錯位

情人節嘅錯位，應該講啲juicy嘢？可能會有嘅，睇到最後先？

錯位之一，一定要講嘅係至愛之一——書。平時返工中午都會去書店睇下書，因爲時間唔多，所以要好多日先睇得晒一本，有時睇嘅書比較少人睇，所以睇完放返原位嘅話第二日再去都係同一個位置，結果有日因爲有店員整理緊，出咗變數個方位判斷錯咗，搵錯咗書架搵極搵唔到，就拎咗其他書睇，書歸原位嘅時候一眼見到本書安靜地立喺熟悉嘅位……勁無奈，感覺自己好似傻仔噉

但係個故事未完，第二日睇完第一本之後搵第二本，結果真係唔知擺去邊，冇嚴格按編碼擺真係會搵死人，超級掛住圖書館整整齊齊而又安靜嘅環境……都ok嘅，時間冇幾多所以都唔強求，拎咗第三本書睇，都幾正

錯位之二，就同返工有關。用spss分csv文件，出現錯列都真係好煩（一個單元格有分列/換行符號，排查咗勁耐，幾頭痕，都係轉xlsx再讀入處理好過

ok，既然睇到最後，都係講下喇。老實講，感情好多時亦係錯位，既然係感情所以無關對錯，中意時可以沉晒船噉，亦可以單純欣賞；可能中意嘅人唔中意自己，都有可能中意咗一排又唔再中意

對我嚟講，可能係比較感到滿足，反而一直覺得一個人都有何不可，不過如果中意嘅女仔同我講要一齊約定未來時都會好心動，畢竟情人嘅情係感情嘅情

and我自己都係期待情人之後嘅日子多啲！