選擇

PS一個下午寫出嚟嘅演講稿，自我感覺都還好

前邊嘅自我介紹就唔copy過嚟了，主要係講咗自己名嘅來歷and家鄉嘅特點

大家好，今晚我要演講嘅題目係〈選擇〉

人生充滿住選擇，以我哋作為例子，喺我哋高考結束後嘅兩三個星期，高考放榜，知道咗自己嘅分數後，用好幾日嘅時間瞭解相關嘅信息同諮詢，選擇自己想去嘅學校，選擇自己想讀嘅專業；讀本科最後一年嘅時候，我哋又面臨人生另一個重大嘅抉擇，係保研、考研、出校就業定係創業呢？甚至乎我哋再諗長遠啲，當科技發展得非常發達嘅時候，我哋可能要選擇一個真實嘅定係人工智能嘅伴侶，等等。而更為人所知嘅選擇包括斯諾登喺得知美國政府大規模監視網絡通信嘅棱鏡計畫之後是否要冒險向媒體揭露真相；魯迅喺日本留學時讀嘅係醫學，但佢意識到醫學救唔到中國人，是否要繼續讀醫定係棄醫從文；NBA球星阿爾得列治身體健康狀態唔係幾好，係退役定係繼續喺球場上追逐自己嘅夢想。以上所講都係產生好結果嘅選擇，而歷史上都有導致唔好結果嘅選擇。如美國前總統布殊發動阿富汗戰爭，使到阿富汗深陷戰爭嘅泥潭，戰火連連；毛澤東喺錯誤判斷國內形勢嘅時候，發動文化大革命，使到國家的政治和經濟建設倒退咗好多好多，背離佢自己嘅原意；而喺今年，緬甸軍政府選擇發動軍事政變，推翻民選政府，公然與人民為敵，令緬甸變得好唔穩定

所以話，人生路上嘅選擇無所不在，隨時都有可能會出現，隨時需要做出抉擇，每一個選擇都可能會極大地影響我們嘅命運。噉我們應該點做選擇呢？今日我唔打算喺呢度講一啲話要充分認清自己嘅條件同現實世界嘅規則，考慮每一種情況嘅得失，用唔同嘅策略如期望最大或損失最小做出最後選擇嘅陳詞濫調，因為呢啲都老生常談，沒乜意義，沒辦法畀大家留下一啲印象

我想講嘅係無論我們點選擇，一定要搞明白自己點解噉選。喺電影四部曲《22世紀殺人網絡》（《駭客任務》/《黑客帝國》）中，matrix嘅創造者認為人們安於擁有看似自由嘅選擇、實則被控制嘅現狀，呢個觀點喺第四部入邊得到咗充分嘅展示，人們沉迷於遊戲、沉迷於社交媒體、沉迷於虛擬嘅現實，就好似我哋而家噉。正如設計師同尼奧交談時都認同最大嘅問題係選擇，呢度嘅選擇唔係指有冇選擇，或選擇會造成點嘅結果，而係人喺做出選擇嘅時候想要嘅係乜嘢，先知都同尼奧講佢（尼奧）已經做咗選擇，但想搞清楚點解要做出呢個選擇
點解話呢個好重要？因為除此之外別無自由意志嘅體現。我們喺做出抉擇時，受到咗好多因素嘅影響，經過思考之後得到一個當時自己認為是好嘅選擇，甚至有時候有好多限制條件下根本係冇其他選項嘅。噉係咪話呢一切都係命定嘅，係宿命，個人冇任何自由嘅餘地？當然唔係噉樣，人類自由意志嘅最大體現就是有自己嘅思考，每一個選擇都有自己嘅目的。其他動物，同樣識進食，識避險，呢個係動物嘅求生天能。而人類所做嘅選擇，係有經過自己嘅思考，所以，有可能會突破已有嘅侷限，揾到第三個選項，比如喺電影中覺醒嘅人類脫離matrix嘅控制。

我嘅演講到此結束，希望大家能夠從我嘅演講中獲得一啲啟發。多謝大家