Elvis

又係一位傳奇嘅故事，貓王艾維斯

好似近幾年出得比較多呢啲題材嘅電影，唔知係唔有乜嘢共同嘅因素？

介紹名人有好多種方法，而呢部電影比較特別嘅地方係佢主要以貓王嘅經理人Colonel Tom Parker嘅角度嚟描述貓王嘅一生

因為世人大多認為係經理人壓榨同逼死貓王，電影簡單啲嚟講就係為經理人作辯護：

1.貓王賺到好多錢係冇錯，但係使錢都使得好快，尤其係身邊一班人使佢嘅錢

2.唱歌、舞動係佢嘅天性，一上到台就會全力以赴做到最好，所以電影多次特寫貓王大汗耷細汗，甚至喺佢死前嘅最後一場演出，即使當其時已經企唔太穩，都會將佢嘅所有展示出嚟

3.佢對粉絲嘅愛超過所有人，甚至對佢嘅妻子，所以為咗報答粉絲嘅愛，plus第二點，就會變得更加不顧一切地演出，連休息都好少

4.濫用藥物、縱情聲色玩一夜情

5.貓王同經理人其實係一類人：都係冇人理解自己嘅追求，容易迷失自己，好孤單好無助嘅形象，呢個係貓王點解食咁多藥嘅原因之一。同時亦都因此兩個人無論嘈到點，最後一定都係會和好返，離開咗任何一方就等於失去咗自己嘅一部分

and so on……

電影嚟講拍到好好，將貓王生活嘅唔同面向都展現出嚟，包括佢係喺點樣嘅環境下長大、孕育出相應嘅音樂理解，同媽媽爸爸嘅關係係點，對演出嘅認真同全力，濫用藥物、對待感情嘅態度……令我哋對呢位傳奇有更多嘅瞭解

而呢部電影，都令我更加想瞭解多啲貓王，因此就去睇咗wikipedia

Hanks said, "I was anticipating hearing horror stories about this venal, cheap crook. Just the opposite. Both Priscilla and Jerry said he was a lovely man". According to Presley, Elvis was happy to pay 50% to Parker to manage him.

所以都幾有趣

感覺，真係應咗嗰句可憐之人必有可恨之處，無論係迷失自己、同媽媽關係變差、濫用藥物，講到底都係自己攞嚟嘅……

而點解佢可以同噉嘅經理人相處得好好，感覺有幾個原因，一個係 Parker 幫到佢賺咗咁多錢，佢感激 Parker 帶佢嚟到呢個世界；第二個就係除咗公事之外，Parker唔會點影響、干涉佢嘅生活；最後嘅話，大概就係 Parker係佢媽媽過世之後代替佢媽媽角色嘅一個人