大學城野人

因為睇咗一篇文章（會喺月刊度分享，敬請留意），所以睇咗呢部紀錄片

以下係邊睇邊記低嘅嘢：

老人家嘅經歷：「日本仔嚟嘅時候都冇咁苦，比唔過大躍進，好凍嘅時候都要去勞作」

冇國務院批文強行徵收，100蚊一方建築，50蚊一方農地……簡直搶錢，安置區仲要2000一方，兼且係喺工廠污染區……帶住幾十隻狼狗、千幾個警察，趕人出屋，想攞藥攞衫or米之類都唔畀再入返去，陰公……仲要區書記坐住軍用直升飛機睇住，正仆街。村民無家可歸，自己搭嘅棚都拆咗一次又一次，「仲慘過文化大革命」

信訪等於冇用，北京嗰度根本收唔到；郵件畀攔截，打電話都打唔出去，除非買張新卡。但就算北京嗰邊聽到咗，都冇人肯理……上訪返嚟就直接捉去公安局，跟住告你涉嫌擾亂社會秩序，你話啲面子工程幾好，冇話唔畀你上訪喎，反正返嚟知味道

大叔：「而家仲吸緊廣大人民羣眾嘅鮮血嚟過日嘅啫，我講嗰幾個地方官員你話係咪」so sad but true，而且可悲嘅係，still not changed，唔講遠嘅，就今年夏天嘅城中村整治，just the same thing happen again and again and again and...

個人嚟講，真係冇辦法，只能期望上邊（北京）嚟處理呢件事。75歲嘅阿爺特別有感觸：當年靠農民交公糧，為國家發展出力，而家呢，食過糖水嘅人卻唔理佢哋呢啲打完江山嘅人嘅苦

我想講，可以預計嘅係，隨着經濟嘅變差，各地政府賴以仰仗嘅土地財政亦會喺其徹底崩潰之前再瘋狂一次，所以，改造啊整治啊應該仲有好幾輪，各位，多多保重