懂事？尊重？or 有主見

做咗一個思想實驗，都幾有意思

大概係噉嘅，如果有兩個細路，一人揀一樣嘢，揀好之後，其中一個後悔，想交換，如果另一個又肯，噉好唔好呢？

如果係大嘅讓細嘅，好多時都會話懂事，但其實係犧牲自己，而且會縱慣個細嘅；因爲我自己好大個先有細妹，好多時都比較縱（而且基本上好少有嘢會爭），所以第一時間都覺得噉樣好好，實際上，其實好唔好，因爲揀嗰陣已經揀好咗，做咗決定，就唔應該話可以隨便反悔，亦都唔應該要其他人爲此付出

如果係細嘅讓大嘅，就好明顯，大家基本上都覺得唔好，因爲本身大嘅地位、權力嚟講就高啲，再有噉嘅要求，基本上等於係施壓

當然，當其時我都諗緊，如果係揀、爭嗰陣就有拗撬，噉點算好呢？即係一開始就冇辦法分好，well，太複雜，所以我都係覺得儘量唔好有咁兩難嘅問題，或者真係搞唔掂，就當一個中立評判，等佢哋講下點解特別想要呢樣而唔係另一樣嘢，等佢哋講完之後，再自己評判下究竟自己需要多啲，定係哥哥姐姐/妹妹弟弟更加想得到……實在拆唔掂嘅，就包剪揼算，下次就另一位優先，得唔得呢？

just紙上談兵是也，幾有趣，所以mark低