「最後一代」

繼續寫影評之前睇到一個視頻，因為比較短所以直接down落嚟放喺網站度，方便大家唔使翻牆睇

事件嘅起因係有戶人雖然檢測係陰性，而作為密切接觸者被要求轉運，而自己覺得只要係陰性就唔可以強制轉運。之後一個警察話如果拒絕執行之後會有處罰，而且係影響三代！

當事人就話：「我哋就係最後一代，唔該！」

相當悲壯，進一步評論之前都係先調查下起因經過。據youtube底下嘅評論話係發生喺上海，喺我嘅記憶中一直都係要轉運，但為求謹慎都係再fact check下

而且新修訂嘅第九版《新型冠状病毒肺炎诊疗方案》都冇話取消轉運隔離，所以的確係有相關規定，如果拒絕係可以處罰

but! 一個警察憑乜嘢可以話處罰影響三代？而家要返去古代原始到誅九族？定係文革嗰套要睇出身睇血脈？一個警察就可以噉樣無視法制隨便要挾老百姓，噉究竟我哋有幾多權利係真正可以得到保障嘅呢？

「最後一代」嘅講法相當悲壯，係在於，人民已經絕望到冇晒所有嘅希望，咁黑暗無望嘅生活自己過就算了，畢竟自己冇得揀出生地，但可以幫下一代揀，與其要睇住佢哋繼續受苦，不如直接唔生好過

可能係民族性格嘅問題，好少有乜嘢暴力出現，但拒絕不合作亦都係一種抗爭嘅方式，更多嘅人都打算or已經用腳投票，係啊，既然咁唔開心，有條件點解唔換個地方舒服啲呢

走向一個沒有將來嘅未來，唔期望會變好，而好在唔係孤單一個，我哋呢代人，係最後一代了！亦都唔出奇好快就成個牆內網絡封殺晒，殺，繼續殺，殺唔出個黃昏就準備迎接自己嘅末日啦！

喺廣東、香港嘅朋友繼續保持警覺，暴雨仲未完，專注返自己嘅生活先係最緊要嘅事情