澀女郎

閒話唔多講，直接入劇情：

結婚7年，慢慢覺得感情變淡，甚至開始被忽視，最離譜嘅唔係唔記得結婚週年日，唔係唔肯過，而係丈夫默默地留下一個身影同埋打開遊戲嘅聲音［呢種都已經唔單止感情變淡了，事實上係已經唔愛了，冇感情了］

跟住就約咗三個好姊妹出來訴苦，先發覺大家都好難：「工作狂」同時「男人婆」喺朋友面前就好強勢，但擔心業績唔好，被炒魷魚，所以只能對客戶低聲下氣，講「可是」；追偶像嘅「天真妹」做咗十八線小明星嘅經紀人，隨叫隨到，仲要識察言觀色，咩手勢對應咩要求，做得唔好或者唔記得就會受盡辱罵；小網紅KOL「萬人迷」為咗要瘦要靚，日日食蔬菜，嚴格飲食，日日要直播，但最近周身唔舒服，去醫院做檢查，被醫生講自己到咗更年期，變老了（35歲）

大家都過得唔如意。既然「結婚狂」嘅老公連七年結婚紀念日都唔記得，唔想一齊過，噉姊妹們一齊陪你，畀自己放一個假，去尋找沒有煩惱嘅地方，去重新認識自己，話走就走，說一不二

第一站去歐洲，睇巴黎鐵塔，睇泰晤士河，睇義大利嘅斜塔。 被路邊嘅名牌銷售店吸引［seems like購物嘅熱情係人之常情，抵抗唔到］，但驚覺係衰敗嘅黑手黨開嘅黑店，知道佢哋係從中國嚟嘅「移動嘅招商銀行」，係要佢哋留下錢先可以走 因為繩唔夠，所以「男人婆」冇畀綁起身，大家就諗到要用美色去勾引以逃脫，呢個任務自然落係冇被綁住嘅「男人婆」身上 ，雖然覺得唔自然同奇怪，不過都係硬住頭皮上
結果不出所料，色誘失敗，反而被嗰班友仔鬧冇女人味，之後「男人婆」大爆發：霸氣又點？邊個話女仔就一定要温柔可愛？到班友仔不得不服［的確，冇人可以定義自己，想點就點先啱〕

下一站去日本，「天真妹」以前追過嘅樂隊而家淪落到喺酒吧賣唱，不過樂隊並沒有因此覺得日子好難過，可以一down再down，就算做「loser」都唔緊要，一樣可以繼續樂觀，繼續鼓舞治癒其他人〔而家可能唔係最壞嘅時候，但再壞又點呢？是否可能再壞？if not，就應該要反彈了；if so，就接受，然後再反彈〕
「結婚狂」雖然玩得開心，不過仲係三句唔離提起「我老公」，只不過影咗張相問佢，因為信號唔好相冇send成功，但佢老公都係敷衍地話影得好睇。。。〔敷衍成噉，其實已經冇未來噶喇〕
有個小插曲係，「萬人迷」接到一個電話，係關於佢嘅體檢嘅，之後就變得好奇怪唔正常（比如話會食炸雞飲可樂，會自言自語）〔唔知有冇記錯，都可能係第三站發生嘅〕

再下一站，係去阿根廷，熱情而愉悦。「萬人迷」直播舉辦咗一場嫁畀自己嘅婚禮，其他三個一開始覺得佢好隨便（以為佢揾個人就嫁），之後覺得佢喺度做show，「結婚狂」更加同「萬人迷」大吵特吵，「萬人迷」直指佢嘅婚姻係笑話，四人不歡而散。最後「萬人迷」一個人自言自語：「好想同佢哋一齊變老」〔更加確定係患咗絕症，煽情滿分〕

回國之後，「工作狂」一個人帶住行李喺酒吧飲酒，感覺好孤單寂寞，少咗人陪〔個人覺得呢度好突然，好似講到單身嘅人唔係想一直單身只係揾唔到啱嘅人噉。。。〕，之後諗清諗楚，決定辭職過自己想過嘅人生
「天真妹」帶嘅藝人因為謠言而被封殺，自己唔再需要聽佢只笛，但都意味着自己失業，不過，儘管如此，自己都係好好地安慰咗個小明星，而且得到咗自由，只不過想揾好姊妹嘅時候，唔知道點開口，最後只能同自己講好掛住佢哋
「結婚狂」返到屋企，面對冷漠而唔肯面對問題好好傾下嘅老公，決定唔再將自己生活嘅重心放喺一個已經唔愛自己嘅人身上，毅然決定離婚，擺脱一段不再感到幸福嘅關係〔離場嗰陣有聽到人話，「呢套劇會升高離婚率」，我就覺得，如果係噉都幾好，離婚唔等於有錯，唔等於丟架，如果唔再有感情，噉嘅婚姻就係廢紙，何必唔一刀兩斷嚟個痛快〕
「萬人迷」被診斷出生咗cancer，佢唔想死，想繼續發光發亮，即使只係孤芳自賞。好姊妹再次相聚於醫院，最感人嘅自然係「結婚狂」一嚟到就幫佢執好張牀，仲話自此住喺醫院所有事情都包在自己身上，之後兩人相擁，道歉，正式和解。最後嘅最後，好消息係，呢個cancer只要配合治療，極有可能治癒

佢哋又開始咗新嘅旅行~

最先講嘅梗係音樂喇，係幾好嘅，貫穿成個劇，好自然，又好動聽，呢個水準係掂嘅，有幾曲嘅感染力直情可以畀滿分

劇情嚟講，都幾接地氣，但有時又過於「時尚」，有啲網絡用詞我聽唔明。。特別係大量中英穿插嘅部分，感覺係弄巧成拙，語言被污染；部分劇情好唔合理（例如黑手黨嗰度），搞到唔知應該當現實定係魔幻多啲

有啲部分比較生硬，有比較明顯嘅刻板印象同橋段

服飾嚟講一言難盡，有時太古板，有時又覺得太奇異，畀人一種唔似現代嘅感覺

煽情催淚度，五粒星，姊妹之間嘅友誼，睇過嘅人都覺得正

觀看時嘅想法：

愛情與婚姻：如果決定拍拖or結婚，一定要同對方嘗試好耐再正式一齊，因為有陣時就係，未開始嘅時候會覺得自己好愛、好依賴、呢個人好重要等等；但一齊之後就掉反轉，好似關係越嚟越遠噉。所以，自己同自己設立一個拍拖or結婚冷靜期，我覺得幾重要，對自己負責，都對對方負責，所有嘅感情應該畀值得嘅人，而唔係一個自己都唔知未來會唔會繼續去愛嘅人，又或者對方會好快變淡

友誼：朋友就係陪住我哋成長，分享快樂與尋求安慰，有時可能好耐都唔聯繫，不過只要想起對方，自己又會有新嘅動力繼續面對生活嘅挑戰同困難；而且，其實唔理幾忙都好，都要多啲去傾偈，可能只係大家都冇勇氣，驚對方唔再同自己咁fri，怕打攪咗對方，但要相信呢個只係小概率事件，做一世朋友