都太過遲鈍，可能因為低谷期變得無咁敏感，同埋唔敢相信會真係咁突然。甚至惡毒地諗，係咪要多謝自己前排一劈泥撳先觸發咗。唔理，我唔理，反正而家要反彈，一個人有一次噉嘅運氣已經好難，仲想陸續有來？入精神科睇睇可能仲快啲

我哋一齊加油！一定要努力變得更好更好，至少要喺呢一年實現自己嘅目標，如果唔係嘅話，幾唔制都要反悔，因為我希望自己可以畀到足夠嘅安全感同幸福；同埋等更多地見識呢個世界，度過咗人生好關鍵重要嘅轉折期之後再返嚟睇下點樣，一年甚至更耐都願意等，因為永遠值得更好，所以我都要變得更好先得，咪到時一個搭飛機，一個開摩托車……死梗啦，諗下就知道唔會有結果

ゴーゴーゴー！また来ます！ いいえ、私はこれまで以上に良くなります!

話説，好希望可以好似電影啲男主噉，一點點可以記返起講過啲乜嘢，連屋企地址都記得到。唔理嚕，以後實有機會可以再聽，應該要令自己變得更好先。但係……如果有乜嘢變數呢？比如話，出現咗更好更適合嘅人？我都係決定要噉做，因為如我所講，值得更好，假使真係出現嘅喎，噉肯定會更幸福，就足夠喇