2cold

2cold

影視

すずめの戸締まり 鈴芽之旅

【影評】《鈴芽之旅》—「生命中不能承受之輕」|方格子 vocus2022年底在日本上映的《鈴芽之旅》(すずめの戸締まり),16歲高中生岩戶鈴芽在上學路途遇見了「關門師」宗像草太,陰錯陽差之下開啟一段關閉「災禍」之門的旅途。 鈴芽之旅, 電影, 新海誠, 影評, 電影評論, 日本, 椅子, 生命, 人類, 女主角, 觀眾, 阿姨, 關閉, 你的名字, 2022年, 311東日本大地震方格子|放送你的知識與想像林聿_觀察人類筆記 個人都幾中意呢個影評 至於點解媽媽送畀鈴芽最好嘅禮物一張凳少咗一隻腳,除咗因爲嗰場海嘯之外,其實都暗合鈴芽失去咗自己嘅媽媽,喺心中留下缺陷(細細個唔知道媽媽已經離開呢個世界,只覺得係「媽媽搵唔到自己會好擔心」,呢段超容易飆淚 其實災難之後,先知道曾經擁有嘅,就已經係好幸運 鈴芽喺四歲時鄉下受海嘯,失去咗自己嘅母親同埋媽咪畀自己嘅禮物一張凳,而一邊抖大氣一邊喊住搵(老實講開頭嘅配音真係幾令人困惑),無意中入咗一棟「門」進入「
5 min read
影視

觸不到的她Her & 智理想情人Ich bin dein Mensch

因為chatgpt嘅橫空出世啦,所以就睇返經典嘅her,同時又睇到有近年出嘅Ich bin dein Mensch,就一於一齊睇睇,可以科幻到點嘅程度 Her入邊同AI拍網路拖嘅場景,而家可以講已經某種程度上實現咗 講返電影先,Samantha一開始嘅設定,係助手:幫助整理email,並提供朗讀功能,安排日程,陪傾偈等等。而喺同人類嘅交流討論之後,呢套operative system對人類嘅情感同存在意義好感興趣,因此同人類發展戀愛關係,喺深入瞭解咗之後,意識到自身永遠係一個唔真實存在於物質世界嘅嘢,因此放棄註定無果嘅關係 都幾哲學性嘅問題:如果可以好好地處理每一個戀人嘅關係,專一係咪咁重要呢?如果係同人嘅話,就唔使問嘅,因為冇人做得到一日24個鐘同時睇好多個人;但如果係AI?好肯定佢哋係做得到啦,噉,其實就真係因人而異了,我自己覺得啦,就唔係一個must,最重要嘅係乜嘢?程度問題,愛到幾入骨,對佢有幾好之類嘅,而專一呢,都係呢兩方面嘅體現,同埋有人會覺得係排他性唯一性,呢啲真就因人而異,因為對AI嚟講,確實係可以愛人多嘅同時愛嘅程度都深 而男主Theodore,都係個幾矛盾嘅人
7 min read
影視

禮儀師之奏鳴曲

呢部確實係幾令人感動嘅,只不過,太理想化 就噉講,一開始美香會因為噉而逼小林大悟離職,甚至要返孃家;因呢個邏輯,死者家屬按理係唔會表達感謝,當然可以話佢哋幫死者整靚返,畀死者可以好好睇睇地離開呢個世界,令仍然活着嘅人們留念記掛,但可以講係絕少數 同埋電影入邊嘅死者,都冇點展現死亡帶嚟嘅殘病衰樣,除咗第一位嗰個有側面講佢嘅不堪,但我理解成係獨居冇人理嘅老人嘅處境 言歸正傳,禮儀師呢個職業,喺以死亡為避忌嘅地方嚟講真係唔老黎,所以好難請到人,如果唔係小林大悟冇工開,見收入咁高,入咗局,可能都唔會有下一個後生嚟繼承 儘管一開始係唔樂意,帶住厭惡同噁心去完成,但小林大悟都漸漸揾到呢份工嘅意義,尤其知道咗社長佐佐木生榮係為自己嘅亡妻入殮之後先做禮儀師。其實每一份工都有佢嘅意義,只係睇你是否願意接受並尋找,進而會愛上呢份職業 無論係乜嘢事,都係畀生人睇嘅;所以,死前做嘅嘢,係所有人都睇嘅;而死後嘅,就係活着嘅人先睇到。因此,禮儀師所做嘅,其實係為死者嘅親朋戚友而做嘅,為將家族嘅人集合喺一齊,嚟一同參與對此人嘅思念同留戀 無論古今,亦無論中西都共通嘅事物。人,生而終會一死,可以講,死亡
2 min read
影視

風中有朵雨做的雲

因為睇咗大學城野人,所以終於扚起心肝睇呢部 結果,再次失望……可能都係期望太高,講真,既然諗住要喺大陸上演,註定好多都只能陰晦甚至唔講;就好似發哥話齋,97之後就唔同晒喇,要考慮政府取態,必然就唔會有好嘅創作自由 可能會有人覺得,既然大環境係噉,拍成噉都應該可以收貨啦;sor,我唔覺得噉做係好事,我哋可以鼓勵,但唔可以降低標準,電影係畀人睇,唔係畀要自己FF超多劇情嘅人睇,if so,不如拍成短片,噉我冇意見 so,直接放刪減咗乜嘢算,唔想再多評,都好fair,既然睇嘅都唔係完整版,無謂講咁多。P.S.,睇到愛國大片《志願軍》票房冷淡,終於都開始疲勞了 那些无法在大银幕上看到的《风雨云》——拍摄幕后二三事 但即使呢啲都有晒,我都唔覺得呢部片有幾好
1 min read
影視

大學城野人

因為睇咗一篇文章(會喺月刊度分享,敬請留意),所以睇咗呢部紀錄片 以下係邊睇邊記低嘅嘢: 老人家嘅經歷:「日本仔嚟嘅時候都冇咁苦,比唔過大躍進,好凍嘅時候都要去勞作」 冇國務院批文強行徵收,100蚊一方建築,50蚊一方農地……簡直搶錢,安置區仲要2000一方,兼且係喺工廠污染區……帶住幾十隻狼狗、千幾個警察,趕人出屋,想攞藥攞衫or米之類都唔畀再入返去,陰公……仲要區書記坐住軍用直升飛機睇住,正仆街。村民無家可歸,自己搭嘅棚都拆咗一次又一次,「仲慘過文化大革命」 信訪等於冇用,北京嗰度根本收唔到;郵件畀攔截,打電話都打唔出去,除非買張新卡。但就算北京嗰邊聽到咗,都冇人肯理……上訪返嚟就直接捉去公安局,跟住告你涉嫌擾亂社會秩序,你話啲面子工程幾好,冇話唔畀你上訪喎,反正返嚟知味道 大叔:「而家仲吸緊廣大人民羣眾嘅鮮血嚟過日嘅啫,我講嗰幾個地方官員你話係咪」so sad but true,而且可悲嘅係,still not changed,唔講遠嘅,就今年夏天嘅城中村整治,
2 min read
隨筆

記一次更新模塊

是噉的,因為太耐冇理過nginx,自從今年重新裝機之後都冇郁過,跟住喺nginx官網到先發現1.23嘅版本已經唔再係ml或者stable,所以又要再更新過 而頭痕嘅係,一啲module(模塊)都有更新,就用返之前寫嘅腳本嚟搞,以為冇乜問題啦,點知真係就我以為,返嚟一睇,我頂,點解我啲網站全部死晒嘅,先知安裝失敗 就開始漫長嘅排查啦,改咗啲未定義版本同插件之後,卡喺一個地方——明明已經裝咗個module,點解make嘅時候話揾唔到呢——search嚟search去,試過好多個方案,甚至諗,要唔要妥協用返舊嘅version,因為呢,有時候就係版本太新而未兼容到,但後尾都係唔制,就繼續摷啦,終於呢,可能太眼瞓想早啲收工,突然間變返醒目:點解唔睇下個官方readme呢?一睇,先知個模塊已經直接git落嚟仲未完,仲要繼續install先得 sigh...嗰一刻覺得自己前邊勁蠢,發現唔得就應該第一時間去返官網睇下係咪有咗大嘅更新……有時直接啲先係最快同最有效嘅方法囉,乜鬼搜尋引擎都冇咁高嘅優先權囉 btw,近排開始update返,相信好快大家就可以睇到月刊喇,敬請期待?
1 min read
影視

著PRADA嘅惡魔 The Devil Wears Prada

睇住直播,心噏之餘,因爲終究揭開真相,燭光有罪 所以都係做啲嘢調解下,就分享下呢部電影 呢部絕對都經典,細少少嘅時候睇一種感受,而家再睇又係另一種感想 人嘅目標同埋路徑,有時可能會忘記咗。一開頭,Andy 諗住忍受做「女惡魔」Miranda一年助理嚟作爲跳板,成爲自己夢寐以求嘅記者或者作家。但既唔識時尚,又厭惡嘅情況下,又有乜可能做得好呢?所以一直畀Miranda同第一助理Emily嘲笑同責罵。之後Andy開始接觸同follow時尚,進而可以提前知道Miranda嘅需求並完成,就漸漸得心應手——畢竟係醒目女——只要肯去瞭解同動腦,呢啲嘢難佢唔到。之後更成爲咗第一助理。 但,已經偏離咗最初嘅目的。冇錯,需要承認,作爲跳板呢種諗法基本上冇可能work,太幼稚,有乜可能唔想做嗰份工,跟住唔去瞭解相應嘅知識同老闆嘅諗法就做得好嘅呢?唔好話一年,可能一兩個月就畀人炒魷——尤其好多人都想做呢個位。而加入咗之後,就肯定要改變自己先做得好份工,個關鍵係,要變幾多?Andy喺慢慢學識時尚同老闆心思之後,亦都漸漸變成自己唔中意嘅人——同知名作家關係曖昧、親口同Emily講自己要取代佢參加巴黎晚會——
5 min read
2023

鑽石山荷里活廣場兇案

禮拜五夜晚隱約知道有嘢發生咗,但未知具體。今晚再睇……有時真係永遠唔知道意外幾時會出現,行下街可能就冇命,可能只係路過,但唔好彩,而好人想救朋友,亦都…… WHY!可以講兇手只係精神病,可以講係個案,甚至話成座城市仲係「安全」,OK吖,我接受吖,反正國泰嘅事都要堂堂特首專登攞嚟講,你話點就點囉。我只知我係市民嘅話冇精神病都要搞到有啦,何況大家都知道,社運之後幾多人內心都係有創傷,而配套嘅醫療資源根本唔夠 可能時間點只係巧合,只係覺得都好好笑,即使一直記得,又如何?歷史終究會畀竄改,再堅持落去都好可能冇任何希望,但要忘記,就更加難得多,係咪只能就噉算?可能真係如此。忘不了,選擇記低,都係自我和解同繼續對抗嘅方式 願所有嘅死者安息,所有嘅精神病患者都得到足夠嘅關心同救助,所有嘅屠夫落地獄。即使知道點願望都唔會成真,流幾多眼淚都改變唔到,但仲係會帶住希望行落去,因為除咗希望同相信明天會更好之外,都冇其他嘢可以成為活下去嘅信念 珍惜每一日,珍惜眼前人 Dream as if you'
1 min read
影視

投名狀

感慨一句:以前啲合拍片,都仲係幾高質,可能未到要迎合內地品味……都唔可以噉講,因爲大陸上映嘅版本完全唔係一回事。當然,我肯定唔可能睇閹割版,有得揀鬼同你睇呀! 南方都市报:原来我们都被陈可辛骗了_影音娱乐_新浪网南方都市报:原来我们都被陈可辛骗了投名状 大陆版与正版差异对照 一部幾多角度可以講嘅電影 人,究竟真正相信乜嘢?選擇苟活嘅時候已經乜嘢都唔信,但都會希望有人理解溫暖自己;其實唔信投名狀,只係信兄弟;講起身大義當頭南京幾百萬市民,但一齊出生入死嘅兄弟、降兵呢? 人唔矛盾就唔會係人,人都唔係機器人唔可以時時事事保持好冷靜好一致,人會有佢嘅掙扎佢嘅爲難,而且好多時,我哋未搞清楚自己想要啲乜嘢就要被逼做決定去行動。so,不妨有時間就諗諗,自己究竟想要乜嘢,點爲之好重要,其它嘢係咪全部當係工具就無所謂? 等陣,我哋連交流溝通嘅機會都冇喎!而最大鑊嘅係,冇機會講清講楚,跟住就一波又一波往前推。軍紀確實好重要,但無理由一下變咗仲要即刻執行,畀個大啲嘅懲罰,下次就真係處死,噉都服氣啲;下下講自己嘅理想,唔一定會明,而且極可能唔明,唔係個個都有咁高嘅理想,而且溝通唔係一面倒,
4 min read
隨筆

crazy dream

聽講有人諗緊點解我唔係而家高考。於是乎日有所思夜有所夢,發咗個超神奇嘅夢……我自己起身嗰陣都覺得好癲 係噉嘅,有日醒咗之後再瞓返,唔知係咪因爲驚遲起身嘅話會誤咗上堂時間,就發咗個噉嘅夢: 夢入邊我返返去高中時代,喺宿舍瞓緊,跟住醒嘅時候發現宿舍冇晒人,就喇喇聲起身,喺衛浴度刷牙(……至於點解唔喺陽臺刷,可能怕俾人睇到)。跟住邊刷邊喺度諗:死喇,今朝要考中文,8點開考,我實趕唔切,點算好吖,不如就噉暱埋喺度算?逃避可恥但有用…… 話說喺衛浴諗東諗西嘅時候聽見宿舍門俾人打開,仲諗緊係宿管定係中文老師嘅時候,一眨眼返到去自己屋企(我自己都覺得不可思議,但發夢嗰陣又唔覺有乜問題),時間一樣係早晨,不過時間早啲,準備送細妹返學。呢度就真係完全錯亂晒,因爲我自己讀高中嗰陣,細妹都仲係就近讀書,唔使我送;而有得送都係之後嘅事。不過夢嘛,唔符合邏輯都正常。而我嗰陣突然意識到,咦,時間好似早咗,應該可以趕得切考試喇! 跟住就醒咗,都幾神奇下 如果搵人嚟解析一下呢個夢,可以點解呢?嘗試剖析一下自己: 想物理上返返去高中時代,好明顯做唔到;但心理上係想返去嘅,
2 min read
隨筆

520音樂會

係咯,冇計啦,唯有一個人聽音樂會, just wish you were here. 最觸動嘅始終都係《一生所愛》,La La Land同埋Titanic都幾正,更加驚喜嘅係《菊次郎的夏天》嘅嗰首Summer 都係覺得自己好幸運,無論結果係點,我自己都唔係乜嘢好樂觀嘅人,但我確實抱有呢個有未來嘅希望,因爲少咗不確定性,同埋既然喺我好低谷嘅時候都咁有勇氣同真誠,我自己即使一時半刻做得唔好,都往變得更加好嘅方向努力,做過努力過爭取過,就過到自己個關,以後如果冇結果,噉就專心研究時間機器囉 一齊加油啦!
1 min read
隨筆

懂事?尊重?or 有主見

做咗一個思想實驗,都幾有意思 大概係噉嘅,如果有兩個細路,一人揀一樣嘢,揀好之後,其中一個後悔,想交換,如果另一個又肯,噉好唔好呢? 如果係大嘅讓細嘅,好多時都會話懂事,但其實係犧牲自己,而且會縱慣個細嘅;因爲我自己好大個先有細妹,好多時都比較縱(而且基本上好少有嘢會爭),所以第一時間都覺得噉樣好好,實際上,其實好唔好,因爲揀嗰陣已經揀好咗,做咗決定,就唔應該話可以隨便反悔,亦都唔應該要其他人爲此付出 如果係細嘅讓大嘅,就好明顯,大家基本上都覺得唔好,因爲本身大嘅地位、權力嚟講就高啲,再有噉嘅要求,基本上等於係施壓 當然,當其時我都諗緊,如果係揀、爭嗰陣就有拗撬,噉點算好呢?即係一開始就冇辦法分好,well,太複雜,所以我都係覺得儘量唔好有咁兩難嘅問題,或者真係搞唔掂,就當一個中立評判,等佢哋講下點解特別想要呢樣而唔係另一樣嘢,等佢哋講完之後,再自己評判下究竟自己需要多啲,定係哥哥姐姐/妹妹弟弟更加想得到……實在拆唔掂嘅,就包剪揼算,下次就另一位優先,
1 min read
隨筆

世界新聞自由日

今年5月3號係世界新聞自由日成立30週年…… 以笑塑造當代中國藝術家 岳敏君 | 潮流人物 | 非凡人事 | 當代中國「人在笑的時候,是最空洞的」,岳敏君是最成功的當代中國藝術家之一。岳敏君作品最為人印象深刻的,就是那個招牌式開口大笑,極度誇張。他作品是當代中國藝術主軸之一,又是拍賣會常客;以今年為例,共有17幅作品拍賣,其中一幅畫於1993年的《金魚》,成交價逾760萬港元。當代中國當代中國 如果冇新聞自由嘅話,只能用嘲笑去對抗那荒謬魔幻 但願我哋都有明辨是非嘅能力
1 min read
隨筆

信念

差唔多過咗一日喇,但仲有一種俾幸運女神掟中嘅好唔真實嘅感覺,how lucky I am! 「人一定要有信念,信念可以係屋企人,可以係中意嘅人,亦可以係前途,或者係自己。而無論如何,一定要有信念。」 嗯,確實。前面嘅一段時間,陷入咗一個自己挖畀自己嘅坑。點講呢,即係雖然自己好清楚知道問題喺邊度,同埋應該要點做先可以變得更好。但另一方面,一邊覺得自己唔係咁差嗟,幻想自己仲係以前嘅自己;而又一邊知道其實係自欺欺人,跟住更加責怪同痛恨而家嘅自己;一邊想改錯而又一邊想就噉得過且過……所以,我真係唔好,甚至可以講非常差,比以前嘅低潮期跌得更深同更耐 而我何其幸運,喺咁差嘅可以用「倒地不起」嚟形容嘅狀態下,都選擇行近我,相信我可以起返身,鼓起勇氣表達願意「一起變得更好」嘅表白,所以真係好感激命運嘅安排令我哋相遇、相識、相互吸引。而我,都揾返我嘅信念,要振作起身,「不可辜負」! 雖然仲係覺得有啲唔真實,但諗返轉頭,我都太過遲鈍,可能因為低谷期變得無咁敏感,
3 min read
CBA

假波盛世

哇,黐線,睇咗十幾年波,真係第一次睇到咁假嘅假波,最佳演員非你哋莫屬! 唔想講嘢,睇咗呢場波嘅,就好似俾人捉住餵屎食噉嘅感覺……又嬲又好笑,當觀眾傻嘅真係,冇眼睇聽到聽到係假波,真係黐線黐得咁交關 CBA 查下啦,咁肉酸! update: 中国篮球协会纪律与道德委员会关于对“上海久事队”“苏州肯帝亚队”的处罚决定 好嘢,籃協出手夠快,再遲啲就要開打了,到時成個球場上空叫「假波」,仲肉酸!
1 min read
隨筆

活在當下

活在當下,係因為我哋唔知道,時間仲有幾多。尤其當意外好易發生嗰陣,就更加要珍惜難得嘅每一日,"live as you'll die today." 愛同陪伴,係最有力量嘅事物。因為愛,所以為咗個仔開心,去到世界各地睇唔同嘅風景,留低自己嘅足跡,影低每一個瞬間,即使家財耗盡都唔後悔;亦都因為愛,所以好有耐性地陪媽媽走過抑鬱嘅深淵,一齊去發掘呢個世界嘅美好 而好多時,愛都唔只係好好相處好融洽,亦可能係有抱怨有發脾氣同駁咀駁舌。都好合理,因為經常相處,自然就會多咗好多產生矛盾嘅事,而又因為噉,所以冇咁容易時刻關注對方嘅感受,就好易唔自覺地傷害咗對方。而道歉就顯得好重要,明白地話畀對方知自己好在乎,發咗脾氣就好喇,唔好破壞咗兩個人嘅關係。不過我自己都係儘量避免囉,因為的而且確唔想事後再補鑊,好麻煩;而且好唔想 hurt 到人,對方難過嘅時候自己都會難過 so,活在當下,珍惜每一日嘅風景同難得嘅緣分相聚,漫漫人生路,感謝你哋一直都喺度。
2 min read
影視

吉拿域·戴拖路之皮諾丘

今日都幾特別,好多嘢撞埋一齊 anyway,講返正題,今晚睇咗呢部電影,感覺好正,所以嚟分享一下 故事講嘅係一位木雕大師 Geppetto,晚年得兒 Carlo,妻子過身,視仔為寶。但好景不長,一戰爆發,冇生眼嘅炸彈炸死咗 Carlo,自此鬱鬱寡歡,荒廢自己嘅木雕事業,用酒麻痹自己,每日去仔個墳頭以淚洗面 好sad,戰爭就係唔好,就係壞嘢,發動戰爭嘅正一仆街,尤其見到 Carlo 喺教堂畀炸死,更加記得返烏克蘭被炸嘅教堂,已經一年有突,卻遲遲睇唔到普京等中意戰爭、視同為人類嘅兄弟姊妹為敵人嘅粉腸落地獄,更加唔知道呢場災難幾時先完,sigh Carlo 唯一嘅遺物——松果——喺佢嘅墳頭長成一棵又高又實淨嘅松樹。所以 Geppetto 喺長期得唔到主嘅回應嘅失落之下,借住酒興斬低棵樹嚟再造一個 Carlo 嘅木偶 luckily,精靈之神要管呢啲「閒事」,關心被遺忘嘅事同人,所以賦予木偶以靈魂同永恆嘅生命,帶畀
9 min read
隨筆

「所有目的地」

有 fri 喺香港集咗幾個「所有目的地」嘅路牌,幾得意,所以就嚟睇下究竟搞邊科? 路牌的謎思:「所有目的地」搞邊科?十幾年前,香港曾經有一塊路牌引起熱議,去到今日仲有網民間唔中拎返出嚟講嘅,就係呢塊位於中環干諾道中,可能係全香港最出名嘅路牌——「所有目的地(All Destinations)」。MediumRoad Research Society 道路硏究社 所以「所有目的地」錯了嗎?其實錯不在中文翻譯,問題出自於「All」呢個擁有「超然地位」嘅指令詞語。因爲一般而言,「All」就係無一例外兼無得你揀。正確例子就係「所有車輛(All traffic)」嘅路牌,用於臨時改道或道路封閉,駕駛者係無選擇餘地,必須跟住「所有車輛」行。 所以如果係有得揀行車綫嘅話,就唔應該用「All」呢個有命令性質嘅詞語。 其實要改善好簡單,就係用「
2 min read
影視

進擊的巨人 完結篇(上)

講結論先,Mappa 嘅劇場版正好多,面部刻畫、動作特寫等等之前被彈得多嘅地方都做好咗,大概都有聽到動漫迷嘅呼聲 冇諗到,真係快到結局了(雖然已經睇過漫畫。動漫嘅話都算補咗啲心理上邊嘅描寫 點解失去咗先至會珍惜?其實係關注嘅重點唔同——未到世界末日,地鳴將至,好少人會反思仇恨教育嘅問題;未分開,就唔會知道原來自己咁在乎中意嘅人——件事都未發生,梗係唔會睇得咁長遠。呢個就係最大嘅問題,但「時光冇辦法倒流,只有後悔會繼續」,冇㗎,人生常態,亦都只能吸取教訓之後期望會改過 but,究竟會唔會?其實好難。正如一直都有「死性不改」嘅説法,亦同上一段所講嘅有關:人喺唔同嘅時刻所關注嘅重點。呢一刻好後悔,好想改過自新,完全 make sense,因為呢種希望會令到嗰一刻嘅負罪感、後悔減輕,但事後呢?換咗個時間、地點 or 環境,人嘅諗法可能就唔同喇,因為做緊嘅嘢/想做嘅事唔同咗,就會暫時忘記要改變自己嘅諗法
4 min read
隨筆

《調整少少嘢,條路可以差天共地》——Sam哥

正話睇緊《迴響》第24期,睇到呢篇手記,都有啓發 世上大多數人,會用一個模式去思考——have-do-be:‌‌ 1.have- 等到我有靈感先啦;‌‌ 2.do- 噉我咪開始寫囉;‌‌ 3.be- 我就成為一個可以寫文發展催眠業務嘅人 呢種模式,往往令人長年無法突破,甚至失敗。因為用「等我 ready 先啦」嘅心態,你一世都唔會 ready 。而可以不斷突破,提升自己嘅人,採取嘅模式就係調番轉。 Be-do-have: 1.be- 先將自己定位為一個可以寫嘢嘅人; 2.do- 落手落腳寫咗先,有咩唔完善,之後再改進; 3.have- 寫作能力就越寫越有。 再關聯返前幾日喺朋友圈嘅感觸,發現可能唔止關決心事,決心當然都重要,唔係嘅話永遠都冇辦法踏出一步;但思考嘅模式都一樣好關鍵。如果成日都要 ready 好(
1 min read
隨筆

Day 3 Me 17➤23

今日(指15號,下同)想點就點,why?因為我最大囉,同埋今日係「偷」返黎嘅一日! 本身諗住今日就返去,但留多一日真係好值得,如果唔係要返學,真係想留夠七日 之前講過香港變差咗都係好,今日就詳細講下點樣好法——最好嘅其實都係最簡單嘅——喺以人為本嘅好多地方都做得好。 比如話交通方便,見得最多嘅就係101路(人腳)⟩⟩私家車⟩巴士、地鐵⟩的士⟩摩托車⟩單車⟩渡輪;講到交通,就可以講下今日搭巴士睇到路上有施工,都會整一排嘢圍住,跟住放滿晒啲警示燈,所以點都會注意到 第二個就係公共設施充足,除咗到處可見嘅巴士地鐵站,行幾步路就會有社區中心、公園、球場、遊樂健身設施,圖書館、人行走廊等等。都話香港寸土寸金,但呢啲真係唔慳得。同埋對坐輪椅人士都好方便,從人行道、巴士到地鐵再到商場等等 再來就係社會保障、福利好。有好龐大嘅社工機構去扶持到社會嘅每一個角落,亦有好多部門去維護公民權益——例如消委會會對市面上嘅產品檢測,
7 min read
隨筆

Day 2 變化

情人節流流,肯定都要有攪作嘅 琴日講嘅係唔變,今日都有嘢唔變——一如既往地同最愛嘅人一齊——好多嘢好似都冇變,但發生過嘅事,的而且確發生咗 疫後,除罩之日未到;煲底,約定再見唔見;兩年,促成二十三條…… 維港,太古,太子,中大,Poly,獅子山……未曾在場但一返到去回憶就湧過嚟,時間真係過得好快,something did happen and changed,while life keeps going 漸漸都理解同接受咗。就好似今日買唔到最新嘅《迴響》,但有我暫時最愛嘅12期——關於因果嘅一期。其實好多時候都搞錯咗重點,將眾多因素之一當成係責任,like「都怪女仔唔着多啲衫」,又或者「參與干預咗就係自己嘅責任」……如果非要講有乜嘢係自己責任嘅,就係同自己相關嘅事——包括與人之間嘅關係、心情、做嘅嘢同目標追求等等。 短短兩日,感覺自己又成長咗(唔知係咪錯覺哈哈哈,
2 min read
隨筆

Day 1 HK!

死城?要冧? 其實唔係噉樣。如果要死、要冧,唔止移民潮,而係冇錢到要百姓交多啲錢享更少權利,仲要擔心會唔會又起硝煙/互鬥 sure,移民潮無可否定,反映嘅係喺某啲地方變差咗,而且差好多;只係聽過好多其實都係因為下一代先走 但亦都有好多人繼續留低,且亦都有唔少人繼續過嚟。過嚟嘅人好易解釋,因為呢個世界有好多更差嘅地方;而唔走,都有噉嘅原因,正如《緣路山旮旯》想表達嘅——喺邊度唔重要,呢個世界永遠有更好嘅地方,但未必好到一定要去;最重要嘅係同邊個一齊,喺同一個地方體驗享受生活嘅幸福
2 min read