The Secret Life of Walter Mitty 發夢王大歷險

稍微得閒少少而且冇球賽睇，於是乎就睇電影！

電影講嘅係一位喺 Life Magazine 處理底片嘅員工，一直兢兢業業，冇丟失過任何一張底片。不過佢係一個發夢王——成日發白日夢，而好少去嘗試挑戰自己——其實都受到父親突然離世嘅影響，屋企冇乜積蓄需要賺錢。所以儘管佢喺 Life Magazine 做嘢——一間鼓勵"To see the world, things dangerous to come to, to see behind walls, draw closer, to find each other, and to feel. That is the purpose of life"（去睇睇世界、無懼危險、打破侷限、拉近距離、揾到彼此，感受一切。呢個就係人生（《life》）嘅意義——佢都好少會去冒險

不過佢嘅幻想都真係幾有想象力，令我羨慕；而且都幾有情調，喺公司識嘅一位心儀女仔要去網上約會網站同佢發微笑( send smirk )哈哈哈，為咗營造出《椰林飄香之歌》嘅效果

anyway，因為丟失咗一張非常重要嘅底片同受到心上人嘅鼓舞，佢毅然向住未知出發，經歷咗唔少危險之餘亦都拉近咗同人之間嘅距離——少咗白日夢之後就會更加 focus 喺身邊嘅人

另外比較感動嘅係，大攝影師會講自己影低嘅時候都唔會係最靚嘅嗰一個moment，而係等自己充分體驗感受完最正嘅瞬間之後再拍攝。非常有同感，就親身去感受，而且噉樣影低嘅相，回味起身感覺都係最正嘅

同埋屋企人永遠係最瞭解你且最愛你嘅人，呢種扶持真係冇其他地方可以替代到

有啲嘢如果唔當面講清楚，可能噉就一世……電影當然好，多係好結局，總會有機會解釋清楚，不過現實就真係要靠自己去探索

所以無論如何，發夢可以，但都要有勇氣去做，why not? That is the purpose of life。噉樣先能夠展現到最真實嘅自己，先有機會實現到自己嘅目標同埋夢想

睇完電影之後都特登睇下現實會點，確實，現實冇咁浪漫，以下就係07年停印刷之前嘅最後一期封面

冇乜嘢特別，just as normal，紙製冇咗，但會繼續喺網上出版

同埋因為知道係小説改編，都去睇下原著點寫

well，呢個改編都幾……顛覆下，比較貼近現代生活

quite like the movie version