週報 21年49週

呢個星期比較倉促，為咗唔畀時間過咗12點，就直接噉啦，郵件仲未睇，下星期，如果唔出意外，應該會有比較多嘅英文材料，你都可以話係下期預告啦

邊睇邊忍，最後眼淚都係忍唔住地流

其實冇過幾耐，但彷彿已經係第個世界

以後唔會再有噉嘅紀錄片了，只能拍虛構性嘅，冇面冇樣係現實

但《十年》而家肯定都拍唔到了……

之前睇咗《手捲煙》，就突然又想睇《大佛普拉斯》，應該係第三次了，睇完之後又多咗一啲理解，呢篇文章基本上講到咗我嘅新感受。

人與人之間到底有幾真，有幾瞭解對方？而家睇嚟，好似真係好唔確定，咪話80%，可能50%都冇？人展現出嚟嘅自己，永遠都係自己想畀人哋睇到嘅嗰面，但呢個形象唔係全部，所以人都係飾演緊一個角色，一個因人而異嘅角色，其中會有交集會有重複，但都會有相反嘅部分，我自己都一樣，噉更加冇可能期望其他人會show 100%嘅自己出嚟

不過又唔使咁悲觀嘅，

quite amazing，先發現有噉嘅事，感覺就好似，wow，世界好分裂

其實都唔出奇嘅，有人真係頭腦簡單，只信自己信嘅嘢；而有人係真嘅壞，只要有流量有錢就唔理底線，先得出結論再去論證。呢個時候我就會諗，審查機器點解唔理呢啲事情呢，黃賭毒唔畀，遊戲都要嚴查、不得有紅色嘅血，點解呢種咁弱智嘅言論就唔ban呢

模擬一下外交部發言人可能嘅回答：我唔瞭解你所講嘅情況。中國尊重每一個個體嘅言論自由，對於法律允許嘅言論一律保護，對於違反憲法同法律嘅行為，將依法處理。

有錢有權有勢人嘅世界，平時笑騎騎一齊玩，大家睜一隻眼閉一隻眼，冇錢嗰陣，即刻捉你話賭博，選擇性執法就係噉嚟嘅，唔係點解澳門咁多賭王就捉佢呢

上次有講到遊戲，所以今日就嚟睇下社交軟體

觀點其實都唔新奇，不過呢部紀錄片我到而家都未睇，都幾得意，可能係我覺得冇呢個必要？因為自己已經瞭解過佢係點運作？

anyway，呢篇文章值得我過一年之後再次分享，係因為佢嘅最後一句：「最諷刺的是，用戶能看到這部影片，本身就是一種《智能社會：進退兩難》的表現：只要擁有Netflix的帳號，Netflix就能知道用戶們喜歡看的影片類型，而這部影片才因此出現在首頁上。」
what does it mean? just think about it.
希望唔同嘅思想充分表達同交流可能只係我嘅一廂情願，當前嘅環境下，要人去接觸唔同嘅思想，只能靠自己去尋找去探索；一味侷限於自己嘅圈子當中，好難講自己會有乜嘢比較大嘅進步，但暫時來講都係唔得閒。。。噉幾時得閒呢？又可唔可以堅持到？find it hard to answer.但我覺得，我應該做唔到，一來要花費好多時間，二來自己嘅內心仲未夠強大。都係發啲圖片笑下就算

quite right，喺好細個嘅時候，真係會問一啲諸如「點解啲壞人咁衰嘅？」嘅天真問題

後來先明白，好多時候問題唔在於壞人多咗，而係制度變壞咗，所以人都會跟住變壞，環境無論如何都會影響到人，只有極少數唔受影響，噉佢哋好可能會成為時代嘅犧牲品，甚至「自我淘汰」

冇噶喇，係得咁多喇，唔偷唔搶，邊度有咁多錢上交？
再睇下而家，歷史總係驚人地相似，反腐來反腐去，究竟做咗乜？如果個制度係好嘅，點解唔公開財產？咪同我講乜嘢條件唔成熟，國情複雜；實話實説，有幾難？實名認證鋪開晒了喎！

對於呢篇文章，最好嘅態度都係「後真相」，內容中有比較多明顯嘅「特色成分」同舉例不當

我覺得最根本嘅原因係，利益嘅反噬；追求意識形態同利用民粹主義嘅政客獲得咗佢哋想要嘅權力之後，無法給予比精英政治更好嘅結果，噉仲可以信邊個呢？其實冇乜選擇，走到而家呢個地步，各方都有責任，有能力嘅人未想嘗試，睇睇要發展成點，艱難嘅日子仲有好耐；中間派嘅力量，幾時出頭

離晒譜。。我覺得豆瓣嘅審查都已經好小心了，好多文章其他平台發到而喺豆瓣發唔到，而且講真，豆瓣可能已經係國內比較好嘅平台了，從我平時分享嘅文章都睇得出來，比微博、貼吧等等好唔知幾多倍
但另一方面又的確係會有漏網之魚，但使唔使噉？難以呼吸

too dark...