google & 粵語！
註：以下內容轉自粵拼輸入法用户交流組。幫手推廣粵語，謝謝！
各位rc用戶大家好。相信大家都用過Google嘅功能，唔多唔少都會發現佢對粵語文支援有各種不足之處。
而家有個好消息話畀大家聽。粵語工作組成員現已介入Google嘅粵語事項，可大幅度修正Google喺粵語方面嘅各種問題。
目前Google已計劃全盤重整Gboard中粵語輸入架構，料重整後Gboard會直接使用我方語文材料。
現時工作組鼓勵各群友積極提出 in app feedback、community 及公眾 forum 作用戶需求基礎，此事喺嚟緊兩個禮拜至關重要。
例如：要求Gboard / Google Input Tool默認粵語嘅拼音以Jyutping為首選、改正語音識別用咗普通话（cmn）嘅錯誤、Google翻譯遲遲未出粵語等等各類問題，請於近期喺各設備、各Google account、各Google apps中盡數提出，以便工作組及Google團隊為大家實現。
如果係in app feedback嘅話，請喺相關嘅app反映相關事項，亦請喺寫feedback嘅時候列點寫出需要修正嘅問題。如果方便嘅話，請於寫畢後喺本群中send一份copy，以便我方喺後台進行搜尋及歸納。
感謝大家持續支持粵語工作組嘅事務 🤗
相關提議嘅鏈接（可以幫手upvote）：
Android版Gboard: https://support.google.com/android/thread/148109713/will-we-have-native-jyutping-support-for-gboard’s-cantonese-input
iOS版Gboard: https://support.google.com/websearch/thread/148110981/will-we-get-jyutping-support-for-gboard-on-ios
例子：
Google Assistant：
一、經常無法理解指令，造成問非所答。請提升Google Assistant對語文嘅理解能力；
二、語音識別出嚟嘅結果以及Google嘅回答出現大量錯別字，例如「噉」「咁」不分，「詞彙」變「詞匯」等錯誤。請修正有關錯別字，以及確保喺訓練ASR期間要求使用標準傳統漢字文本；
三、「探索」中出現大量錯別字及文法錯誤，聽落唔自然，甚至無法理解。請使用自然嘅粵語文法表達；
四、Google Assistant 嘅 interpreter 功能嘅「中文香港（zh-hk）」實情係普通話（cmn）嚟，並非粵語（yue）。zh語言代碼使用混亂，導致好多明明應該用粵語（yue）嘅地方變成普通話（cmn）。請停止使用將普通話套用至zh或將zh套用至普通話，並正確使用語言代碼，粵語係yue、普通話係cmn。
Gmail：
一、語音搜尋按鈕錯誤地以普通話（cmn）識別粵語（yue）語音。估計原因係語言代碼zh產生混亂，導致好多應該調用粵語（yue）嘅地方調用咗普通話（cmn）。請停止使用將普通話套用至zh或將zh套用至普通話，並正確使用語言代碼，粵語係yue、普通話係cmn；
二、喺Gmail app內使用文本轉語音功能，其均錯誤地以普通話（cmn）讀出中文字（zh）。請確保喺各Google app中能以使用粵語（yue）讀出任何粵文（yue）及中文字（zh）。
Gboard：
一、目前Gboard及所有搭載 Google Input Tool 嘅Google功能均未默認以Jyutping（標準粵語拼音）作為粵語嘅首選拼音輸入方案，此導致各基於 Google Input Tool 嘅輸入服務未能提供標準拼音方案（Jyutping）作粵語輸入。致使用戶喺個別情況下，必須靠輸入非標準拼音去獲得需要嘅結果，十分不便。請將 Gboard 及 Google Input Tool 嘅粵語鍵盤中嘅標準拼音默認為首選；
二、請提升粵語聽寫嘅中英混合識別能力；
三、請改正粵語聽寫中出現之錯別字。例如「噉」「咁」不分，「詞彙」變「詞匯」等錯誤。請修正有關錯別字，以及確保喺訓練ASR期間要求使用標準傳統漢字文本；
四、請允許用戶選取自動添加標點符號抑或以語音命令輸入標點符號；
五、請提供離線語音聽寫及長時間語音識別，不自動中斷聽寫。
六、現時粵語Gboard唔支援鍵盤輸入emoji，只可以點開emoji界面選，希望可以補充返；
七、即使切換咗簡體中文，emoji界面嘅「搜尋emoji」功能只支援繁體中文，十分之唔方便。
Google語音轉文字（各app通用）：
一、請完善標點符號功能。允許用戶選取自動添加標點符號，或以語音命令輸入標點符號；
二、請改正粵語聽寫中出現之錯別字。例如「噉」「咁」不分，「詞彙」變「詞匯」等錯誤。請修正有關錯別字，以及確保喺訓練ASR期間要求使用標準傳統漢字文本；
三、請完善粵語聽寫嘅中英混合識別能力；
四、請停止使用將普通話套用至zh或將zh套用至普通話，並正確使用語言代碼。粵語係yue、普通話係cmn。
Google文字轉語音：
一、目前Google各粵語TTS嘅聲音聽落好唔自然、好哽耳。請提升粵語tts嘅聲音質素、飽滿度，及提供對粵語嘅wavenet支援；
二、喺各apps內使用文本轉語音功能，經常出現錯誤以普通話（cmn）讀出粵文（yue）或中文字（zh）嘅情況。請確保喺各Google app中可以使用粵語（yue）嘅tts讀出任何粵文（yue）及中文字（zh）。
Google翻譯：
一、Web版Google翻譯中，中文輸入工具內嘅「粵語」輸入法所提供嘅並非標準拼音。請將包括 Gboard 在內，所有基於 Google Input Tool 功能嘅粵語輸入法中嘅拼音默認為Jyutping。
二、Google翻譯嘅粵語語言選項遲遲未開放，導致無法喺實際使用中對其進行修補／完善。請盡快開放粵文嘅翻譯功能，並提供相應嘅Jyutping transliteration、TTS、STT（ASR）及輸入工具。